Actualitats
Lo formatge de Ròcafòrt vegan se fa tanben en Roergue
Una cosinièra e agricultritz de Blaiac fabrica de formatges vegetals amb los meteisses campairòls que los del celèbre formatge pigat de verd
Lo formatge de ròcafort vegan ven d’espelir, tanben en Roergue, de la man de Coralie Roussel, una cosinièra e agricultritz que fabrica de formatges vegetals, sens lach, a basa de notz de cajó. Fa sos formatges ”Roquefortis” e “Végamembert” dins sa bòria del Causse de Severac e los vend als mercats de Sant Africa, en Roergue, e tanben a Lodeva, en Bas Lengadòc, çò rapòrta France 3.
Après fòrça ensages, Roussel a trobat los dosatges e l’equilibri perfièch per far un formatge de Ròcafort sens lach mas amb los meteisses campairòls que los del conegut formatge de Roergue pigat de verd.
Après fòrça ensages, Roussel a trobat los dosatges e l’equilibri perfièch per far un formatge de Ròcafort sens lach mas amb los meteisses campairòls que los del conegut formatge de Roergue pigat de verd.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
E çò de bon amb los vegans es que ne cal pas gaire per los enfuronar. Qualques cossergues e... te sevisson lo sermon de la montanha a la salsa margarina. Son de bons clients !
#19 Ok, son pas d'imitacions, mas son ambigús totparier : "fruits de mer" fariá pas pauc que pro creire que s'agís pas de bèstias? L'i a tot plen d'autres exemples que balharai pas 'quí (l'i a mas cerchar sus lo web). E puei, quau mau a eissaiar d'imitar lo gost de qqr emb daus produchs emb lo mins de sufrença animala possibla? L'i a tot çò que fau de nutriments dins los vegetaus (l'i a tanben de la malbouffe, dise pas lo contrali mas los VG an ben lo drech de minjar de la merda tot coma los carnofages zo fan a plen chasque jorn). Après, me, ne'n minge pas gaire daus succedanes maugrat que ieu aimava beucòp lo gost de la charn (qu'es pas per desgost dau tast que ne'n minge pus) - per contra, sei jamai estat fan de formatge. E puei, quante imitan una forma : steack, escalòpa (l'i a tanben de las escalòpas de polet)... vese pas lo problema. Afen, los lòbbis de la charn an un grand poder e los minjaires de charn an benleu l'impression que los volem privar de qqr, se senten menaçats, l'avenir, que coneitrai queraque pas, nos dirá coma la societat aurá evoluít, ieu aimariá que chamine vers mins de sufrença animala e umana (contràriament a çò que daus uns an desjà contat a mon perpaus sens me conéisser). Quel afar de fromatge vegetau es mas un epifenomen que ne'n vese p'un piau lo mau.
#17 I a ges d'ambigüitat dins leis expressions "lait pour le corps", "fromage de tête", "fruits de mer", o "pan de poisson". L'objectiu d'un pan de peis es pas d'aguer un gost de pan, o d'utilisar ambe de confitura. Emai son d'expressions que tot lo monde conoisse, es clar per toei.
De l'autra man, lei gens que crompan de "ròcafort vegetau" esperan que au mens lo gost siague fòrça proche (o lo mai possible) dau gost dau ròcafort vertadier. Es aquo la promesa promiera dau marketing. E bensai van tanben pensar que nutricionalament es mai o mens equivalent.
#16 Los panissèirs occitans son partits en crotzada contra lo « pain de poisson », que, se disen, a pas dau tot gost de pan !!!!
#16 E "lait pour le corps", "fromage de tête", "fruits de mer"... ?
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari