Opinion
Imaginari desmargat
Halloween manca pas de questionar. D’un costat causas plan bravas, trèvas, fantaumas, cogorlas, es gaujós e plasent. D’enfants e tanben fòrça adultes joines, se mascaran, se desguisan e se passejan atau per carrièra. A mai amb de mascaratges polits, inventius, tanplan coma los vestits, amb de colors dominantas, l’irantge de la cogorla, lo negre, lo blanc.
Tot aquò fa bravament plaser se nos rementam que fa gaire èran causas que degun gausava pas pus faire. Abans l’introduccion d’aquesta “fèsta” aprèp l’an 2000, se desguisar e far carnaval, èra vist coma de practicas preistoricas de plocs rengardizats. La joinessa n’aviá vergonha, particularament en vila.
Atau lo positiu de tot aquò es l’estrambòrd, la creativitat, de trencar la rotina unifòrma de la vida-vidanta.
Las nòstras societats s’i son botadas amb vòlha, tant l’espanhòla que la catalana, l’italiana e la nòstra aquí. Per Occitania avem plan Martror que lo Glaudi Alranq s’afana de far conéisser.
Mas non! Calguèt que la validacion venga daus Estats-Units.
Se mascarar, se desguisar dins lo biais originau de nòstras culturas es mespresat d’a fons. Mas la metèissa causa validada per la dominança economicò-culturala merita d’i anar d’a fons.
Vertigi. Sembla plan que las nòstras societats venon dins l’incapacitat d’engimbrar lor imaginari e lor biais de s’amusar.
Lèu d’èsser?
Tot aquò fa bravament plaser se nos rementam que fa gaire èran causas que degun gausava pas pus faire. Abans l’introduccion d’aquesta “fèsta” aprèp l’an 2000, se desguisar e far carnaval, èra vist coma de practicas preistoricas de plocs rengardizats. La joinessa n’aviá vergonha, particularament en vila.
Atau lo positiu de tot aquò es l’estrambòrd, la creativitat, de trencar la rotina unifòrma de la vida-vidanta.
Las nòstras societats s’i son botadas amb vòlha, tant l’espanhòla que la catalana, l’italiana e la nòstra aquí. Per Occitania avem plan Martror que lo Glaudi Alranq s’afana de far conéisser.
Mas non! Calguèt que la validacion venga daus Estats-Units.
Se mascarar, se desguisar dins lo biais originau de nòstras culturas es mespresat d’a fons. Mas la metèissa causa validada per la dominança economicò-culturala merita d’i anar d’a fons.
Vertigi. Sembla plan que las nòstras societats venon dins l’incapacitat d’engimbrar lor imaginari e lor biais de s’amusar.
Lèu d’èsser?
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Me sembla pas que festejar Caramentran o cantar coma Marti "farem del carnaval la festa nacionala" aguèsse estat rengardizat o vergonhos. L'anament en doliha del carnaval aqueles darrièrs ans foguèt puslèu deguda a la decision fantasierosa de daissar la causida a cada municipalitat (emai a cada barri !) de se causir sa data de carnaval. Estaloirar atal de carnavals aqui ne vols aqui n'as, luoga d'una data fixa, a completament agotat e voidat de son sens aquesta festa. Aganiment benlèu volgut per l'Estat dins son obsession de canalisar e d'encadrar los desfolaments popularis potencialament generators de trebols a l'ordre public. L'esbocinar en autant de barris e de municipalitats a de datas diferentas es saique un biais per lo melhor contarotlar. L'a voidat de son chuc. Aqui qu'arriba Halloween. Aquesta festa americana nos es impausada per de rasons estrictament comercialas, amb la benediccion de l'Estat central qu'i vei un biais lucratiu de mai, idem qu'aquel convit a la consomacion destimborlada e festiva qu'es lo "black friday". I-a pas luoc de se regausir d'aquesta pojada dins l'alienacion. Dins fa pauc nos impausaran tanben la festa americana de Thanksgiving e i aurà saique de mond (i comprès en Occitània !) per trobar qu'aquo es genial, forçadament genial. Tsss....
''se desguisar e far carnaval, èra vist coma de practicas preistoricas de plocs rengardizats. La joinessa n’aviá vergonha, particularament en vila.'' Arguments? exemples? estatisticas? o ei sonque entà servir la vòsta idea? Jo ne n'aví pas briga aquera percepcion....
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari