Actualitats
An trobat lo tresaur de moneda cèlta pus grand de l’istòria de l’umanitat
S’agís de 1300 pèças d’aur dels ans 40-50 abans lo Crist
An trobat en Anglatèrra lo tresaur de moneda cèlta pus grand de l’istòria de l’umanitat, çò rapòrta la revista britanica Tresaure Hunting. S’agís de 1300 monedas d’aur dels ans 40 -50 abans lo Crist. La trobalha aguèt luòc en setembre passat mas se publiquèt dos meses pus tard a causa de la discrecion volguda pel descobridor. De soslinhar que la valor de la trobalha despassa lo milion d’èuros.
“Lo luòc ont s’es trobat [lo tresaur] se pòt pas divulgar, mas si que se desvelarà lèu lo recit personal de qui l’a trobat, l’incresibla e esmoventa experiéncia d’aquela impressionanta descobèrta”, çò ditz la revista, que parla d’un jardinièr de 50 ans que s’afecciona de la recèrca de metals e de l’observacion d’aucèls.
Es justament en fasent aquelas activitats que lo descobridor, en seguissent un voltor que perseguissiá doas agaças, vegèt quicòm que lusissiá dins un camp laurat. Èra una pèça de moneda. Puèi ne trobèt una autra, e mai d’autras. Enfin anèt quèrre son detector de metals e trobèt las 1300 pèças enterradas dins un recipient de terralha.
Lo rapòrt de Tresaure Hunting pensa que las pèças poirián èsser del pòble icèn, qu’alavetz èra en guèrra contra los romans. Segon los istorians, lor reina Budiccca organizèt la revòlta contra los invasors. Saique lo tresaur èra destinat a pagar aquela guèrra.
“Lo luòc ont s’es trobat [lo tresaur] se pòt pas divulgar, mas si que se desvelarà lèu lo recit personal de qui l’a trobat, l’incresibla e esmoventa experiéncia d’aquela impressionanta descobèrta”, çò ditz la revista, que parla d’un jardinièr de 50 ans que s’afecciona de la recèrca de metals e de l’observacion d’aucèls.
Es justament en fasent aquelas activitats que lo descobridor, en seguissent un voltor que perseguissiá doas agaças, vegèt quicòm que lusissiá dins un camp laurat. Èra una pèça de moneda. Puèi ne trobèt una autra, e mai d’autras. Enfin anèt quèrre son detector de metals e trobèt las 1300 pèças enterradas dins un recipient de terralha.
Lo rapòrt de Tresaure Hunting pensa que las pèças poirián èsser del pòble icèn, qu’alavetz èra en guèrra contra los romans. Segon los istorians, lor reina Budiccca organizèt la revòlta contra los invasors. Saique lo tresaur èra destinat a pagar aquela guèrra.
CELTIC HOARD - THE BIGGEST EVER Wow as you can imagine its sure...
Pubblicato da Treasure Hunting Magazine su Divendres, 27 de novembre de 2020
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 : Non ei cap un comentari, meilèu ua informacion :
Eras lèis sus eth patrimòni arqueològic, laguens deth estat francés, qu'an INTERDIT / ENEBIT / PROIBIT, toteras excavacions e "arrecercas" non déclaradas e autorisadas peras autoritats competents ( Service Régional de l'Archéologie, DRAC ).
Maugrat çò que poderan pensar bèths uns, sus eths "drets e libertats" controladis peth estat, aquestas lèis, son pensadas entà conciliar e somar eths interessis deths particulars ( propietaris deths terrencs e bastidas ) e dera collectiuitat ( coneishença e proteccion deth patrimòni culturau-cientific-istoric de totera societat )
Que cau arremercar qu'eth madeish estat s'i plèga, per ex. quand paga eth prètz deras excavacions "fouilles" e estudis consecutius sus eths terrencs de "grands travaux" tau coma autopistas, linhas de tren, reformas urbanas....
Hèr d'ua auta manèra, qu'ei deishar tota libertat aths trafegaires e panaires !
Que sabi de que parli, qu'auants de prener era "retraite" qu'èi partecipat a diuersas gestions de patrimòni arqueològic, que ara ei plan sauvat en musèus ( eth tumulus de Ibòs - plan de Ger, ara en musèu d'Aquitània de Bordèu, com exemple...)
Un tresaur extraordinari, que vos arrecomani tà totis d'anar visitar, qu'ei ena vila de Eusa, antica Elusia, ( ara Éauze ) en Armanhac, capdau dera antica Novempopulania.
Ja qu'en poderatz saber quauqu'arren per internet, e pensar un pòc çò qu'en serià estat de tot aquerò, deishat en mans de uns arrats, "indiana jones dera padena detectora" !!!!!
Qu'es fabulos per los trobaires, quau eveniment, quau exitacion quò deu estre per ilhs !
Un pauc coma a Jersei / Jèrri :
https://www.youtube.com/watch?v=ueOEAqUScuQ
Tot aquò me faguèt pensar a aquela seria de tria :
https://www.arte.tv/fr/videos/RC-020165/detectorists/
Si que non, nos demòra de trapar lo tresaur dels catars :)
Osca per la trobalha. Nos caldrà aver un detector de metalhs per trobar los tresors occitans e catalans que perderem en las batalhas,a veire si i a sort !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari