... Mes a la basa n'ei pas aquò qui volèvi díser, que volèvi díser que vieni d'acabar d'escotar la navèra produccion deu Sarralhèr e que la tròbi d'ua hèra bona qualitat. Que's vèd que lo tipe a hèit camin despuish lo purmèr (si voletz brutalitat, escotat lo purmèr, a un moment dat que i a mèma brutallitat e saxofòn en mème temps!)

Qu'estoi estonat de léger dens la descripcion las condicions de produccion deu "disc" : que sona hèra plan per un disc hèit a casa dab materiau basic! Qu'aimi tanben la soa faiçon de revendicar de har aquò shens demandar subvencions a arrés!

Qu'esperi que'u hicarà tanben sus bandcamp : que tròbi qu'ei mei practic per'mor que s'i pòt telecargar la musica per l'escotar shens estar en linha.

#2 Ne soi pas briga d'acòrd dab tu, mic! OK, lhèu e i a mei de mots corts en occitan medievau qu'en modèrne mes per har rock & metal ne'm geina pas. Per jo l'occitan qu'ei un utís deus bons tà har aquò, que i a avut ua scena punk, rock e hard rock en lengas latinas (mei que mei en castelhan) hèra de d'òra dens l'istòria d'aquestes estiles.
Escota La Polla Records o Brujeria, per exemple, e ne pensi pas que diseràs que l'espanhòu manca de mots corts e dinamics tà inspirar sentiments violents.
https://www.youtube.com/watch?v=gYALqTNs11M

Tà jo per l'occitan qu'ei parièr, que sona drin com l'espanhòu, atau com la distorsion sona drin com lo fuzz o lo delay digitau com l'analogic...

Aquò qu'ei bon! Que va hauçar lo nivèu globau, de segur!
Dab Artús, Eyes Of Simurgh e Boisson Divine qui son tanben en l'actualitat, lo rock que's pòrta plan a noste!

Aquò qu'ei bon! Que vau hauçar lo nivèu globau, de segur!
Dab Artús, Eyes Of Simurgh e Boisson Divine qui son tanben en l'actualitat, lo rock que's pòrta plan a noste!

Cal multiplicar experiéncias d'aquesta mena. Tot lo ròck e lo metal que m'inspiran quand m'arriba d'esxriure encara narracions, son cantats siá en anglosaxon, siá en euskarà. Lo problèma tecnic es que la fòrma modèrna de l'occitan a alongat noms e vèrbes. Morfologicament, la sintaxa rica e complèxa non es la soleta rason d'anar pivelat per la performança artisitica del Trobar medieval. La quite lenga i se prestava fòrça !

Comptatz lo nombre de mots monosillabics dins un poèma medieval occitan puèi comparatz amb poèmas actuals, quinas que sián las varietats que las reivindican autors o editors respectius. Aquò parla solet, sense teoria.

Los mots monosillabics se prèstan mai e plan mièlhs als ritmes frenetics del punk ròck, del metal, etc… Subre aqueste punt tecnic, las lengas anglosaxonas son mai adaptadas. Questions d'estile… E donc la performança d'aquesta artista es de saludar d'aitant mai. Nos cal renovelar, sempre, trobar d'autras vias d'expression, e anant posar pertot, en mesclant las influéncias, en escambiant amb d'autres artistas, venguts d'autres estiles, d'autres asuèlhs, e sense jamai oblidar ni qui son, ni qui sèm…