Bandièra01 1180x150: País Invisible

Opinion

Lenga e Lenga

Gèli Grande

Gèli Grande

Emplegat a La Pòsta, escriu de cronicas dins la revista Lo Lugarn. Es afogat de rugbi (subretot) de XV, de bona literatura e de bon cinemà quina que siaga la lenga.

Mai d’informacions
— “Lenga vernaculara: Lenga parlada sonque al dintre d’una comunautat.”
 
— “Lenga veïculara: Lenga de comunicacion entre de comunautats d’una medisha region qu’an de lengas mairalas desparièras” çò ditz Le Petit Larousse.
 
Aquò vòl dire qu’un occitan qu’emplega sonque la sia lenga parla, del temps qu’un autre que passa al francés comunica.
 
Se contunham la logica d’aqueste rasonament e s’imagenam un francés aprenènt l’occitan, se se’n servís parla e comunica pas.
 
Quand de franceses de lenga e de natura charran (lo francés) que fan? parlan o comunican?
 
Una lenga veïcularia es pas qu’una lenga vernaculara qu’a lo poder politic, economic e social de n’estrassar d’autras que ne son desprovesidas.
 
Plan vertat es qu’una lenga correspond a un biais de veire lo monde e qu’un diccionari (Aquiu Le Petit Larousse) n’es lo rebat.
 
 
 
 
abonar los amics de Jornalet
 
 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Bodiu
3.

#2
Coma al lòto podèm querda Quina ! Avetz pas tirat costièr

  • 1
  • 0
Gerard Cairon Florentin d\'Albigés
2.

Al jorn d'auèi, un occitan qu'emplega pas que la sia lenga....e ben... parla francés
Per avançar , cal pas aver páur de veire la realitat tala coma es e non pas s'amagar darrèr de concèptes fantasièiroses ( ex: lenga mairala -lenga mairala de qual?), de pretendudas enquistas (ex: la de l'OPLO) menadas sens cap de rigor d'analisi sociologica, pas que pel plaser de ne tirar d'estatiticas neblosas ( qu'an pas res a véser amb la realitat del terrenh..) pel plaser d'acontentar los que las amodèron (...e, tanplan benlèu, de justificar lor pòste..)...
Se volèm avançar cap a una reconquista de la lenga dins la vida sociala, dins la vida dels cadajorns, nos cal, me sembla, aver una reflexion seriosa, a partir de la realitat tala come es e non pas d'una pseudò-realitat fantasmada.
Sièm encara qualques unses a aver conegut l'occitan coma lenga d'usatge.
O es pas mai... es aquò la realitat...
E, umilament, la nos cal parlar lo mai possible dins nòstra vida dels cadajorns( e non pas parlar occitan sonque per parlar sus l'occitan...coma tantes fan...), saludar, encoratjar los que, benlèu, encara l'escarraunhan, per qu'an la volontat de l'aprene...
e, emai los que la conèissem un bricon, aver consciencia que, a tengut, riscam d'ésser parasitats pel francés dins nòstres biaisses de dire, dins la sintaxi, la fonologia,....e, donc, de longa, ensajar d'aver una aurelha critica sus nòstre quite parlar, per dire de transmetre pas una lenga que seriá sonque una lenga calc del francés....

  • 14
  • 0
Papioli
1.

Lo frances, lenga veiculara? Mas, que veicula?
Daus anglicismes, daus mots prenguts dins de las lenga estrangieras, daus concepts prefabricats, lo nom pus leu que lo verbe...
De las valors qu'eran benleu universalas a una epòca mas que son devengudas obsoletas, un sistem economico-financier que fai bancarota...?
Una colonisacion de tot çò qu'es pas occidental?
la laicitat? mas qu'es aquò la laicitat?
De las valors de guerras pus leu que de patz?
Una religion depassada, una sciença materialista, darwiniena que vòl pas evoluar?
En continuar aitau, lo frances vai devenir una lenga mòrta sens tardar. Quò es pas en meprisar la lenga araba que vai ganhar quauqu'a ren. apres tot l'arabe es pus ancian que lo frances.

Vòle pas dire per aquò que l'arabe es melhor que lo frances. Non mas existe. a una istòria, una cultura tant importanta que lo frances. Es reconeiguda lenga internacionala mas es pas ensenhat aus frances.
D'un autre biais darrier l'opausicion francò-arabe i a una guerra milenaria, un sentiment de dominar l'autre pus leu qu'establir una patz, daus intersts economico-financiers que depassan lo culturel, e de las manipulacions governementalas daus dos còstas.

E que dire de l'occitan? Sur qual valor pòd se bastir. Tot depend dau poder que domina e de nòstra capacitat a crear un contre-poder sens argent e sens competença.

  • 1
  • 8

Escriu un comentari sus aqueste article