Un còp èra lo comte Jo Sabi.

Joe Sabir li disián los que comprenián pas son lengatge estranh.

Disián qu’èra de farlabica imperialista a consonança administrativa. E inversament.

Èra d’usatge quora s’exprimiá a la television, dins los diaris o sus internet.

Lo comte que sap tot, que vei tot, qu’es lo mèstre de tot. La Bèstia Voidaira li disián atanben.

Dempuèi que foguèt causit coma guida, las urnas s’èran voidadas, las caissas de sos adversaris s’èran voidadas, de sas prerogativas las institucions s’èran voidadas.

Un temps las quite carrièras s’èran voidadas.

Puèi s’èran emplenadas tornar.

Trabalhar mai per roganhar mai.

Dura lex sed Rolex.

L’Enemic es la fisança.

Aprèp la lei Trabalh, aprèp la lei sus las retiradas, quala seriá la tresena espròva d’aquel comte?

E Chi e rac sèm ric e rac

E Ron e mac mon comte a pas acabat.

(rabotat per ChatGPTÒc a partir de las cinc proposicions seguentas: actualitat politica francesa, conte, occitan, umor, pastis)

(nòstra devisa: La mòrta sens fe, òbra es)