Son los alquimistas del sègle nòstre.

Penson que pòdon cambiar en intelligéncia artificiala la bestiesa reala.

Los zeròs en numeròs un.

Pel moment s’entremesclan los uns amb los zòtres.

O dison sistèma boolegan.

Pòt metre Kaspar off... and put Vladimir in.

Calcular lèu e socializar mal, coma sos creators.

Far lo Mal o far lo Ben: i sèm, encara e tostemps.

A la debuta èra lo Web...

Los zeròs, los uns, los autres: a tèrme serà pas mai un problèma.

Es matematic.

Mas a quin algoritme se farà?

A l’ora d’ara racisme, misoginia e autras -fobias se trapan dins las convèrsas dels robòts que tenon lor intelligéncia de las rets socialas.

E l’ironia, lo segond gras, cossí se comprendrà per part de las maquinas?

Benlèu siague mai aisit per elas de resòlver çò superior a nonanta gras, çò obtús?

Si que non l’ironia serà que la bestiesa reala venga bestiesa artificiala fin finala.