Actualitats
Catalonha: de policièrs espanhòls encapuchonats s’infiltran dins las protèstas independentistas
A Barcelona, aquela practica s’es demostrada ara per mejan d’un vidèo qu’a virat pels rets socials
Se parla sovent dels policièrs infiltrats dins las manifestacions amb la tòca d’ocasionar de rambalhs per tal que la polícia aja l’escampa d’agarrir los manifestants amb violéncia. A Barcelona aquela practica se ven de demostrar per mejan d’un vidèo qu’a percorregut los rets socials. S’enregistrèt dissabte passat, just après las grandas susmautas que se tenguèron a la fin d’una manifestacion contra los abuses de las fòrças de l’òrdre. Sabèm pas qual enregistrèt lo vidèo mas Betevé e VilaWeb an verificat la data, l’ora e lo luòc de l’enregistrament.
Lo filmet mòstra un grop de personas encapuchonadas que sortisson d’una especiariá. Davant la botiga son pargadas almens cinc forgonetas de la polícia espanhòla que los van recuperar mentre que la molonada los insulta.
Un emplegat de la botiga expliquèt als mèdias qu’aquelas personas cobèrtas de capuchas, abilhadas coma de manifestants amb de drapèls independentistas catalans, intrèron dins la botiga, s’identifiquèron coma de policièrs e exigiguèron d’el que baissèsse la cortina de fèrre. A l’interior, i aviá de practicas que deguèron demorar dedins. Lo botiguièr diguèt tanben qu’èran intrats amb un gojat manotat.
Demorèron dins la botiga unas dètz minutas fins a l’arribada de las forgonetas de la polícia espanhòla qu’avián de los recuperar.
Lo filmet mòstra un grop de personas encapuchonadas que sortisson d’una especiariá. Davant la botiga son pargadas almens cinc forgonetas de la polícia espanhòla que los van recuperar mentre que la molonada los insulta.
Un emplegat de la botiga expliquèt als mèdias qu’aquelas personas cobèrtas de capuchas, abilhadas coma de manifestants amb de drapèls independentistas catalans, intrèron dins la botiga, s’identifiquèron coma de policièrs e exigiguèron d’el que baissèsse la cortina de fèrre. A l’interior, i aviá de practicas que deguèron demorar dedins. Lo botiguièr diguèt tanben qu’èran intrats amb un gojat manotat.
Demorèron dins la botiga unas dètz minutas fins a l’arribada de las forgonetas de la polícia espanhòla qu’avián de los recuperar.
Recollint els seus infiltrats pic.twitter.com/kOMdqfkdbU
— RepubliCAT (@Fran6Qnet) October 28, 2019
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a tambèn un video onte se véson lei cagoltats entrar dins l'espiçariá.
#1 Coma? D'infiltrats dins lei manifestacions francesas? Es possible? Au país dei drechs de l'òme? M'estona! (MDR + LOL + ...).
Los estudians e joves que participan a las manifestacions e que no tenen molta practica, an d'anar alerta a los infiltrats de la policia ,coma tamben fa la policia francesa. An d'anar amb grups per no quedar sols davant un estol de la policia de paisà.
#1 Manifestants rebalats per de policièrs "en civil" : de qu'es aquò ? Aquò se ditz "la dictatura capitalista del neoliberalisme". Degun non ne vòl. Tot lo mond o s'endura. Vòtas per (RN, PR, LAREM), vòstas contra (PS, EELV, PCF), res non càmbia ! Contèstas per carrièras, t'ensacan, t'espètan un uèlh, una man, lo crani, o t'embarran per terrorisme, coma un criminal, o coma o un independentista republican catalan… Plan vengut al país dels potonorses democratics europèus !
En França tanben: coma la manipulacion del passacarrièra del 1er de Mai amb "l'exfiltracion" (qui polit mot mai modèrn e brancat!) mesa en scèna del secretari general de la CGT, per exemple. Cal pas creire que las infiltracions se son arrestadas amb la supression del SAC de Pasqua-De Gaulle. De pertot la polícia fa parièr: infiltracion, manipulacion per fin de justificar lor violéncia. Apuèi, d'un país a l'autre, es una question de dosatge.
En Espanha, coma aicí pels Gilets Jaunes, i a fòrça pròvas de l'accion d'aqueles elements manipulaires : manifestants rebalats per de policièrs "en civil" (de qu'es aquò???) aval, de Benallas aicí... Mancan pas d'afogats de la defensa d'una democràcia a lor vejaire. Los govèrnaments, incompetents per trabalhar pel ben comun, an pas qu'una obsession: ganhar la batalha de l'opinion. Fins a recompensar de matrassaires o dire que los manifestants nafrats (tuats?) an pas qu'a demorar a cò seu! (Macron dixit sus la mameta de Niça).
E après òm s'espaventa que lo vòte d'extrèma-drecha mai fòrt es en cò dels policièrs e de l'armada.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari