Bandièra01 capçalera  1180x150: Novestivada

Opinion

Las inspiracions dal temps que s’acaba dins gaire

Las inspiracions dal temps que s’acaba dins gaire
Las inspiracions dal temps que s’acaba dins gaire
Laurenç Revèst

Laurenç Revèst

Escrivan, traductor. Dialectològue, Doctor en lingüistica. President onorari dal Centre Cultural Occitan País Nissart e Alpenc.

Mai d’informacions

...per un Temps Novèl coma disia lo jornal occitan vivaroalpenc de Piemont

Vos parlar de la barraüra de jornalet.com, a cu profiècha lo crimi? Partir dins una mapa en arborescéncia amb los divèrses empachaires, que quasi tots an ren fach per obrar per jornalet.com. Dal mai perturbant dins los sieus comentaris anonimes, per dire qu’es nul. A! Lo dire es un bèl instrument, mas far es autra causa. Als mai marrits que mandan de mails per si plànher que se deuria far coma els vòlon, mas las quitas personas de dire aquò, fan ren. Cal trabalhar per els en soma. Mentalitat de veire los autres coma d’esclaus estranha.

Agachar l’anar dal monde e qué dire?

Parlar de las mapas que mòstran los païses que son classats segon los grad de democracia? Segon lo nom de familha lo mai espandit? Segon qu’aman o detestan los païses vesins? Que manjan de can?

La segonda lenga mai parlaia, levat las lengas escolaras estandardas.

Que sio de cercar l’inspiracion en esperar la liurason d’una gòrba de legumes dins un parcatge gonfle de caud.

De mi refigurar que los occitans sèm andicapats socialament dins l’educacion perqué se fasèm criticar de totas parts: avèm mens d’estudiants que d’autras matèrias, sèm sampalhats sus 4 o 5 establiments al pèjor de las annaias. Que de caps d’establiments nos meton de bastons dins las ròdas e cercan la nièra?

Que passo de temps sus YouTube per trobar una sorsa d’inspiracion.

Las relacions interessaias a sens unic. Coma demotivar de gents? Lor levar de desbocats. Levar la possibilitat d’èstre visibles. Las pressions per rentrar dins lo reng. Far galerar lo monde non causits.

Dire que tot aquò mancarà a degun, e que la planeta a besonh de ren per virar. Ni dals autres...

Se demandar perqué l’inflacion despí l’après Covid-19?

Veire que l’espaci occitan es tocat per de secaressas mai intensas qu’avans.

Provar de telefonar a un amic occitanista per trobar un sòu subjècte.

Brics vs G7 amb OTAN? Un autre subjècte. Mas doble juec de China e Russia, caps dals BRICS de fach e que meton la pression per integrar de novèls estats. E qu’an dos sètis al Conselh de securitat de L’ONU. Jugar sus dos tablèls.

La comparason entre lengas dal grop indo europèu per dire paire, maire, eça.?

L’evolucion dals alfabets dins lo temps?

L’evolucion de l’airal armèni dins lo temps un an per segonda?

Las evolucions de religion en Corèa dal Sud?

Coma los Juecs olimpics de París van plombar l’economia e que las regions un còup de mai veiràn ren levat de pagar. Probable.

Drevelh d’Africa negra? CEDEAO vs Union africana?

Que Africa es lo continent que crestians supèran numericament de gaire los musulmans, es quasi cinquanta cinquanta.

Que pensar que Tomàs Sankara e Seex Anta Jóob èran de pensaires interessants. A mai los estudis avancèsson amb las recèrcas actualas.

Que pensar que l’istòria de França es dicha d’un biais imperialista amb lo roman nacional, inventat, es normal d’o dire, perqué escondre ce qu’es veritat? E vòl ren dire que sostenèm d’abuses intellectuals d’un autre costat, coma lo creacionisme.

Lo vielhiment en Japon, las comunas fantaumas e las comparasons dal comportament japoneses rapòrt a d’autras civilizacions. O la comparason entre restaurants de nolhas, que la mòda demanda de sonar ramèns. O per un país tan codificat e cortés e modèst e trabalhaire... lo desversament de l’aiga encara impura de Focoshima dins l’ocean Atlantic. E coma la qualitat alemanda per las veituras, de bla bla.

Alemands que fan guèrra al nuclear francés perqué en Alemanha l’electricitat amb de combustible de carbon (!) + energias renovalablas còsta mai car. Tot en pensar que la veitura electrica, de fach es una veitura d’energia basaia sus lo nuclear.

Que Molière èra per un francés dal sieu temps mentre que es estudiat per los licèus coma un autor “classic” e iconizat. Seria còntra aquò probable. Coma uno spaghetto existe ren mas se ditz ben de spaghetti.

Vos parlar dal bèl film revirat en occitan: Ernèst e Celestina. E la plasenta adaptacion tanben dal Gruffalò. Que los enfants èran contents d’o descubrir, e en occitan.

Un capítol novèl de la colonizacion en Africa, après los europèus, los chineses, arriban aüra los russes. Lo blat donat a d’unos païses africans permete una perfusion e evitar lor pròpri desvelopament.

E los occitans dins tot aquò?

Quina Euròpa per los occitans? se demandava una bandeiròla occitana per lo Som dal Conselh europèu de Niça en lo 2000. La question es meme mondializaia!

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Zozime
2.

Pensi qu’es a jornalet de s’en prener a el meteis primièr !

Jornalet es pas estat pro blinse per poder agrar çò que de per sa natura meteissa non podià agrar. Es aqui l’agre !
Aquò val tanben pels comentaris !

S’es escasut que s’es mancada l’escasença de fargar quicòm. Que s’en posquèssa tirar las leiçons pel còp que ven se n’i a un !
Demandèri a la femna çò que ne pensava : « los esperits vos an emblat vòstra cèl blau » ça me rebequèc !
Demandèri tanben a La nòstra divèssa Santa Rompelomina : « los ressons tindaires carretjan pas l’aura de l’engranièra » ça me rebequèc !

De-ça-que tornèssa ….. !

  • 0
  • 2
Lachaud
1.

La frontiera entre China e Russia es pacifista dempuei mai d'un secle. En dirai pas tertant de la frontiera entre França e Allemanha (doas guerras mondialas sens comptar aquela de 1870). Entre lo bloc URSS (aura Russia): la guerra freja, un mur de berlin, la guerra en Bosnia, serbia, la guerra en Ukraina. Son pas de las atacas de Russia contre un autre pais mas una ataca dau bloc occidental (USA/Euròpe) contre Russia.
Lo dejos de la politica e de las guerras son pus negras que las tenebras de la Bible.
En França tot se passa plan (doça França). I a pas de problems, i a ren a cambiar. I a pus de discors alternatifs. I a una sola pensada unica...
Lo poder en profita per divisar los occitans entre eus, ecartelar l'Occitania e los occitanistes devria se taire?Per Occitania lo poder es pas l(Euròpe mas es França.

  • 1
  • 1

Escriu un comentari sus aqueste article