Bandièra01 1180x150: La Passem

Actualitats

InternacionalPoliticaSocietat

Barcelona: un campament al centre vila per la libertat e contra la repression

L’accion amassa de centenats d’estudiants qu’exigisson la libertat dels presonièrs politics e la fin de la repression. Comptan sus un sosten remirable de ciutadans que lor pòrtan de manjar, de bevendas, de flaçadas e tota sòrta de material

| Pau Cardellach / Directa
Contunhan en Catalonha e Aran las mobilizacions per la libertat dels presonièrs politics, pel retorn dels exiliats e contra la repression e la brutalitat policièra qu’an detengut mai de 200 personas dont 31 son en preson jos l’acusacion de terrorisme. Demest las nombrosas protèstas que se debanan, de soslinhar un campament installat sus la Plaça de l’Universitat, al centre de Barcelona.
 
L’accion comencèt fa qualques jorns e reünís de centenats d’estudiants qu’organizan d’accions d’informacion e de protèsta. De soslinhar que compta sus un sosten remirable de ciutadans que lor aduson de manjar, de bevendas, de flaçadas e tota sòrta de material. An quitament installat un grand ecran per la projeccion de documentaris.
 
Se nomenan la Generacion del 14 d’octòbre, en memòria del jorn que se publiquèt lo verdicte contra los representants independentistas catalans e que comencèt l’èrsa de protèstas que la viu lo país fraire del nòstre sens defalhir.
 
Lo manifèst, las accions, las assembladas e los eveniments d’aquela protèsta illimitada se pòdon seguir sus un canal de Telegram e sus Twitter amb l’etiqueta #Generació14o.
 
 
 
 
 
   



abonar los amics de Jornalet
 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article