L'estiu avèm de films classics. Comics, leugiers. Sovent que tòrnan coma la messa d'un estiu a l'autre.

— Avèm dins Le gendarme de St Tropez, lo gendarma Fougasse, solet al nom occitan (fogaça en occitan restablit), a l'accent occitan, es lo solet celibatari, un pauc paurós, gent mas bestiassa.

Los autres actors an l'accent parisenc, levat lo cap, jugat per Galabru(n). An l'accent parisenc los joves, modèrnes, cantan en anglés 'do you st Tropez' entre lo cai de la begüa Senequier e las plajas de Pampalona.

Un es d'una familha de rics e parlan ja anglés per far tendéncia en dire: 'be happy'.

— Avèm tanben vist lo film en triptic Qu'est-ce qu'on a fait au bon Dieu ?

Dins lo primier de la seria, i es una allusion a l'occitanitat alvernhata, amb lo paire que parla de las originas e cita coma traça (d'un biais ironic) que va ren manjar l'aligòt cada jorn perqué es d'origina alvernhata. Es dich doncas per lo paire Verneuil (forma occitana alvernhata restablia Vernuelh) qu'es totun notari, en zòna d'Òil, dins la vilòta ben franchimanda de Chinon.

A l'ocasion d'un escambi amb lo paire de son filhat, d'Africa negra que si planhe de l'umiditat dins aicest sector, Vernuelh respònde: 'anatz al sud de Léger per aver un climat mai sec!' al paire african.

Dos filmes diferents. Un dintre Occitània, amb lo bling bling naissent de Sant Tropètz. Un autre fòra Occitània. Cadun amb un resson, en sordina e jamai clar, amb l'occitanitat.