Opinion
“Martror”, festèja los mòrts
Un grandmercé a l’associacion: “los amics de la Baragonha”, de Sant Cristau, 34400, qu’encara un còp nos farguèron un bon biais de festejar las tradicions!
Lo divendres 28 d’octobre 2022: Quina polida serada!
En aqueste moment, solstici d’ivèrn, se tornar trobar entre vius e mòrts, (luènh d’un Halloween, òrre, fòrça tròp comercial e americanizat), es un bonaür vertadièr!
Tradicions, Teatre, contes, mangisca, bon vin, e occitan èran pas doblidats.
Tre la debuta, lo despart, al domani: “Cante vinha”, amb lo gòt de l’amistat, per començar.
Una tombòla, a gratis, èra organizada.
Doas comedianas, Marie e Isabela, plan desguisadas, del teatre de las originas, menèron la passejada (un grop d’un centenat de personas, de tot atge, amb de desguisaments de tota mena), en direccion del bòsc.
Còrtegi animat, per se botar dins l’esperit de Martror...Pauseta prevista amb un conte teatralizat, “la mòrt mairina”, e participacion del public.
De bruches prigonds dins la nuèch, al fins fons dels bòsques...per l’ambient.
A mièg percors entre las vinhas, una contaira, Cristina, èra al rendètz-vos amb un conte ont los vius encontran los mòrts, puèi se’n tornan apasimats.
Un conte que fa de ben.
Una pauseta al potz de la Baragonha ont un paure pescaire se troba perseguit per “la femna esqueleta”. Rires, plan segur, mercé a la mesa es scèna e al talent comic, de Marie e d’Isabela. Mas es tanben un autre conte, que fa soscar. Aqueste conte, legit en occitan, nos fa aprigondir lo cicle de la vida: “Vida/Mòrt/Vida”. Es important de pas doblidar qu’aquò es lo fondament de tota vida.
Al retorn, una purèa de cogordas, plan enriquecida, que nos rescaufa lo còs e lo còr.
Un gòt de bon vin, o de chuc de fruches, e sèm prestes per la seguida...
Moment fòrça cargat d’emocion: comunicacion escricha...Cadun pòt mandar un messatge a sos mòrts tant aimats. Mercé a las nòstras comedianas, lloronas organisatrices d’una serada de tría, los papièròts partisson en fum en direccion del cèl, fins als defunts.
L’apast: E ara,los mòrts son convidats par l’apast: tres d’entre eles arribon, que semblan sortir de delà la mort, mercé als maquilhatges, e desguisaments. Se pòdon assadolar abans de tornar partir en cò sèu...Cadun sa plaça.
Ara es a nosautres de nos congostar amb de pomas al forn, chucosas, caudas e sucradas! Una golardisa!
Los Amics de la Baragonha? Una còla de jòia, d’amistat, dins l’esperit del paratge, que defend totjorn de valors prigondas.
Lo divendres 28 d’octobre 2022: Quina polida serada!
En aqueste moment, solstici d’ivèrn, se tornar trobar entre vius e mòrts, (luènh d’un Halloween, òrre, fòrça tròp comercial e americanizat), es un bonaür vertadièr!
Tradicions, Teatre, contes, mangisca, bon vin, e occitan èran pas doblidats.
Tre la debuta, lo despart, al domani: “Cante vinha”, amb lo gòt de l’amistat, per començar.
Una tombòla, a gratis, èra organizada.
Doas comedianas, Marie e Isabela, plan desguisadas, del teatre de las originas, menèron la passejada (un grop d’un centenat de personas, de tot atge, amb de desguisaments de tota mena), en direccion del bòsc.
Còrtegi animat, per se botar dins l’esperit de Martror...Pauseta prevista amb un conte teatralizat, “la mòrt mairina”, e participacion del public.
De bruches prigonds dins la nuèch, al fins fons dels bòsques...per l’ambient.
A mièg percors entre las vinhas, una contaira, Cristina, èra al rendètz-vos amb un conte ont los vius encontran los mòrts, puèi se’n tornan apasimats.
Un conte que fa de ben.
Una pauseta al potz de la Baragonha ont un paure pescaire se troba perseguit per “la femna esqueleta”. Rires, plan segur, mercé a la mesa es scèna e al talent comic, de Marie e d’Isabela. Mas es tanben un autre conte, que fa soscar. Aqueste conte, legit en occitan, nos fa aprigondir lo cicle de la vida: “Vida/Mòrt/Vida”. Es important de pas doblidar qu’aquò es lo fondament de tota vida.
Al retorn, una purèa de cogordas, plan enriquecida, que nos rescaufa lo còs e lo còr.
Un gòt de bon vin, o de chuc de fruches, e sèm prestes per la seguida...
Moment fòrça cargat d’emocion: comunicacion escricha...Cadun pòt mandar un messatge a sos mòrts tant aimats. Mercé a las nòstras comedianas, lloronas organisatrices d’una serada de tría, los papièròts partisson en fum en direccion del cèl, fins als defunts.
L’apast: E ara,los mòrts son convidats par l’apast: tres d’entre eles arribon, que semblan sortir de delà la mort, mercé als maquilhatges, e desguisaments. Se pòdon assadolar abans de tornar partir en cò sèu...Cadun sa plaça.
Ara es a nosautres de nos congostar amb de pomas al forn, chucosas, caudas e sucradas! Una golardisa!
Los Amics de la Baragonha? Una còla de jòia, d’amistat, dins l’esperit del paratge, que defend totjorn de valors prigondas.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Enfin una dòna... mercé Cristina. E un article plan polit d'un eveniment plan interessant.
Çaquelà, lo solstici d’ivèrn, mençonat dins l’article, serà lo 21 de decembre en 2022.
Per ara, sèm entremièg l’equinòcci de setembre e lo solstici de decembre.
Vertat que las nuèches venon longas, pasmens, Nadal es encara un pauc luènh. Ieu ai pas encara començat de caufar l’ostal, e l’estiu de la Sant Martin es lo onze de novembre.
M’engani endacòm ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari