Bonas fèstas Parpalhons! Es arribat lo periòde ivernenc que dobrís oficialament la sason dels regaudiments. Alavetz bona Totsants, bèla Santa-Barba, urós Nadal, polit Cap d’An, bèl jorn dels Reis, deliciosa Candelosa e brave Carnaval a totes! En realitat, de fèstas n’avèm tantas pels Païses d’Òc que semblariá pecat de las gardar sonque per nosautres. E puèi que me fasètz l’onor d’èsser abonats, ai decidit de vos preparar un pichon quicòm en guisa de mercejament. Uèi las anam celebrar totas e n’aprofitar per descobrir las diferentas varietats de la nòstra bèla Lenga d’Òc. Estimats amics, installatz-vos e preparatz-vos un pichon tè perque sèm a mand de viatjar per los Païses d’Òc!