Bandièra01 1180x150: País Invisible

Opinion

Version 100 de Mozilla Firefox

Lo Quentin

Lo Quentin

Apassionat de lengas, ai començat a recuperar la lenga en 2011 e dempuèi ensagi d’obrar per l’occitan coma pòdi.

Mai d’informacions
Lo 3 de mai sortiguèt la centena version de Firefox, vos presenti las modificacions.
 
Lo mòde lectura vidèo incrustada pren en carga los sostítols dels sites YouTube, Prime Video e Netflix, mas tanben los sostítols venent de site qu’emplegan l’estandard WebVTT (Web Video Text Track). Per los activar cal o far a partir de la pagina qu’aficha la vidèo.
 
A la primièra aviada se Firefox detècta que sa lenga es diferenta d’aquela del sistèma operatiu, demandarà a l’utilizaire quina utilizar.
 
Lo verificador ortografic pòt ara verificar un tèxt escrich dins mantuna lenga a l’encòp. Consultatz aquesta pagina https://addons.mozilla.org/fr/firefox/language-tools/ per causir un diccionari ortografic demest los dos del Congrès, un autre basat sul trabalh de l’associacion Tot en OC, e un en aranés.
 
Los utilizaires pòdon ara causir pels sites web l’esquèma de colors (clar o escur).
 
Se pòt causir Firefox coma afichador de PDF per defaut.
 
Per utilizar Mozilla Firefox en occitan per Windows anatz a la pagina seguenta en causissent “Occitan” dins “Langue préférée” https://www.mozilla.org/fr/firefox/all/#product-desktop-release
 
Per Linux, consultatz las consignas de vòstra distribucion. Per Mac, sabètz vos petaçar.
 
Qu’utilizatz Firefox o pas, podètz configurar vòstre navigador Internet per qu’indique que parlatz occitan. S’agís d’una lista de lengas ordenadas per preferéncia. Per saber se vòstre navigador indica que parlatz occitan anatz aquí:https://www.mejans.fr/aisinas/verificador/
 
I podètz aprendre cossí realizar aquesta manipulacion dels paramètres.
 
 
 
 
 abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Mai Republica es abordida mai legiférís !
6.

#2

Per lo butterfly, alavetz apèi recercas, son ben de parpalhòls espotits dins una cassòla que s’en fa una mena de grais de color mai o mens jaune que s’ atostonava sus lescas de pans fresc e que se minjava per l’endejun amb’una ceba e quora se vesiá un parpalhòl lo mond ça disian tè acha un butterfly.

  • 0
  • 0
Mai Republica es abordida mai legiférís !
5.

#2
E se vertat lo firefox es un pandà ros, lo creator del lògo prenguèc per tesmple e modèl un, guèine e brica un pendà ros. Macanica !

  • 1
  • 0
Mai Republica es abordida mai legiférís !
4.

#2

https://upload.wikimedia.org/wikipedia/fr/thumb/f/f4/Mozilla_Firefox_2004.svg/500px-Mozilla_Firefox_2004.svg.png

  • 0
  • 0
Mai Republica es abordida mai legiférís !
3.

#2

vertat que l'imatge de firefox sembla plan un panda ros tesselat :)

  • 0
  • 0
Quentin Tolosa
2.

En anglés Firefox vòl dire panda ros, butterfly es pas de burre que vòla ;)

  • 0
  • 0

Escriu un comentari sus aqueste article