Actualitats
Rugbi de XIII: lo temps es al bèl pels Dragons e per Tolosa
D’aquesta passa, tot vira coma cal pels Dragons e pel Tolosa Olimpic, levat que la crisi del coronavirus va pausar de problèmas a l’organizacion de las competicions tretzistas
Alan Roch
Los Dragons remandan los Diables Roges en infèrn
La desfaita de l’an passat 46-0 fàcia a Salford èra demorada en travèrs de la gargamèla dels catalans.
Sus la lançada de las victòrias fàcia a Castleford e Hull FC, los Sang e Aur dominavan la debuta de la partida. McIlorum partissiá darrièr lo tengut e puntava un ensag de talonaire. Witley se trapava a la recepcion de dos còps de pè de seguir per marcar dos còps. Amb doas transformacions e una penalitat de Maloney, la marca jos la tramontana bèla èra de 18-0 pels locals a la pausa.
A la represa, los angleses tornavan amb mai de determinacion e tornavan a 20-14. Mas Tierney traucava al còr del terren per una accion que s’acabava per un ensag de Yaha al pè de la bandiereta. Tierney, designat òme de la partida, profeitava d’una fixacion e d’una passa bèla de Folau per clavar la marca sus un 30-14.
L’aprendissatge de la Superliga contunha per Toronto batut 66-12 per Leeds. Divendres, se tenguèron tres partidas sarradas: Huddersfield ganha a Saint Helens 12-10; un tombat permet a Warrington de batre Castleford 9-8 (!) e Hull FC ganha d’un punt a Wakefield 27-26.
Dimenge, Wigan domina Hull KR 30-16 e se posiciona en cap de fila del classament.
Lo rescontre Dragons-Leeds es marcat al calendièr d’aqueste dissabte, mas son debanament depend de las decisions governamentalas e de la direccion de la Superliga.
Tolosa passa en segonda
En Championship, lo Tolosa Olimpic recebiá Batley. Los angleses opausavan una brava resisténcia long del primièr temps (los dògols mostravan los caissals!) (6-6), mas la maquina occitana se metiá puèi en marcha per ganhar 34-14 e signar sa cinquena victòria consecutiva dempuèi la debuta de la competicion.
Elèit 1: los jòcs son ja faits?
En Elèit 1, las causas se precisan ja per las qualificacions. Los Dragonets, refortits per 3 Dragons potencials (Albert, Goudemand, Simon) ganhan a Avinhon: 24-10. Lesinhan se reviscòla e Albi ne paga las còstas: 36-18. Lo primadièr Limós ganha a Vilanòva: 30-16. Aquelas sièis formacions deurián jogar las pelhòfas al mes de junh.
Carcassona daissa escapar sos espèrs de remontada en perdent 29-20 a Palau. St Gaudenç bat Tolosa pel tresen còp de la sason: 32-16.
E ara, la Federacion se trapa dins l’embarràs per l’organizacion de la seguida de la competicion: tornar faire lo calendièr? Jogar sens public?
Vilagalhenc-Argon contra Vilafranca en finala de la Copa d’Elèit 2
En Elèit 2, se jogavan las mièjas finalas del Challenge Aillères, la copa de la categoria.
Los Lops de Vilafranca dominèron Carpentràs 36-12, alara que los jogaires de Vilagalhenc-Argon se deguèron regussar las margas e enauçar lor nivèl de jòc per faire plegar una plan valenta e volontària formacion d’Entraigas: 22-14.
Alan Roch
La desfaita de l’an passat 46-0 fàcia a Salford èra demorada en travèrs de la gargamèla dels catalans.
Sus la lançada de las victòrias fàcia a Castleford e Hull FC, los Sang e Aur dominavan la debuta de la partida. McIlorum partissiá darrièr lo tengut e puntava un ensag de talonaire. Witley se trapava a la recepcion de dos còps de pè de seguir per marcar dos còps. Amb doas transformacions e una penalitat de Maloney, la marca jos la tramontana bèla èra de 18-0 pels locals a la pausa.
A la represa, los angleses tornavan amb mai de determinacion e tornavan a 20-14. Mas Tierney traucava al còr del terren per una accion que s’acabava per un ensag de Yaha al pè de la bandiereta. Tierney, designat òme de la partida, profeitava d’una fixacion e d’una passa bèla de Folau per clavar la marca sus un 30-14.
L’aprendissatge de la Superliga contunha per Toronto batut 66-12 per Leeds. Divendres, se tenguèron tres partidas sarradas: Huddersfield ganha a Saint Helens 12-10; un tombat permet a Warrington de batre Castleford 9-8 (!) e Hull FC ganha d’un punt a Wakefield 27-26.
Dimenge, Wigan domina Hull KR 30-16 e se posiciona en cap de fila del classament.
Lo rescontre Dragons-Leeds es marcat al calendièr d’aqueste dissabte, mas son debanament depend de las decisions governamentalas e de la direccion de la Superliga.
Tolosa passa en segonda
En Championship, lo Tolosa Olimpic recebiá Batley. Los angleses opausavan una brava resisténcia long del primièr temps (los dògols mostravan los caissals!) (6-6), mas la maquina occitana se metiá puèi en marcha per ganhar 34-14 e signar sa cinquena victòria consecutiva dempuèi la debuta de la competicion.
Elèit 1: los jòcs son ja faits?
En Elèit 1, las causas se precisan ja per las qualificacions. Los Dragonets, refortits per 3 Dragons potencials (Albert, Goudemand, Simon) ganhan a Avinhon: 24-10. Lesinhan se reviscòla e Albi ne paga las còstas: 36-18. Lo primadièr Limós ganha a Vilanòva: 30-16. Aquelas sièis formacions deurián jogar las pelhòfas al mes de junh.
Carcassona daissa escapar sos espèrs de remontada en perdent 29-20 a Palau. St Gaudenç bat Tolosa pel tresen còp de la sason: 32-16.
E ara, la Federacion se trapa dins l’embarràs per l’organizacion de la seguida de la competicion: tornar faire lo calendièr? Jogar sens public?
Vilagalhenc-Argon contra Vilafranca en finala de la Copa d’Elèit 2
En Elèit 2, se jogavan las mièjas finalas del Challenge Aillères, la copa de la categoria.
Los Lops de Vilafranca dominèron Carpentràs 36-12, alara que los jogaires de Vilagalhenc-Argon se deguèron regussar las margas e enauçar lor nivèl de jòc per faire plegar una plan valenta e volontària formacion d’Entraigas: 22-14.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Dragons-Leeds se jogarà sens public.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari