Actualitats
Eth Ostau Comengés ath Simpòsi d’Andòrra sus eras hèstas deth huec
Que i anèc entà proposar comunicacions e portar era votz d’Occitània sus eths enjòcs e eras problematicas de societat ligats aras hèstas deth huec
Deth 22 ath 24 de noveme de 2019, que’s tenguec ath Centre deths Congrèsses d’Andòrra eth IVu Simposi Internacional Focs Festius a la Mediterrània, qu’avia coma tematica “les simbologies i els rituals al voltant del foc”. Qu’èra organizat pera Societat Andorrana de Ciènces, Els Fallaires de les Valls d’Andorra e eth Institut Ramon Muntaner, fondacion privada deths Centres d’Estudis de lenga catalana, en collaboracion damb eth Govèrn d’Andòrra, dera Comuna d’Andòrra era Vielha, deth Departament de Cultura dera Generalitat de Catalonha, dera Cadièra de Patrimòni Immateriau deths Pirenèus e deth Ofici de Torisme d’Andòrra.
Aquera amassada que dèc era ocasion a mès d’un cinquantenat de participants (universitaris, membres de societats d’estudis o representants de collectius halhaires) d’amassà’s entà presentar comunicacions sus eths enjòcs e eras problematicas de societat ligats aras hèstas deth huec. En mès d’Andòrra, d’autis territòris que i èran representats: eth Principat de Catalonha, eth País Valencian, eras Islas Balearas, Aragon, Gasconha e Itàlia. Eras intervencions qu’èran divididas en tres aubiatges:
Invitat a participà’i, eth Ostau Comengés que i anèc entà proposar comunicacions, coma ac hec dus ans a, a Reus (Catalonha), e portar era votz d’Occitània. Eras nòstas intervencions complementàrias que portavan ambduas sus era sauvaguarda: “Eths eishes e liaders tradicionaus dera transmission en Comenge e Varossa” (Bernat Menetrier Mercadal) e “Iniciativas e perspectivas d’accions de terren en Comenge e Varossa” (Matiu Faure), damb era volentat d’explicar eth contèxte sòcioculturau nòste. De notar tanben era intervencion de Mireia Guil Egea (Universitat de Barcelona) – “Una mirada etnogràfica i de conjunt a les festes de foc del solstici als Pirineus” – que balhèc mès d’arresson ath nòste discors, segons eras observacions gessudas d’un trabalh de camp que mièc aqueste estiu, en Comenge e Varossa.
Tanplan, moments dedicats aras produccions de filmes documentaris e aras publicacions que mos permeteren de hèr véder ua seleccion d’imatges cuelhudas en Comenge e de presentar oficialament duas publicacions nòstas: Era Sent Joan en Comenge e Varossa e Entà Sent Joan era dalha ena man.
Era taula arredona qu’estèc un moment privilegiat d’escambis e d’arreflexions de hons sus eras problematicas e eths debats filosofics religats aras hèstas, autant coma era faiçon de pensar era cultura populara ena societat actuala:
Aqueras discussions constructivas qu’anavan de convergéncia damb eras observacions hètas peth Ostau Comengés, pròva qu’eth nòste discors i ei recebut positivament e ei a fèt coerent damb eths objectius e eras pensadas deths autes actors deth món halhaire. En véder arribar eths prumèrs cambiaments concrets en Comenge e Varossa, que i confirmèrem alavetz era nòsta volentat de perseguir tant que poscam aqueth trabalh de terren e de desvelopar de navèras collaboracions, damb eras institucions implicadas o volentàrias.
Rendetz-vos ja mos ei balhat en 2020 entath Vu Simpòsi a Palma (Malhòrca)!
M. Fauré e B. Ménétrier
En tot demorar, qu’ei possible de crompar eth libet Era Sent Joan / Comenge-Varossa, au près deth Ostau Comengés, ath prètz de 5 èuros. E-mail: contact(a)ostaucomenges.org
Aquera amassada que dèc era ocasion a mès d’un cinquantenat de participants (universitaris, membres de societats d’estudis o representants de collectius halhaires) d’amassà’s entà presentar comunicacions sus eths enjòcs e eras problematicas de societat ligats aras hèstas deth huec. En mès d’Andòrra, d’autis territòris que i èran representats: eth Principat de Catalonha, eth País Valencian, eras Islas Balearas, Aragon, Gasconha e Itàlia. Eras intervencions qu’èran divididas en tres aubiatges:
— sauvaguarda e arreconeishença deras hèstas de huec,
— arrecèrcas arrealizadas en eths darrèrs ans ath torn deras hèstas de huec,
— partatjar era hèsta: presentacion d’entitats, personas e publicacions.
— arrecèrcas arrealizadas en eths darrèrs ans ath torn deras hèstas de huec,
— partatjar era hèsta: presentacion d’entitats, personas e publicacions.
Invitat a participà’i, eth Ostau Comengés que i anèc entà proposar comunicacions, coma ac hec dus ans a, a Reus (Catalonha), e portar era votz d’Occitània. Eras nòstas intervencions complementàrias que portavan ambduas sus era sauvaguarda: “Eths eishes e liaders tradicionaus dera transmission en Comenge e Varossa” (Bernat Menetrier Mercadal) e “Iniciativas e perspectivas d’accions de terren en Comenge e Varossa” (Matiu Faure), damb era volentat d’explicar eth contèxte sòcioculturau nòste. De notar tanben era intervencion de Mireia Guil Egea (Universitat de Barcelona) – “Una mirada etnogràfica i de conjunt a les festes de foc del solstici als Pirineus” – que balhèc mès d’arresson ath nòste discors, segons eras observacions gessudas d’un trabalh de camp que mièc aqueste estiu, en Comenge e Varossa.
Tanplan, moments dedicats aras produccions de filmes documentaris e aras publicacions que mos permeteren de hèr véder ua seleccion d’imatges cuelhudas en Comenge e de presentar oficialament duas publicacions nòstas: Era Sent Joan en Comenge e Varossa e Entà Sent Joan era dalha ena man.
Era taula arredona qu’estèc un moment privilegiat d’escambis e d’arreflexions de hons sus eras problematicas e eths debats filosofics religats aras hèstas, autant coma era faiçon de pensar era cultura populara ena societat actuala:
— era necessitat d’existir e d’arresistir entà hèr véder qu’èm vius e non pas negà’s ena mondializacion,
— era necessitat de sauvar era foncion prumèra dera hèsta e non pas càiger ena espectacularizacion, eth show toristic o era museuficacion,
— era necessitat d’integrar era reviscolada d’aqueres rituaus en ua sauvaguarda globala deras practicas e dera faiçon de víver d’aqueras montanhas,
— pensar eras accions a vénguer entram unitat e diferéncias deras realitats e deras espèras de cada costat deths Pirenèus.
— era necessitat de sauvar era foncion prumèra dera hèsta e non pas càiger ena espectacularizacion, eth show toristic o era museuficacion,
— era necessitat d’integrar era reviscolada d’aqueres rituaus en ua sauvaguarda globala deras practicas e dera faiçon de víver d’aqueras montanhas,
— pensar eras accions a vénguer entram unitat e diferéncias deras realitats e deras espèras de cada costat deths Pirenèus.
Aqueras discussions constructivas qu’anavan de convergéncia damb eras observacions hètas peth Ostau Comengés, pròva qu’eth nòste discors i ei recebut positivament e ei a fèt coerent damb eths objectius e eras pensadas deths autes actors deth món halhaire. En véder arribar eths prumèrs cambiaments concrets en Comenge e Varossa, que i confirmèrem alavetz era nòsta volentat de perseguir tant que poscam aqueth trabalh de terren e de desvelopar de navèras collaboracions, damb eras institucions implicadas o volentàrias.
Rendetz-vos ja mos ei balhat en 2020 entath Vu Simpòsi a Palma (Malhòrca)!
M. Fauré e B. Ménétrier
En tot demorar, qu’ei possible de crompar eth libet Era Sent Joan / Comenge-Varossa, au près deth Ostau Comengés, ath prètz de 5 èuros. E-mail: contact(a)ostaucomenges.org
Articles relacionats
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari