#10 De mon vejaire, es pas qu'una impression : i a pas de mesprés raport a Auvèrnhe o tot autre parçan d'Occitània de la part de l'occitanisme, es simplament que cadun, logicament, fa çò que pòt, son pichon trabalh de militant a son modèste nivèl local, es jà complicat dins un ambient francofil, es pas pr'amor que los occitanistas Lengadocians o Gascons se passejan pas sovent en Auvèrhne o e Daufinat que los mespresan, coma es pas pr'amor que l'òm vesi pas sovent de Nissarts o d'Auvernhats en Gasconha qu'aquò vòl díser que los Nissarts e los Auvernhats mespresan los Gascons ! a un moment dat, cal arrèstar la parano.

Occitània es granda, e sabèm plan que, pardoxalament, lo fait qu'es un grand país es tanben un andicap pr'amor que renb complicat d'estructurar un occitanisme collectiu eficaç : Corsèga, es pas que dos departaments, es pas compliact de s'organisar, idelm Alsàcia, la quita Bretanha, la mai granda region istorica de França après Occitània, es pas que 4 o 5 departaments : rendètz-vos compte, mai pichon que PACA ! aquí tanben pels Bretons la talha del país a jamai estat un fren a lor organisacion, cada Breton a la possibilitat d'anar militar de PERTOT en Bretanha ! per contra, es simplament impossible de demandar a cada Occitan d'anar a un lòc precis par una accion militanta : n'i auràn tostemps tòp aluenhats ! serà complicat per un Nissart o un Auvernhat d'anar manifestar dinc a Tolosa o Bordèu e recipròcament.

#9 Avèm l'impression en Auvèrnha (e sobretot en Auvèrnha Bassa) d'èsser mespresats e fotuts defòra dau monde occitanista. E quo-es pas mas una impression. Per surat que n-i a pas un polhon d'occitanistas chas nosautres. Avèm pas gis de sosten de defòra, sèm solets, e pendant d'anadas, i aguèt daus problèmas embei los bonaldistas. Dònc n-i a un moment que si comencèm pas de faire de las chausas embei los autres occitans en Auvèrnha, quo vai jamai fonccionar.

#5 Es pas un boicòt, es sonque una question pragmatica e de geografia : se sap qu'una manifestacion recampa 75% d'estatjanjans locals, i a tostemps de segur qualques militants valents que faràn centenats de km per i anar, mas son pauques.

En partir d'aquí, una manifestacion diu comptar sus sas fòrça locala, sus sas ressorgas umanas pròpias, representaràn 75% dels presents a la manifestacion. Donc, me pausi la question de las ressorgas umanas occitanistas que pòt i aver per capitar una manifestacion massiva a Clarmont, Lemotges o Niça. Ieu, seriá tròp content que i aja per exemple una manifestacion amb 20 000 participants a Clarmont, donc 15 000 clarmonteses occitanistas, e per completar 5 000 occitanistas en sosten vengut per una bona partida de la dita region "Oxitany"... Es que pensatz qu'aquò es possible ? los 5 000 occitanistas motivats que faràn lo deplaçament dinc a Clermont, es possible. Per contra, las ressorgas umanas occitanistas massiva de Clarmont ?

#7 E si n-i a *enquèra* una manifestacion dins vòstra region Oxitany, pensatz que n-i a biaucòp de monde que van venir davalar chas vosautres ? n-I a un moment que n-i en a pro que siage totjorn nosautres que davalèm e pas l'invèrsa.

#5 Los que m'an botat los poç roges m'an pas respondut a la question : d'ont va venir la fola que compausarà la manifestacion occitanista massiva se la manifestacion se debana en defòra de la region "Oxitany" ? Se la fasètz a Niça per exemple... E pensatz que los que demòran dons la dita region "Oxitany" van far entre 300 e 500 km per defilar per una mena de carnaval a Niça ? n'i aurà benlèu qualques uns, mas coma cada còp dins una manifestacion, 75% dels manifestaires son de locals, 75% dels manifestaires a Carcassona, Besièrs, Tolosa e Montpelhièr t'èran de locals, de la dita region "Oxitany".

Donc, se s'organisa una manifestacion occitanista per exemple a Niça, en saber per avança que l'immensa majoritat dels manifestaires seràn de Niça, quant d'occitanistas pensatz i recampampar ? 10 000 ? 20 000 ? sus una basa de 75% de Nissarts, entre 7 500 e 15 000 estatjans occitanistas de Niça al mens ?