Actualitats
Amnestia Internacionala lèva sa distincion a Aung San Suu Kyi
L’organizacion umanitària considèra que la dirigenta birmana a comés una “vergonhosa traïson de las valors qu’aviá ela meteissa defendudas” en permetre e minimizar lo massacre dels rohingyas
Amnestia Internacionala (AI) a anonciat que retira sa decoracion mai nauta, lo títol d’Ambaissador de la Consciéncia, a la cap birmana Aung San Suu Kyi a causa de sa “vergonhosa traïson de las valors qu’aviá ela meteissa defendudas”. La primadièra birmana recebèt tanben lo prèmi Nobel de la Patz en 1991.
Kumi Naidoo, secretari general d’AI, a mandat una letra a Suu Kyi per li raportar la decision. Dins sa letra, Naidoo exprimís sa “decepcion” pel fach qu’aja “pas utilizat son autoritat morala e politica per protegir los dreches umans, la justícia, ni mai l’egalitat dins son país”. Dins aquel sens, AI planh que Suu Kyi aja mostrat “d’indiferéncia davant las atrocitats comesas pels militars de Birmania: ‘Sèm prigondament consternats, perque vos representatz pas pus un simbòl d’esperança e de coratge’”.
Suu Kyi recebèt aquela decoracion en 2009, un títol que l’an tanben recebut Nelson Mandela, Vaclav Havel, Ai Weiwi, Malala Yousafsai, U2 o Colin Kaepernick, aqueste darrièr decorat ongan.
Connivéncia amb lo massacre dels rohingyas
Aung San Suu Kyi venguèt de facto la cap del govèrn birman en abril de 2016. Dempuèi alavetz son govèrn es estat “activament engatjat dins la perpetracion o la perpetuacion de multiplas violacions dels dreches umans”, çò remarca AI, que remembra que los rohingyas an viscut en aquel país un sistèma de “segregacion e discriminacion”.
Malgrat que lo govèrn civil de Birmania contraròtle pas los militars, Suu Kyi e son govèrn an protegit las fòrças armadas per qu’ajan pas de respondre davant la justícia per lors accions, e an quitament minimizat l’importància dels atacs contra los rohingyas.
De centenats de milièrs de refugiats
Entre setembre e decembre de 2017, mai de 700 000 rohingyas fugiguèron de lors ostals en Birmania e se refugièron dins de camps en Bangladèsh, a causa de la la darrièra èrsa de violéncia contra aquel pòble minorizat de confession musulmana. Durant aquel solet periòde l’armada e la polícia tuèron 6700 personas, segon una estimacion d’MSF basada sus una enquèsta realizada dins los camps de refugiats de Bangladèsh. La chifra dels mòrts inclutz 730 enfants de mens de 5 ans.
Ça que la, l’organizacion umanitària ditz que, malgrat son estimacion, la chifra reala poiriá èsser pus nauta, car après lo mes d’agost, d’autres 655 000 refugiats rohingyas son arribats dins los camps bangladèshis de refugiats.
L’ÒNU o qualifica de crimes contra l’umanitat, que, al delà dels assassinats e dels viòls, i auriá de desaparicions forçadas, d’esclavatge, sustot sexual, de persecucions e de torturas.
La minoritat pus secutada del Mond
Los rohingyas son una minoritat etnica e religiosa establida dins l’estat litoral d’Arakan. Se calcula que son aperaquí un milion de personas qu’an pas cap de carta d’identitat. E mai se qualques istorians los considèran coma los descendents dels comerçants e dels soldats arabis, bengalins, mongòls e turcs convertits a l’islam al sègle XV, las autoritats birmanas pensan que los rohingyas arribèron al país amb la colonizacion britanica, al sègle XIX, en provenença del país vesin de Bangladèsh. En luòc d’èsser reconeguts coma una de las 135 etnias nacionalas de Birmania (las presentas dins lo país abans l’arribada dels britanics en 1823), lo govèrn birman los a sovent tractats d’immigrants illegals. E encara pièger: dempuèi 1982, amb la lei de ciutadanatge de la dictatura militara, son oficialament “apatridas” dins lor país.
