Actualitats
Lèsbos: dos mòrts dins l’incendi d’un camp de refugiats
Lo desespèr dels migrants davant las flamas a derivat en afrontaments amb la polícia. Lo sit ten la capacitat d’aculhir 3000 personas e n’embarra mai de 12 000 dins de condicions inumanas
Lo fuòc comencèt dins lo centre d’aculhença e identificacion, puèi se propagèt per tot lo camp. Vint minutas puèi, comencèt un autre incendi d’un autre barracòt d’aquel meteis centre de detencion que tanben s’espandiguèt rapidament.
Lo desespèr dels migrants embarrats davant las flamas derivèt en afrontaments amb la polícia que los reprimiguèt amb de gases lacrimogèns. Mentretant, amortèron lo fuòc amb d’avions e evacuèron lo sit.
Los refugiats internats dins de camps en Grècia se tròban dins una situacion insuportabla. Demòran atrapats per de proceduras de demanda d’asil qu’avançan pas, mentre que las organizacion umanitàrias quitan pas de denonciar las condicions inumanas ont vivon.
Mentretant, los refugiats arriban de longa dins l’illa grèga de Lèsbos. Dins los darrièrs meses, mai de 32 000 d’eles i son pervenguts, segon l’Organizacion Internacionala per las Migracions (OIM). La majoritat fugisson la guèrra de Siria. Dempuèi lo 1r de genièr passat, almens 38 personas son mòrtas en ensajant d’aténher aquela illa.
Almenys una dona i el seu fill moren en un incendi al centre de detenció de refugiats de Lesbos https://t.co/FupnRDc6JW#Moria#Moriacamp#Lesbos#RefugeesGrpic.twitter.com/3DuxiEOLTb
— ARA fotografia (@ARA_fotografia) September 30, 2019
Images impressionnantes du camp de réfugiés de #Moria à Lesbos qu’un réfugié afghan m’a transmis hier soir...#greece#Refugeesgrpic.twitter.com/HgJ8Hd2oEq
— Marina Rafenberg (@MarinaRafen) September 30, 2019
Terrible news from #Moria on #Lesbos#Greece where the media are reporting that a mother and child have died after a fire broke out. No one can call this an accident! This is the direct result of trapping 13,000 people in a space meant for 3,000! https://t.co/67ohBbtaVw
— MSF Sea (@MSF_Sea) September 29, 2019
Fire, clashes, one dead at crowded Greek migrant camp on #Lesbos,#Moria#Greece
— Mete Sohtaoğlu (@metesohtaoglu) September 29, 2019
pic.twitter.com/NPvTaSAtTe
![abonar los amics de Jornalet](https://www.jornalet.com/imatges/images/SOCI.jpg)
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari