Actualitats
Henri Maquet presenta un disc consagrat als mites del País d’Arle
Acompanhat de fadas, de Tarasca e d'autres personatges mitics del país, Legendari presenta de creacions de diferentas epòcas del musician arlatenc
Lo musician provençal Henri Maquet presenta son darrièr disc consagrat a las legendas e als mites del país d’Arle, acompanhat de fadas, de Tarasca e d’autres personatges mitics de Crau, Camarga e de las Alpilhas. Entitolat Legendari, presenta de creacions de diferentas epòcas del musician arlatenc “ont [a] agut l’ocasion de narrar, metre en musica e de còps en scèna aqueleis aventuras arlatencas. N’i a que son ben recentas, d’autrei an mai de 20 ans”.
L’album a pas sortit coma èra previst a causa dela crisi sanitària de la Covid-19. Per aquela rason se presentèt en linha lo 25 d’abril passat. “Ai preferit de retardar pas la sortida de l’album e mai de l’avançar per permetre ais auditors de viure d’aventuras musicalas epicas d’en cò d’elei estant”, çò ditz l’artista. “Aquò permet en totei d’i aver accès. E aquò permet egalament a aquelei que vòlon sostenir aquela creacion de produccion locala de pagar, se o desiran, per l’aquisicion dei fichiers. Es egalament possible de comandar lo CD que sortirà ben lèu e comportarà dos tròç suplementaris.
Legendari se pòt escotar e descargar per Internet e precomandar coma CD sul sit web del musician arlatenc: henrimaquet.bandcamp.com. Lo CD, qu’es acompanhat d’un libret subrebèl, conten de tròces suplementaris de Sara Kali amb Tchoune Tchanelas, Chanteur gitan & La Cabro d’Or, e de nombroses convidats.
Maquet a enregistrat l’album segon la tecnica “Fai-lo tieu”, que segon lo musician arlatenc es lo biais provençal del “Do It Yourself”. “Lo deviáu maugrat tot mixar en defòra d’en mieu e amb l’assisténcia d’autreis aurelhas aguerridas, après lo confinament arribèt... ai donc degut tenir l’escomesa fins a la fin! Me siáu amainatjat un estúdio d’escota a l’ostau qu’a agut besonh d’ un pauc de bricolatge”.
Totun, Maquet pensa ja a un autre disc car aquelas cançons “nòtan una partida solament de la riquesa legendària dau País d’Arle, e seràn seguidas, bensai, d’un novèl òpus dins quauque temps”.
Fa qualques jorns, Maquet ne parlèt sus France 3.
L’album a pas sortit coma èra previst a causa dela crisi sanitària de la Covid-19. Per aquela rason se presentèt en linha lo 25 d’abril passat. “Ai preferit de retardar pas la sortida de l’album e mai de l’avançar per permetre ais auditors de viure d’aventuras musicalas epicas d’en cò d’elei estant”, çò ditz l’artista. “Aquò permet en totei d’i aver accès. E aquò permet egalament a aquelei que vòlon sostenir aquela creacion de produccion locala de pagar, se o desiran, per l’aquisicion dei fichiers. Es egalament possible de comandar lo CD que sortirà ben lèu e comportarà dos tròç suplementaris.
Legendari se pòt escotar e descargar per Internet e precomandar coma CD sul sit web del musician arlatenc: henrimaquet.bandcamp.com. Lo CD, qu’es acompanhat d’un libret subrebèl, conten de tròces suplementaris de Sara Kali amb Tchoune Tchanelas, Chanteur gitan & La Cabro d’Or, e de nombroses convidats.
Maquet a enregistrat l’album segon la tecnica “Fai-lo tieu”, que segon lo musician arlatenc es lo biais provençal del “Do It Yourself”. “Lo deviáu maugrat tot mixar en defòra d’en mieu e amb l’assisténcia d’autreis aurelhas aguerridas, après lo confinament arribèt... ai donc degut tenir l’escomesa fins a la fin! Me siáu amainatjat un estúdio d’escota a l’ostau qu’a agut besonh d’ un pauc de bricolatge”.
Totun, Maquet pensa ja a un autre disc car aquelas cançons “nòtan una partida solament de la riquesa legendària dau País d’Arle, e seràn seguidas, bensai, d’un novèl òpus dins quauque temps”.
Fa qualques jorns, Maquet ne parlèt sus France 3.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Remembram la fortuna de que parlam, legim e escrivim la lenga dels Trobadors, la primiera lenga neolatina qu'es forjet per far poesia en Europa.
Un fòrça bèu trabalh de l'Enric e de sa còla. Òsca !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari