Aquesta opinion es un pauc un retorn (un feedback coma se diria en francés) après l’opinion “L’òme de l’eveniment (happening in french)”

Avèm vist de ressons mai o mens precises a prepaus de Ben e mai a prepaus de l’engatjament de Ben per l’occitan. 

D’articles pron generalistas que passan a costat de Ben (perqué parlan ren de tot) coma:

• Paris Match: L’artiste Ben retrouvé mort dans sa maison de Nice, une balle dans la tête

• Le Point: L’artiste Ben, orfèvre de l’écriture, est mort

• France 3: "On ne le considérait pas à son niveau", le monde de l'art rend hommage à Ben

• Nice Matin: "Votez Ben", "Unis à jamais", "L’œuvre d’art c’est vous deux...": les messages des anonymes aux obsèques de Ben et Annie à Nice

Mas avèm agut doas suspresas, per de mèdias de lenga francesa totjorn. 

Lo primier qu’abordèt l’occitanitat d’un biais concrèt, amb las sieus accions per l’occitan de cada jorn o de cada òbra:

• France 3: "Il comprenait jusqu’où il pouvait aller", livre d'or, fresque... Les nombreux hommages à Ben

E mai un segond, que metèt los pès dins la sopiera e s’intitolava “Perqué aquest jòus los ataüts de Ben e Annie Vautier seràn cuberts d'una bandiera occitana?“ [Pourquoi ce jeudi les cercueils de Ben et Annie Vautier seront couverts d’un drapeau occitan?]:

• France 3: Pourquoi ce jeudi, les cercueils de Ben et Annie Vautier seront couverts d'un drapeau occitan ?

Òc, niçard doncas occitan. Ben èra ben un d’aquels nòstres.

Après, de segur, dins los mèdias occitanistas trobam la non esquiva de l’occitanitat dins aquest tip d’eveniment (tan melhor) coma la vidèo d’una occitanista niçarda que se veson los dos ataüts cubèrts de la bandiera occitana.

De fach se vei gaire que son de bandieras occitanas, se veson de teissuts roges. Mas es normal perqué èra ren de fòtos de sobre, amb un dròne.

E mai darrier, se vei Cristòl Daurore a portar la bandiera de la vila de Niça e la bandiera occitana —amb l'estèla e non aquela de Lengadòc—. Lo tot amb l’ària de l’imne occitan sensa paraulas, lo Se canta, jugat al galobet per Nux Vòmica, lo grop occitan niçard.

• Nissa Pantai: Son mòrts Crestian Bezet e Ben Vautier. Nissa Pantai planhe lo duelh

Sempre dal temps de la ceremonia, per un autre temps, se vei mai Cristòl Daurore que pòrta las colors de Niça e d’Occitània aicí:

De notar la fresca de grafaires en omenatge a Ben:

Es sus lo baloard dal 15en Còrs! Es simbolic mai, meme s’es l’astre (aquel luec es ben conoissut dals grafaires). Es ben que sigue estacha facha sus un baloard que recòrda l'occitanitat amb lo rapèl dal chaple dals sordats occitans e còrses tuats per l'exemple dal temps de la guèrra de 1914-1918 perqué èran "meridionals" = occitans e còrses.  [Veire nòta 1]

Lo monde devon pas saber, mas en occitan medieval -e ancuei en occitan de l'oèst- l’expression “pr'amor” = perqué, en rason de... “pr' “ estent la contraccion de “per” (l’utilizam ren al nòstre).

Entre las divèrsas vidèos de mèdias francesas, per exemple aicesta, dal costat d’Annia, l’omenatge de la familha coma se vei aicí:

e de l’autre costat, dal latz de Ben, lo coissin de flors amb la crotz occitana (l’estèla se vesia gaire mas èra prevista), es estach mes amb aquel dal Conselh General dals Alps Maritimes:

(se vei al passatge que lo coissin occitan es estach desplaçat, comparar las posicions sus las fòtos, sobre e sota)

De signalar mai que lo cònsol de Niça, Crestian Estròsi, diguèt que lo Prince de Mónego se volia jónher a l'omenatge de Ben. i èra doncas aicesta garba en omenatge a Ben de la part de SAS le Prince Albert II, a mai de la dal PNO (que mòstran pas dins aquesta vidèo e d’aquela de la familha e dal departament dals Alps Maritimes).

Andana del XV° Còs d'Armada
LA LEGENDA NEGRA DEL XV° CÒS D'ARMADA

3 d'agost de 1914

Declaracion de guèrra entre França e Alemanha. L'estrategia del Grand Quartièr General pausa sus l'ataca a l'excès contra un enemic solidament suprimit sus las frontièras d'Alsàcia e de Lorena dempuèi 1870.

20 d'agost de 1914

La retirada es generala sus totes los fronts. Las pèrdas son enòrmas. La malescaduda de l'estrategia es totala. L'Estat major cerca alara un boc emissari.

24 d'agost de 1914

Lo ministre de la guèrra escriu: Un incident lamentable s'es produch. Una division del XV Còs compausada de contingents d'Antíbol, de Tolon, de Marselha, d'Ais e de Nime, a reculat davant l'enemic. Las consequéncias ne son estadas las que los comunicats oficials an fach conéisser. Tota l'avança qu'aviam presa al delà de la Selha sus la linha Alaincourt-Delme e Château-Salins, es estada perduda. Tot lo fruch d'una batalha-combinason estrategica longament preparada es estada momentanèament compromés, malgrat los esfòrces dels autres còsses que participavan a l'operacion e dont la tenguda es estada irreprochabla. Lo defalhiment d'una partida del XV° còs a entrainė la retirada sus tota la linha. Lo ministre de la guèrra, amb sa decision acostumada, a prescrich las mesuras de repressions immediatas e despietadosas que s'impausavan... A la confession publica de l'imperdonabla feblesa de las tropas de l'aimabla Provença suspresas pels efièches esglasiants de la batalha e presas d'una subta panica, s'ajustarà la rigor dels castigs militars... >>

L'afar del XV Còs èra nascut. A l'umiliacion de tota una populacion s'anavan ajustar execucions per l'exemple, regèt dels soldats occitans (airal de conscripcion èst occitana grosso modo), refuses de sonhar los nafrats e las pesugas misèrias. La reabilitacion del XV° Còs e l'emenda onorabla que seguiguèron esfacèron pas los efièches d'un racisme anti-meridional ambient.

Calrà esperar la fin de la guèrra per que la reabilitacion del XV Còs s'opère pauc a cha pauc. Bèl primièr per las paraulas calmantas del President de la Republica Paul Deschanel ne visita a Niça en abril de 1920, que saluda aquela incomparabla vila de Niça dont lo nom significa Victoire e lo departament polit dels Alps Maritims qu'en balhant a l'Armada Francesa lo gloriós XV° Còsses an poderosament contribuït a salvar França e lo drech ».

Es pas qu'en 1939, en preséncia del Maréchal Pétain e del President del Conselh Édouard Daladier qu'aquel XV° Còs serà oficialament e definitivament reabilitat. Mas la plaga demorarà longtemps dobèrta perque un formidable 'efièch d'estupor aviá alara sasit Provença partejada entre la dolor e l'indignacion. Te XV Còsses d'Armada èra estat acusat de caponariá per la sola rason qu'èra compausat de provençals e de còrses.