Bandièra01 1180x150: País Invisible

Opinion

Agnostic

Gèli Grande

Gèli Grande

Emplegat a La Pòsta, escriu de cronicas dins la revista Lo Lugarn. Es afogat de rugbi (subretot) de XV, de bona literatura e de bon cinemà quina que siaga la lenga.

Mai d’informacions
Pascas, L’Ascension, l’Assompcion, Marterons o Nadal son de fèstas religiosas crestianas. Per ièu son de jorns oficials de branlèra que permeton al monde de copar agradivament la setmana de trabalh.
 
Etimologicament la religion es çò que religa los Òmes entre eles. Çò que me religa als autres es bèl primièr una lenga e una cultura. Al dintre d’aquesta cultura una part ne pòt èsser una religion o una pensada.
 
Ai quitat d’èsser crestian e mai precisament catolic. Dins mon jovent creseguèri creire. Eri crestian per que mon monde o èran. Eri cachaniu quand me menèron ran d’un aiga-senhadièr per qu’un prèire me benesiguèsse.
 
Anèri al catequisme per que mon monde me disián que i caliá anar. Faguèri la primièra comunion puèi la confirmacion per que aquò marcava ben socialament.
 
Al fons de ièu, Dieu me’n batiái. Pels de mon temps èra un sentiment jà largament espandit … e vos disi pas ara.
 
Me destaquèri d’aquesta religion e dels autres monoteisme quand aprenguèri çò que la Glèisa faguèron en çò nòstre entre 1209 e 1271 e apuèi en America del Nòrd o del sud.
 
Per ièu lo cèl es liure de tota preséncia divina. Dins lo cèl i a de crums, de nivas, de solelh e quand aquò li peta Lucia amb de diamants com a o cantan las Babaròtas Ritmicas (o Beatles en occitan de Londras).
 
Aimariái èsser Chèc. Al país del Franz Kafka 79 del 100 del monde dison qu’ei atèu e atèu qu’ei. (varianta locala sens dobte del “qu’ei atau e atau qu’ei” gascon).
 


abonar los amics de Jornalet

 

 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

SALVAT
1.

rectificatiu : etimologicament e dins la teologia, lo mòt "religion" es pas lo ligam entre los òmes entre eles mas lo ligam entre los òmes e Diu.
Aqueste error demonstra que i a pas pus de cultura religiosa, ara, en çò d'unes occitanistas. Es domatge !


  • 0
  • 0

Escriu un comentari sus aqueste article