Actualitats
Rugbi de XIII: cap a una sason blanca en Elèit?
Pas aisit per un cronicaire esportiu de parlar pas pus de rescontres, d’ensages, de transformacions, mas lo XIII es ara a l’arrèst total e la question de la represa se pausa de pertot
Alan RochElèit: la Federacion s’adreiça als clubs
La Federacion ven de mandar un corrièr als clubs d’Elèit 1 e d’Elèit 2 per se prononciar sus la seguida de la sason.
Doas opcions son prepausadas per la Copa: supression de l’edicion 2020; debanament dels quarts, de las mièjas e de la finala a la tardor.
Tres opcions son prepausadas pel campionat: supression de l’edicion 2020; pas de represa e atribucion del títol de campion al club 1r al moment de l’arrèst; represa jos forma d’una competicion eliminatòria.
Dins una entrevista al jornal L’Indépendant, los presidents dels 3 clubs audencs d’Elèit 1 e de Palau an fait part de lor dobte sus una represa possibla de la sason. Avançan las dificultats umanas de relança pels jogaires e las questions de finançament, sens parlar de la partença dels estrangièrs. Sols, los dirigents dels Dragonets serián favorables a un final jos una forma eliminatòria.
Vertat que la mager part dels estrangièrs ensajan de tornar en cò sieu. Aquò vira a las complicacions: l’arrièr de Carcassona Tony Pellow a vist a partir d’Amsterdam suprimits de vòls per Tòquio, puèi per Bali per passar fin finala per Jakarta abans d’arribar en Austràlia per una mesa en quarantena de 14 jorns abans de véser sa familha!
Superliga e NRL: question de sòus
Pel Championship, la Superliga e l’NRL, son las questions financièras que se pausan. Las cadenas de television que pagan de dreits de retransmission arrèstan tot virament vist que i a pas de partidas a difusar. Qualques jogaires accèptan una diminucion de lor paga. En Austràlia, una mena d’acòrdi es establit entre l’NRL e lo sindicat de jogaires, mas un club auriá recebut l’acòrdi d’un tribunal per pagar pas sos jogaires. De responsables demissionan per demesir la massa salariala de lor formacion.
La NRL estúdia mai d’un projècte de represa fins a un campionat a la tardor qu’anullariá la virada prevista dels Cangorós en Anglatèrra. D’unes meton en causa la gestion de l’NRL e s’estonan de sas dificultats financièras. La Copa del Mond de 2021 se trapa en question segon las decisions de calendièr de la Liga de fotbòl que poirián rendre impossibla l’utilizacion prevista de cèrts estadis. La Federacion anglesa anóncia que farà present de 20 021 plaças als personals espitalièrs britanics en mercejament de lor accion.
D’un autre costat, se vei de jogaires prene la paraula per convéncer lo mond de seguir las consignas, d’autres lançan d’operacions de solidaritat o se pòrtan volontaris per d’accions. Las valors collectivas e de solidaritat son de metre endavant pel mond tretzista e esportiu.
Un presentpel confinament luènh dels estadis
Tornatz véser la primièra partida entre Nòva Zelanda e Grand Bretanha de 2019:
Alan Roch
La Federacion ven de mandar un corrièr als clubs d’Elèit 1 e d’Elèit 2 per se prononciar sus la seguida de la sason.
Doas opcions son prepausadas per la Copa: supression de l’edicion 2020; debanament dels quarts, de las mièjas e de la finala a la tardor.
Tres opcions son prepausadas pel campionat: supression de l’edicion 2020; pas de represa e atribucion del títol de campion al club 1r al moment de l’arrèst; represa jos forma d’una competicion eliminatòria.
Dins una entrevista al jornal L’Indépendant, los presidents dels 3 clubs audencs d’Elèit 1 e de Palau an fait part de lor dobte sus una represa possibla de la sason. Avançan las dificultats umanas de relança pels jogaires e las questions de finançament, sens parlar de la partença dels estrangièrs. Sols, los dirigents dels Dragonets serián favorables a un final jos una forma eliminatòria.
Vertat que la mager part dels estrangièrs ensajan de tornar en cò sieu. Aquò vira a las complicacions: l’arrièr de Carcassona Tony Pellow a vist a partir d’Amsterdam suprimits de vòls per Tòquio, puèi per Bali per passar fin finala per Jakarta abans d’arribar en Austràlia per una mesa en quarantena de 14 jorns abans de véser sa familha!
Superliga e NRL: question de sòus
Pel Championship, la Superliga e l’NRL, son las questions financièras que se pausan. Las cadenas de television que pagan de dreits de retransmission arrèstan tot virament vist que i a pas de partidas a difusar. Qualques jogaires accèptan una diminucion de lor paga. En Austràlia, una mena d’acòrdi es establit entre l’NRL e lo sindicat de jogaires, mas un club auriá recebut l’acòrdi d’un tribunal per pagar pas sos jogaires. De responsables demissionan per demesir la massa salariala de lor formacion.
La NRL estúdia mai d’un projècte de represa fins a un campionat a la tardor qu’anullariá la virada prevista dels Cangorós en Anglatèrra. D’unes meton en causa la gestion de l’NRL e s’estonan de sas dificultats financièras. La Copa del Mond de 2021 se trapa en question segon las decisions de calendièr de la Liga de fotbòl que poirián rendre impossibla l’utilizacion prevista de cèrts estadis. La Federacion anglesa anóncia que farà present de 20 021 plaças als personals espitalièrs britanics en mercejament de lor accion.
D’un autre costat, se vei de jogaires prene la paraula per convéncer lo mond de seguir las consignas, d’autres lançan d’operacions de solidaritat o se pòrtan volontaris per d’accions. Las valors collectivas e de solidaritat son de metre endavant pel mond tretzista e esportiu.
Un presentpel confinament luènh dels estadis
Tornatz véser la primièra partida entre Nòva Zelanda e Grand Bretanha de 2019:
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Tornar véser la partida Dragons-Wigan del Camp Nòu comentada en catalana : https://treizemondial.fr/video-match-entier-2019-camp-nou-dragons-catalans-vs-wigan-warriors/
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari