En cò de las mejana e granda seccions, cada dijòus, es lo jorn del conselh de classa. Lo conselh regula la vida de la classa. Los mainatges, assetats al canton, discutisson de la vida de la classa. I a plusors rubricas: las informacions, las questions, las demandas, las remarcas, las proposicions, las criticas e las felicitacions. Es lo luòc ont se decidís collectivament las règlas de vida de la classa, ont los conflictes se règlan (explicacions, desencusas, reparacions, multas). Es tamben l’escasença de far de projèctes totes amassa o de se felicitar quand lo trabalh o los mestièrs son plan faits!
Un còp per periòde, un conselh especial mestièrs se ten (a la rintrada aprèp cada periòde de vacanças). Los mainatges fan lo bilanç dels mestièrs, apondon o tiran de mestièrs en foncion dels besonhs de la classa, e ne causisson un novèl.
Un còp per periòde tamben, fasèm un conselh per parlar de las cintas de comportament.
Per protegir la paraula del mainatge, lo conselh a de leis: levam lo det per demandar la paraula, copam pas la paraula, nos trufam pas, çò que se ditz en conselh ne sortís pas (levat se o decidissèm), al cap de 3 còps tissoses sortissèm e pagam una multa. Lo conselh es un moment essencial de la vida de classa, que se perlonga fins al CM2.
Ongan, en conselh de classa, es estat prepausat e votat de fargar una luna bèla, de 3 dimensions, que serà pintrada e que farà aparéisser los cratèrs. Mercé al Frédéric e a la tecnica del papièr pegat sus un balon bèl, sèm a mand de realizar nòstre projècte!
La còla pedagogica de las escòlas de Carcassona
Jornalet a l'escòla
Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.
Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.
Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Quò es una bona iniciativa. L'òm considera pus lo goiat (o la goiata) coma una machina mas coma çò que son : un esser viu. L'òm reconeis qu'en chacun(a) d'entre ilh, ela, i a una creativita que lòr permet de chausir. Mas, chausir que? lo mestier dau pair o de la mair o au contrari de s'en separar.
Dins las annadas 1980, apres aver dich belcòp de maus daus servicis de la prefectura, lo paisan se viret vers sa neboda qu'avia una quinzena d'annadas e li disset "que voles far pus tard? Perqué entreria pas a la Prefectura, i son bian" E la goiata entret a la prefectura pus tard, non pas per conviccion mas prenguet coma trabalh çò qu'i avia. e podia pas far paisana que li avia pus de paisan. E i rentret pas coma prefeta mas coma una salariat d'en bas.
E, perquè, perquè? d'aqui l'òm pausa de las questions. Perqué seria pas una personalitat remarcada e respectada pus leu que d'esser en bas de l'eschal. Perqué tant de consideracions e de salari per los uns e la miseria per los autres. A 18ans sem a egalitat qu' avem la mesma educacion e la mesma envejat d'esser uros.
Qu'es aquò una educacion? Aver una testa plena de coneissenças tecnicas o una testa que nos permer de nos debrollar dins la vita qualque sia lo mestier que farem?
Anem tot cambia. Tot deu esser fach per evoluar vers una societat ente las leis d'amor entreran dins tots los domeines ensenhats a l'escòla.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari