Bandièra01 capçalera  1180x150: Novestivada

Actualitats

Lo govèrn putschista de Bolívia demanda a Interpòl qu’arrèste Evo Morales

Lo ministèri public bolivian l’acusa ara de sedicion e terrorisme

Lo ministre del govèrn, Arturo Murillo, o anoncièt dins una conferéncia de premsa mentre que brandava unas manòtas
Lo ministre del govèrn, Arturo Murillo, o anoncièt dins una conferéncia de premsa mentre que brandava unas manòtas
Lo govèrn de Bolívia sorgit del còp d’estat demandèt dimècres passat a l’Organizacion Internacionala de la Polícia Criminala (Interpòl) qu’activèsse un mandat d’arrèst internacional contra l’èx-president Evo Morales, que lo ministèri public bolivian acusa ara de sedicion e terrorisme.
 
Lo ministre del govèrn, Arturo Murillo, o anoncièt dins una conferéncia de premsa mentre que brandava unas manòtas. “Aicí avèm las manòtas per lo menar a Chonchocoro”, çò diguèt en fasent referéncia a la preson boliviana de nauta seguretat. A mai, precisèt que l’enseguissián pas per de rasons politicas mas “per terrorisme”.
 
Morales respondèt sus Twitter que Murillo èra un “maselièr, messorguièr e terrorista verbal”.
 
Lo dètz de novembre passat, l’armada boliviana forcèt Morales, lo primièr president indigèna de l’istòria, a demissionar en argumentant que i aviá agut d’irregularitats a l’eleccion presidenciala. Morales partiguèt en exili en Mexic e puèi en Argentina, ont es aculhit coma refugiat. Ara, l’autoproclamada presidenta interimària de Bolívia, Jeanine Áñez, reconeis que serà “complicat” qu’Argentina extradisca Morales.
 
 
 
 
abonar los amics de Jornalet
 
 

 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

Alí Babà e los quaranta laires: Los golpistas demandan l'arrest del president legitm a l'extranger.

  • 7
  • 0

Escriu un comentari sus aqueste article