Bandièra01 1180x150: Comuna de Tolosa

Vidèos

Tè Vé Òc: Lo Jornalet a 10 ans

Dètz ans ja que la còla de Ferriòl Macip Bonet decidiguèt de crear un jornal sul web en occitan. Per festejar aquel anniversari venguèt dins Aude a la prima de 2022 per lo presentar primièr als enfants de la calandreta Puèch Marin a Carcassona, de matin, puèi a l'associacion "Fasètz la lenga en Cabardés" d'après-dinnar. Enfants e adultes interessats pausèron de questions a Ferriòl e Gerard Joan per mièlhs conéisser çò qu'es e coma viu lo Jornalet. A l'ora d'ara que la lenga a ben besonh de promocion, es un bon mejan de la faire avançar: s'abonar al Jornalet: jornalet.com, e es a gratis. Un pertrach de Lisa Gròs.

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Gerard Joan Barceló Pèiralata
6.

#5 Oblidem las batèstas del passat e trabalhem per la lenga nòstra :-)

  • 2
  • 0
Hilh
5.

#4 Òc qu'èra un beròi moment, tot n'ei pas tot blanc o negue, ne destrobli a la toa esmavuda. Totun arreconeishes que podèvi estar estonat de t'enténer a parlar atau

  • 1
  • 0
Gerard Joan Barceló Pèiralata
4.

#3 Qualqu'un que defend sincèrament l'occitan se deuriá regaudir dels moments que passèrem Ferriòl e ieu amb d'escolans que nos questionan e se parlan espontanèament en occitan, quina que ne siá la forma. Tròbi trist que ne fagas un objècte de polemica...



Amb d'escolans, me vesiái mal a lor explicar que la lenga de las actualitats de Jornalet es "un occitan central gramaticalament de basa lengadociana, ont las formas causidas o son mai per lor centralitat que per lor apertenéncia als dialèctes lengadocians stricto sensu, e en pensant tanben a la convergéncia amb las autras variantas de l'occitan".



Parlèri doncas "de lengadocian de basa", èra una simplificacion, mas los enfants se trufan de nòstras polemicas... Tornarmai, foguèt un moment de fòrta esmoguda e soi aürós de l'aver viscut. Dona d'espèr per nòstras justas luchas.

  • 1
  • 0
Hilh
3.

#1 har-s'i qu'ei important aquò segur, totun estar coerent tanben ce'm par'. Aquò dit ne l'ahronci pas la pèira, jo qu'ei cambiat d'avís tanben, e que m'arregaudeishi qu'eth e disi adara çò qui'm reprochava de díser alavetz, qu'ei agradiu d'aver rason.

  • 0
  • 3
Victòria Gèssa
2.

#1 Dètz ans qu'uns hèn e d'auti que critiquen, aquerò ei Occitània, tè!

  • 4
  • 0

Escriu un comentari sus aqueste article