Bandièra01 1180x150: País Invisible

Opinion

Frasòtas d’actualitat…

Victòria ciutadana: En Canaquia, l’independentista bat la secretària d’Estat a la ciutadanetat per las senatorialas
Victòria ciutadana: En Canaquia, l’independentista bat la secretària d’Estat a la ciutadanetat per las senatorialas
Alan Roch

Alan Roch

Responsable de l’IEO-Aude. Contaire,escriveire, cronicaire (ràdio, premsa escrita). Afogat de rugbi de 13.

Mai d’informacions

Tèxte legit

L’actualitat vai, ven e vira: just lo temps de n’agantar quauqua pensada e d’analisar tòcas e perspectivas…

  • Crisi ecologica: Fàcia la situacion ecologica, lo president Macron refusa d’anar al carbon!

  • Evidéncia: Lo glifosat es reconegut dangierós: en tota logica, se ne pòt perseguir l’utilizacion.

  • Autorotas: Pro de dobrir e alongar autorotas, mas un còp que serà acabada la ligason Tolosa-Castras (per començar/contunhar…)!

  • Algas verdas: Un film de véser: Les algues vertes. Una brava demostracion dels dangièrs de l’agro-industria e de las collusions poders-(in)justícia-FNSEA.

  • L’anti-Larzac: Un libre occitan e uman de legir: Leis inaudibles, del Didièr Mir (ed. Édite-moi). Cossí l’armada voidèt un vilatge de Var de sos estatjants en 74 per espandir lo camp de Canjuèrs.

  • Victòria ciutadana: En Canaquia, l’independentista bat la secretària d’Estat a la ciutadanetat per las senatorialas.

  • Descafeinada: L’autonomia proposada per Corsega, los mots sens lo contengut.

  • Calor: La primièra ministra francesa anóncia que la temperatura va tornar pujar a 49°3 a l’Amassada nacionala.

  • Manifestacions: Ne sèm a manifestar per aver lo dreit de manifestar…

  • Angleses: La tòca secrèta del passatge de Carles III a Bordèu èra d’envisatjar las condicions del retorn d’Aquitània a la corona anglesa.

  • E qun pintre!: Quand s’embestiava coma Dalfin, lo rei anglés pintrèt en 2004 una aqüarèla per l’etiqueta d’un Château Mouton Rothschild! Benlèu que veniá de legir Lo Prince pichon: ”Dessenha-me un moton!”

  • Piuses: Los gosses besierencs n’an pas pro de las piuses vertadièras. An dreit de mai a una piuse electronica per los empachar de cagar per carrièras!

  • Valentisa: Aparentament, los moissals-tigres coneisson pas la pigresa.

  • Secretari perpetual: Amin Maalouf, secretari perpetual novèl de l’Academia francesa, coneis almens l’istòria de l’amor de lonh del Jaufre Rudèl (un libre seun que l’Andrieu Clamenç revirèt en lenga nòstra).

  • Esper: Aprèp la nafradura del capitani del XV blau, l’entrainaire canturleja: ”L’Antòni, lo vòli…!”

  • Malaisit: Expression rugbistica novèla: ”Malaisit coma un quinzista australian”

  • Badaira: A badar lo Papa al Velodròme, Nòstra-Dòna de la Garda doblidèt de venir en ajuda a l’OM al Pargue dels Princes. L’indigna Bona Maire abandonèt sos enfants.Resulta: una brava desfaita 0-4!

  • Consequéncia: L’OM cèrca un entrainaire en CDD, fins a la crisi venenta…

  • L’ors vinhairon: Crompat una cantina de vin de Bearn etiquetada ”L’ours mal léché” (L’ors mal lupat). Un vin de las vinhas de Joan-de-l’Ors?

  • Lipetariá d’enfança: Crompats al mercat del terrador del Festi-Canton de Sopèx (Lauragués), tres pòts de confiment: pastèca; tomata verda; persècs de vinha…

 

 

Chapa-actu Roch

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Zozime
3.

A Genolhac dins gard renaissença de la consòrtia « Renouveau de la pomme 100 % Cévennes » que ven de lançar sa marca « jus de pomme des Cévennes » (Chuc de pomas de cevenas)

https://www.jusdepommedescevennes.fr/


Engajat dins lo proces de cambiament per eissir del Tot Diesel, lo sit aveironés de fornimentier Bosch mascanha d’aqui qu’es acarat a una diversificacion mai entrebescada que çò prevezit.


Detenguda per « Refresco » dempuèi 2020, l’Usina J&C de condicionament de chuc de fruchas de Nissan-Lez-Ensérune (erau) es a tampar en setembre de 2024, o de trobar un reprenaire d’aici mièg de novembre. 70 personas son emmersadas en CDI sus aquel sit de produccion.

  • 1
  • 0
Zozime
2.

E n’ai doblidada una d’importancià de nòva : Lo « potamoi » es lo nom d’un brustièr que regula lo consum d’aiga e d’energia jos la docha. Cirèià sul cocon es estat inventat per un parelh (òme femna) de las nautas Pirenèus.

Lo remirable Brustièr sarà comercializat lèu per una campanha de crowfunding sus KissKissBankBank.

https://toulouse.latribune.fr/innovation/start-up/2023-10-02/le-potamoi-un-boitier-qui-regule-la-consommation-d-eau-sous-la-douche-977364.html

  • 1
  • 0
Zozime
1.

Es bona causa aquelas nòva al fial de las actualitats. Lo menèl ça me dis que se deurià far cada jorn.


- L’alssada dels taus suls mercats esponcial venu na brava estrancilhada sul budget francés.
- Usina de paracétamòl entà Tolosa, lo projecte es finançat ça dis lo menaire del projecte.
- Figeac Aéro ten un pàti de30 Milhons d’euros ambe los motrors de Safran
- Emotion Tech Pichona entrepreza Tolzenca va producir un forniment d’estampadoiras a l’armada francésa.
- Las retiradas complementaris se deurian tener un aument de 5% al 1r. de novembre.
- Se Ucraina dintra dins U.E tocarà 186 Milhards d’euros sus 7 ans. D’unis esperan una dobertura de la negocacions de dintrar dins U.E d’aici Fin 2023.

Adematin LO 5 d’octobre de 2023 entà las 6h31

Lo grama d’aur es a 56,43€
Lo grama d’argent es a 0,664€
Lo grama de platina es a 27,16€
Lo grama de palladi (Palladium) es a 36,81€
Lo grama de ròdi (Rhodium) es a 142,32€
Lo grama d’iridi (Iridium) es a 156,48€
Lo grama de rutèni (Rhutenium) es a 16,49€

Lo Kg. d’indi (Indium) es a 536,96€
Lo Kg. de coire es a 9,17€
Lo Kg. de galli (Gallium) es a 565,49€
Lo Kg. de germani (Germanium) es a 2562,91€

Es un bon biais per tornar vèire los noms dels metals en occitan !

Esponcia (obligation) esponcial (obligataire)

Devonhòla : de qu'un es lo nom d'aquel ausèl que far grrrrrrrrr. grrrrrrr e qu'es a volar al luscre

  • 1
  • 0

Escriu un comentari sus aqueste article