Bandièra01 1180x150: Comuna de Tolosa

Sondatge

Desiras que s’abolisca la corrida en Occitània?

193 vòtes

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Carcinòl
5.

Me soveni aver legit sabi pus ont qu'en Carcin, i aviá una tradicion pel Carnaval : arrancar lo cap d'un gal viu qu'era pindolat per las patas a una arbre en passar a chaval. Al sègle 11, òc, al sègle 11, los carcinòls estimèron aquela tradicion barbara e remplaçèron lo gal viu per un gal de palha e de petaç.
Avètz belèu coneissença atanben que los amants adultèris, quand se fasian prendre, e que los que s'estimavan lesats volian una pèna, avian simplament drech a un torn del villatge desnudats sus un ase. N'entendèri parlar pels vièlhs. Aquí, pas de lapidacion.
Benlèu quicòm que nos demòra dels catars, mas aquel biais de far pas rajar la sang me sembla ben correspondre a l'esperit occitan. Çò que vesi pas dins la corrida espanhòla, desolat.

  • 19
  • 2
Vendemiaire
4.

#3 Aquò s'entend. Après, l'intensitat dramatica deviá èstre encara mai fòrta quand eran los crestians o los gladiators que devian afrontar de lions o de tigres aganits. L'auriá calgut conservar, aquel espectacle plen d'intensitat dramatica ?
Lo progrès me sembla dins la baissa del patiment, per totses, òmes e bèstias. Aquò passa totsolide per de melhoras condicions d'elevatge e per de mesas a mòrt lo mens dolorosa possible.
La corrida es una mesa a mòrt precedida d'una longa tortura, que lo combat es inegal, e aquò donat en espectacle ! Aquò va a l'encontra dels progrèsses de l'umanitat.
La corrida a l'espanhòla es un arquaïsme indigna.

  • 21
  • 6
afi cioun
3.

#2 Jo vau a las landesas e a l'espanhòla, e sui desolat d'exprimir que aquò n'a pas res a veire. La tension dramatica, l'emocion potenta, l'intensitat de la confrontacion a mòrt entre un human e una bèstia sauvatge aquò se tròba pas enlòc mei.
Lo problèma que la corrida espanhòla pausa a la societat es pas la reaccion a una pseudo acculturacion a Madrid --n'enebissen pas Halloween o lo Black Friday pr'aquò. Lo problèma, es que digun vòu pas mei acceptar de véder la mòrt e lo patiment en fàcia. Digun tua pas mei los animaus que minja, tanpauc, com si los bistècs picats o los polets rostits èran pas jamei estats animaus vius avant d'acabar en una barqueta plastica.
Que las condicions de vita d'un taur de combat siin milantas còps mei bonas que las d'una dinda de nadau, per contre, digun se'n chepica pas. Enebir las dindas o las lobinas d'eslhevatge, nani. Se vau mei chepicar de 20000 taurs tuats bravament au combat, meilèu que daus miliards d'animaus OGM d'estabulacion, neurits au milhòc ensilat immonde e au tourteau de soja OGM brazilenc.

  • 11
  • 12
Calista
2.

Los occitans an las corsas camarguèsas e las corsas landèsas. Aquí son los òmes que prenon los riscs, e las bestias son preservadas. Me sembla plan mai correspondre a l'esperit de tolerencia occitan, al contrari d'aquela cultura castelhana del mai fòrt que s'acarnis sul fèble e ne fa quitament un espectacle.
La corrida espanhòla es una autra colonisacion culturala que, aqueste còp, nos ven de Madrid, nautres que sem acostumats a la dominacion de Paris.
Quant al defensors de la fèsta que se fa a l'entorn de las arenas, vesi pas per de qué se poiriá pas far amb una corsa camarguesa. Fals argument.
Non, los occitans n'an pas besonh de la corrida espanhòla sagnosa. Aquò es pas nòstra cultura.

  • 25
  • 6
Monsi Sacas
1.

Los Grècs de l'epòca eroïca avián los barbars fòra del país. Nosautres n'avèm un fum a l'ostal.

  • 22
  • 6

Escriu un comentari sus aqueste article