Bandièra01 capçalera  1180x150: Novestivada

Actualitats

Lo partit d’Evo Morales recupèra la presidéncia de Bolívia après lo còp d’estat

En mai de la presidéncia, lo partit de Morales a ganhat tanben las eleccions legislativas, çò que lor dona una majoritat politica per revirar las politicas dels darrièrs meses

Luís Arce, èx-ministre d’Evo Morales, serà lo nòu president de Bolívia après ganhar la primièra eleccion presidenciala dempuèi lo còp d’estat d’arunan, quand l’oposicion, amb lo sosten de l’armada, volguèt pas reconéisser la victòria de Morales dins las urnas e que la senatritz Jeanine Añez s’autoproclamèt presidenta. Morales deguèt partir en exili e, d’Argentina estant, vegèt la justícia de son país a dobrir una enquista contra el per de presumits terrorisme e sedicion e a l’empachar de participar a las eleccions. Es per aqueta rason qu’Arce es vengut lo candidat del Movement Devèrs lo Socialisme (MAS, segon sa sigla en espanhòl). Aqueste còp, la quita Añez a reconegut la victòria d’Arce e de David Choquehuanca, candidat a la vicepresidéncia.
 
“Avèm pas encara lo resultat oficial, mas segon las donadas qu’avèm Sénher Arce e Sénher Choquehuanca an ganhat las eleccions. Feliciti los venceires e lor demandi de governar en pensant a Bolívia e a la democracia”, çò a escrich. De son caire, Arce a mercejat los ciutadans per lor supòrt dins una compareissença a La Paz e a anonciat que fariá un govèrn d’unitat nacionala. Dins un messatge sus Twitter, s’es regaudit d’aver “recuperat la democracia” e a anonciat la volontat de reprene “l’estabilitat e la patz sociala”. “Units, amb dignitat e sobeiranetat”, çò a apondut.
 
En mai de la presidéncia, lo partit de Morales a ganhat tanben las eleccions legislativas, çò que lor dona una majoritat politica per revirar las politicas dels darrièrs meses. Morales a felicitat e mercejat per lors esfòrces e engatjaments Arce e Choquehuanca, mas tanben los elegits, los movements socials e los militants e simpatizants de son partit.

 
 
 
 


 
abonar los amics de Jornalet

 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Daniel Codina Padrós Salt
4.

El 2008 es va desaprofitar una oportunitat de reformar l'economia mundial, de posar fi a un model basat en el creixement sense límits i com que es va cometre aquell error, ens trobem davant del daltabaix dels últims mesos. El neoliberalisme ens ha esclatat a les mans.

  • 2
  • 0
francesc palma
3.

Una magnifica nova qu'aja ganhat lo partit de l'esquerra a favor de los indigenas paures e sas lengas e cultura.

  • 7
  • 1
Maignial Galhac
2.

De puchistas que demandan que se respècte la democracia aprèp la victòria dels opausaires! L'ultradrechista americana (nòrd et sud) es pièger qu'aici...

  • 17
  • 0
Franc Bardòu
1.

Escrivètz : "En mai de la presidéncia, lo partit de Morales a ganhat tanben las eleccions legislativas, çò que lor dona una majoritat politica per revirar las politicas dels darrièrs meses." Cossí se pòt ? An l'independéncia bancària ? Non dependon del FMI ? Cossí fan per se copar del dictat inernacional delsfonses privats, ara que los estats an abandonat la sobeirania economica al profièit desvergnhat d'unes privats ?

  • 10
  • 5

Escriu un comentari sus aqueste article