Per obténer lo ciutadanatge, lor cal demostrar que son demorats en Birmania pendent seissanta ans, mas de costuma se lor concedís pas de contractes de trabalh ni de papièrs e, doncas, i pòdon pas devenir de ciutadans birmans. Sens ciutadanatge, los rohingyas pòdon pas accedir al sistèma educatiu birman, ni viatjar liurament. Patisson tanben la persecucion dels extremistas birmans bodistas, que los atacan pr’amor que son musulmans. De desenas de milièrs de rohingyas, long dels darrièrs decennis, son estats desplaçats al dedins de Birmania o lor a calgut fugir cap a Bangladèsh. Dempuèi qualques ans, un dels mejans per s’escapar es de prene de naviris per ensajar d’arribar a las còstas de Tailàndia, Malàisia e Indonesia.
Aquestes darrièrs decennis, la terribla situacion dels rohingyas, agravada amb d’espetaments periodics de violéncia de la majoritat bodista de Birmania contra eles (coma en 2012, que daissèron mai de dos cents mòrts e de desenas de milièrs de desplaçats), a provocat l’exòde de fòrça d’eles: siá vèrs Bangladèsh, al nòrd, siá mai recentament vèrs Malàisia, Indonesia e Tailàndia, malgrat los grands perilhs de las traversadas maritimas per i pervenir.
Kumi Naidoo, secretari general d’AI, a mandat una letra a Suu Kyi per li raportar la decision. Dins sa letra, Naidoo exprimís sa “decepcion” pel fach qu’aja “pas utilizat son autoritat morala e politica per protegir los dreches umans, la justícia, ni mai l’egalitat dins son país”. Dins aquel sens, AI planh que Suu Kyi aja mostrat “d’indiferéncia davant las atrocitats comesas pels militars de Birmania: ‘Sèm prigondament consternats, perque vos representatz pas pus un simbòl d’esperança e de coratge’”.
Suu Kyi recebèt aquela decoracion en 2009, un títol que l’an tanben recebut Nelson Mandela, Vaclav Havel, Ai Weiwi, Malala Yousafsai, U2 o Colin Kaepernick, aqueste darrièr decorat ongan.
Aung San Suu Kyi once stood as a symbol of hope, courage and the undying defence of human rights in #Myanmar.@amnesty recognised her with our highest honour, the Ambassador of Conscience award.
— Kumi Naidoo (@kuminaidoo) 12 de novembre de 2018
Sadly, we can no longer justify this honour and today we are withdrawing the award pic.twitter.com/gYenr0HAYg
Connivéncia amb lo massacre dels rohingyas
Aung San Suu Kyi venguèt de facto la cap del govèrn birman en abril de 2016. Dempuèi alavetz son govèrn es estat “activament engatjat dins la perpetracion o la perpetuacion de multiplas violacions dels dreches umans”, çò remarca AI, que remembra que los rohingyas an viscut en aquel país un sistèma de “segregacion e discriminacion”.
Malgrat que lo govèrn civil de Birmania contraròtle pas los militars, Suu Kyi e son govèrn an protegit las fòrças armadas per qu’ajan pas de respondre davant la justícia per lors accions, e an quitament minimizat l’importància dels atacs contra los rohingyas.
De centenats de milièrs de refugiats
Entre setembre e decembre de 2017, mai de 700 000 rohingyas fugiguèron de lors ostals en Birmania e se refugièron dins de camps en Bangladèsh, a causa de la la darrièra èrsa de violéncia contra aquel pòble minorizat de confession musulmana. Durant aquel solet periòde l’armada e la polícia tuèron 6700 personas, segon una estimacion d’MSF basada sus una enquèsta realizada dins los camps de refugiats de Bangladèsh. La chifra dels mòrts inclutz 730 enfants de mens de 5 ans.
Ça que la, l’organizacion umanitària ditz que, malgrat son estimacion, la chifra reala poiriá èsser pus nauta, car après lo mes d’agost, d’autres 655 000 refugiats rohingyas son arribats dins los camps bangladèshis de refugiats.
L’ÒNU o qualifica de crimes contra l’umanitat, que, al delà dels assassinats e dels viòls, i auriá de desaparicions forçadas, d’esclavatge, sustot sexual, de persecucions e de torturas.
La minoritat pus secutada del Mond
Los rohingyas son una minoritat etnica e religiosa establida dins l’estat litoral d’Arakan. Se calcula que son aperaquí un milion de personas qu’an pas cap de carta d’identitat. E mai se qualques istorians los considèran coma los descendents dels comerçants e dels soldats arabis, bengalins, mongòls e turcs convertits a l’islam al sègle XV, las autoritats birmanas pensan que los rohingyas arribèron al país amb la colonizacion britanica, al sègle XIX, en provenença del país vesin de Bangladèsh. En luòc d’èsser reconeguts coma una de las 135 etnias nacionalas de Birmania (las presentas dins lo país abans l’arribada dels britanics en 1823), lo govèrn birman los a sovent tractats d’immigrants illegals. E encara pièger: dempuèi 1982, amb la lei de ciutadanatge de la dictatura militara, son oficialament “apatridas” dins lor país.
Per obténer lo ciutadanatge, lor cal demostrar que son demorats en Birmania pendent seissanta ans, mas de costuma se lor concedís pas de contractes de trabalh ni de papièrs e, doncas, i pòdon pas devenir de ciutadans birmans. Sens ciutadanatge, los rohingyas pòdon pas accedir al sistèma educatiu birman, ni viatjar liurament. Patisson tanben la persecucion dels extremistas birmans bodistas, que los atacan pr’amor que son musulmans. De desenas de milièrs de rohingyas, long dels darrièrs decennis, son estats desplaçats al dedins de Birmania o lor a calgut fugir cap a Bangladèsh. Dempuèi qualques ans, un dels mejans per s’escapar es de prene de naviris per ensajar d’arribar a las còstas de Tailàndia, Malàisia e Indonesia.
Aquestes darrièrs decennis, la terribla situacion dels rohingyas, agravada amb d’espetaments periodics de violéncia de la majoritat bodista de Birmania contra eles (coma en 2012, que daissèron mai de dos cents mòrts e de desenas de milièrs de desplaçats), a provocat l’exòde de fòrça d’eles: siá vèrs Bangladèsh, al nòrd, siá mai recentament vèrs Malàisia, Indonesia e Tailàndia, malgrat los grands perilhs de las traversadas maritimas per i pervenir.
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
S'havia d'esperar a veire que passava. Ara ja ho sabem. Una mai de las presas de pel del capitalisme.
Brave ! Aquò pròva un còp mai lo seriós d'aquela ONG.
Enfin ! Era plan temps de n'acabar amb aquela ipocrisia. Lo problèma de la fotogenica "Dama de Rangoon" es aquel de maites protestataires dins lo mond : Exigissan los dreches umans per eles mas se'n fotan completament se son pas aplicats al vesin. Mai que mai se lo vesin es un pauc trop desparrièr de lenga, de religion o de color. Agachatz per exemple los algerians e los marocans que cridan quand patissan lo racism dels europencs mas que lo pratican salvatjament e amb bona consciènça contra los negres africans.
Sens excusar la responsabilitat d'aquela femna un cap d'estat a pas tots los poders subretot en Birmania ente l'armada es enguera fòrta.
Nelson Mandela a capitat perque era sostengut per las firmas multinacionalas que preferavan una dictatura economica e financiera a una dictatura militaria.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari