Actualitats
Lo Congrès a mes en linha un diccionari d'expressions e locucions
Lo nòu esplech compta mai de 50 000 expressions en occitan auvernhat, gascon, lemosin, lengadocian, provençal e vivaroalpenc
Lo Congrès Permanent de la Lenga Occitana ven de metre en linha un diccionari de las expressions e locucions per totas las variantas de l'occitan. Aquel novèl esplech jonh los nombroses recorses en linha sus la lenga occitana que prepausa lo sit del Congrès.
Aquel nòu diccionari l'an bastit a partir de las memòrias de mestresa de Florença Marcouyre, jos la direccion de Maurici Romieu, e de Joan-Breç Brana, jos la direccion de Felip Biu. Aquestes an recensat, transcrich e comentat mai de 2500 expressions del Dictionnaire du Béarnais et du Gascon modernes de Simin Palay. Puèi i an ajustat las expressions e las locucions dels diccionaris ja meses en linha pel Congrès.
Lo nòu esplech compta mai de 50 000 expressions en occitan auvernhat, gascon, lemosin, lengadocian, provençal e vivaroalpenc.
Vesitatz lo diccionari de las locucions
Aquel nòu diccionari l'an bastit a partir de las memòrias de mestresa de Florença Marcouyre, jos la direccion de Maurici Romieu, e de Joan-Breç Brana, jos la direccion de Felip Biu. Aquestes an recensat, transcrich e comentat mai de 2500 expressions del Dictionnaire du Béarnais et du Gascon modernes de Simin Palay. Puèi i an ajustat las expressions e las locucions dels diccionaris ja meses en linha pel Congrès.
Lo nòu esplech compta mai de 50 000 expressions en occitan auvernhat, gascon, lemosin, lengadocian, provençal e vivaroalpenc.
Vesitatz lo diccionari de las locucions
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5 Malurosament, sembla qu'aquela òbra remirabla qu'es lo diccionari de locucions de Romieu e Bianchi es pas dins lo diccionari de las locucions del Congrès. Vertat que seriá genhèc ! Mas benlèu qu'es complicat.
#3 Avètz ensajat de lor escriure per lor prepausar vòstra matèria ? Soi segur que los interessariá.
Tornar a Cesar çò qu’es a Juli.., Maurici Romieu es l’autor del Dicc. d’expressions e locucions occitanas amb la participacion de Andrieu Bianchi e Loís Gaubèrt
Encara grandmercés al nòstre Congrès ! Los salvadors de la lenga nòstra !
L'avançament aportat pel Congrès es fòrça important, non solament ajuda a far créisser lo nivèl dels que ja parlan la lenga, mas tanben facilita l'aprendissatge pels començants, e bensai òm poiriá afirmar qu'aquò's çò mai important. Òsca a totòm que trabalha al Congrès e de nòu grandmercés per tot çò que fasètz per nautres e la lenga nòstra !
LO Congrès, brave projet, mas I. Lavalada balhent pas los drechs per lu lemosin, devem far emb deus volontaris. Mas, pas de possibilitat de prepausat deus mots, de las entradas, surtits de trabalhs de collectatges sur lu terren, de particularitats localas. Perquè ? Qu'es bien domatge... Quò fariá mestier...
E ben, se vei que lo qu'a de biais se'n servís, e que lo que n'a pas ne'n patís !
Es plan tot aquò mas bon, un còp fa pas puta.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari