CAPÇALERA: Nit arpiatana occitana cat
CAPÇALERA2: FAI-TE SOCI

Jornalet, gaseta occitana d'informacions

Diluns, 17 de junh

editorial

Dimenge, 19 de mai de 2019, 03h00

Per un jornal participatiu, viu e civilizat


Comentaris 11 comentaris    
Marrit Flac Bon Plan bon Fabulós (20 vòtes)
carregant En cargar


Quand discutissèm amb qualqu’un, emplegam quicòm mai que de paraulas. Las expressions de la cara e los gèstes son fòrça importants per comunicar. Quand parlam al telefòn, nos servissèm tanben de modulacions de la votz per nos exprimir. Pasmens, tot aquel encastre audiovisual existís pas quand comunicam solament a l’escrich e sovent es complicat de transmetre cèrts concèptes o estats d’esperit.
 
Lo mond de Jornalet coneissèm plan aquelas limitacions comunicativas. Aqueste jornal es viu e la comunicacion entre redactors e legeires es fluida gràcias a la participacion del public e las possibilitats de valorizar las informacions e los comentaris. Aquelas dificultats nos an menats, de còps, a de situacions tròp desagradivas que deuriam ensajar d’evitar. Un forum dins lo qual qualques legeires se baton amb de messatges violents provòca de malèsser e la non-participacion de fòrça mond. Per aquela rason, e per poder comunicar recipròcament d’un biais eficaç, la redaccion de Jornalet prepausa qualques conselhs d’etiqueta a sos redactors, a sos opinaires e a sos legeires:
 

— A l’ora d’escriure un comentari, precisatz una adreiça d’e-mail corrècta. La redaccion ensaja de contactar los comentators abans d’eliminar un comentari que considère ofensant, sexista, omofòb, transfòb, racista...
 
— Comptatz totjorn que de l’autre costat de l’ecran i a un èsser uman amb sas idèas e sos sentiments. Escrivètz coma se vos regardèssetz dins los uèlhs. Sètz pregats d’escriure pas res que diriatz pas se foguèssetz en fàcia de l’autra persona.
 
— Ensajatz d’èsser clars, precises e concises. Fòrça malentenduts arriban de comentaris longasses e pauc clars.
 
— Emplegatz d’emoticònas per ajudar a comunicar cèrts sentiments, particularament quand s’agís d’ironia o d’umor.
 
— Sètz pregats d’escriure pas cap de comentari quand seretz emmaliciats o en colèra. Esperatz d’aver un sentiment mai objectiu per exprimir vòstre vejaire.
 
— Publiquetz pas jamai de donadas personalas o privadas de cap d’autra persona. Tot lo mond an drech a lor intimitat.
 
— Las majusculas son sovent interpretadas coma de crits. Sètz pregats de las evitar.
 
— Sètz pregats d’èsser tolerants. Las opinions dels autres son pas que d’opinions e degun es pas pas obligat de las partejar.
 
— Se qualque comentari vos fa sentir mal, sètz pregats de tocar lo boton “comentari inadeqüat” en avertissent la redaccion de Jornalet. Se qualque article d’opinion vos fa sentir mal, sètz pregats de contactar la redaccion sul pic.
 
— Las criticas e los desacòrdis, val mai de los exprimir en privat. Lo sit prepausa un boton per contactar los autors dels articles d’opinion. Lo podètz tanben emplegar per lor pausar de questions.
 
— Los autors dels articles d’informacion e d’opinion son pregats de respondre pas als comentaris dels legeires. Eles faràn solament servir los comentaris per apondre de mesas a jorn de las informacions publicadas.
 
Esperem que totes aqueles conselhs vos sián utils, e e nos ajudaràn a aver un jornal que contunharà longtemps de mostrar al Mond que l’occitan es una lenga viva, e que sèm un brave pòble.



 


abonar los amics de Jornalet



publicitat
BANER1-2-3: DGPL DICTADES



Comentaris

23 de mai 22.58h

Image del monde occitan
Basta de pensar en l'image que bailam del monde occitan, mai que mai les jovents...d'aitant mai que i'a pas un fum de jornals numerics occitans a gratis...


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

21 de mai 19.39h

#9 Una plan plan bona analisi del discors lachaudenc e sos milanta gandalhaments tòrts, òsca !


Valoriza aqueste comentari:   votar positiu 9   votar negatiu 1
Respondre comentari replica Comentari inadeqüat   Formulari d'abús de comentari

21 de mai 13.17h

#3 Amb certs (disi plan, CERTS ) comentaris, mon primièr problèma es la manca de coerència, lo rasonament ermetic e sens coa ni tèsta que se perd dins un esmarrador escur, per pas dire mentalament desvariat. Benlèu qu'aquo se sona de poesia ? Anètz saupre !


Valoriza aqueste comentari:   votar positiu 10   votar negatiu 0
Respondre comentari replica Comentari inadeqüat   Formulari d'abús de comentari

21 de mai 09.16h

#7 *vòu dire


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

21 de mai 09.15h

Òi, mes de fes que i a aquò's ben agradiu de se fotre sul morre en lenga nòstra amb tota la marrida fe dau mond. Vòu que la lenga es pancara mòrta !


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

19 de mai 21.13h

#5 linha 7 : falè legir "ende VENDER las pubs"


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

19 de mai 21.11h

trapi un chic ipocriti aqueth biaish de denonciar la violéncia dens los comentaris, quand aquera neurís lo sistemi internet-hilats sociaus-buzz a clic. si los comentaris son installats suu siti, es pr'amor de defénder la democràcia, benlèu ? pr'amor de difusir lo debat entre gents inteligentas e senadas ? si vos platz...
l'unica rason, ce'm sembla, es que las insultas, la violéncia e las baralhas hèsen pravar lo nombre de coneccions a las paginas, e atau lo prètz de l'encart publicita... Legir mai


Valoriza aqueste comentari:   votar positiu 9   votar negatiu 3
Respondre comentari replica Comentari inadeqüat   Formulari d'abús de comentari

19 de mai 16.47h

#3 Per la linha editoriala :

De per un cant melodiós e amigalhaire la lustre se dobriguèc de tant de dolçor li venia al còr (es coma la lauzeta) , se tampèc tanlèu escotar lo bescant enfùs de prest a pensar e se tornèc pas jamai dierbre !
(per far cortet)


Valoriza aqueste comentari:   votar positiu 1   votar negatiu 8
Respondre comentari replica Comentari inadeqüat   Formulari d'abús de comentari

19 de mai 11.39h

Mon premier problem es materiau: Tròbe que los commentarias son escrichs en petit,pas tròp aerats, (le previsualisar fai pas mielhs) e aimeria que los comentaris qu'escriche siaja un brolhon que l'òm pòd i tornar una ora o doas pus tard avant de l'envoiar. Aquò es benleu pas possible.

Apres quò es la linha directriça de Jornalet que me pausa problem. Jornalet es attachat a de las creisenças que son depassadas : dau jornau coma lo Monde, lo New York Time, Mariane o autre eraN coneigu... Legir mai


Valoriza aqueste comentari:   votar positiu 6   votar negatiu 9
Respondre comentari replica Comentari inadeqüat   Formulari d'abús de comentari

19 de mai 08.32h

Vaquí un editorial e una mesa al punt plan senada. E lo dessenh es plan explicatiu.
I a pas que de veire cossí nos emmaliciam en privat dins las pseudo-conversacions per emilis (e-mails) quand i a d’escambis a l’interior d’un grop. I a pas que quand nos tornam veire que las causas se pòdon adobar… se s’adoban.
Alara dins un jornal sus la tela… Los autres mèdias an lo meteis problèma e ensajan d’o reglar. De còps que i a, amb de censura, çò qu’es pas gaire presat. Demest... Legir mai


Valoriza aqueste comentari:   votar positiu 9   votar negatiu 2
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

giny

giny

publicitat

lateral 2 teveoc

Entrevista

publicitat

LATERAL1 300X250: sapiéncia



publicitat

LATERAL2 330x60: Casteth Paums

Fotografias

  • Cap a las fonts autas d'Arièja. © Franc Bardòu

    Savartés. Cap a las fonts autas d'Arièja

  • © Miquèu Barís

    Los calandrons d'Auloron qu'an visitat Baiona

  • © Laurenç Revèst

    Cavairac (Costièra de Nimes)

  • © Celèsta Toion

    La plaja espaci de libertat? D'expression?

  • La prima en valaa de Tiniá. © Laurenç Revèst

    La prima en Tiniá

  • © Celèsta Toion

    La plaja espaci de libertat? D'expression?

  • © Franc Bardòu

    Coserans al còr

  • © Franc Bardòu

    Catalonha etèrna

  • © Iñaki Delaurens

    Val d'Aran

  • © Franc Bardòu

    País Bordalés

  • Briga (val de Ròia)

  • País de Rasés. © Franc Bardòu

    País de Rasés

  • © Laurenç Revèst

    A Gavotina marítima: O Castelar vielh, e faishe sota A Pena e vista de Sant Bernat de Castelar

  • © Celèsta Toion

    La plaja espaci de libertat? D'expression?

  • © Josep Carpintero

    Presentacion dera ANC Val d'Aran en Vielha, 28/12/2013

  • © Zep Armentano

    Era Mongetada (Val d'Aran 28-29 d'octobre 2017)

  • © Laurenç Revèst

    Cavairac, Vau Naja (Costièra de Nimes)

  • © Franc Bardòu

    Coserans al còr

  • © Laurenç Revèst

    Castelar

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

giny

Las mai...

publicitat

LATERAL1 300X250: radio pais

giny

Sondatge

Per tu, Lemosin se tròba...


71%



4%



6%



12%



6%




Vots 49 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)