Bandièra01 1180x150: Comuna de Tolosa

editorial

L'escòla al servici dels elèits economics

Jean-Michel Blanquer
Jean-Michel Blanquer | Ecole polytechnique Université Paris-Saclay
De milièrs de liceans de l'estat francés an recebut de nòtas provisòrias o erronèas de lor bachelierat. Lo ministre de l'educacion, Jean-Michel Blanquer, a d’efièch fach afichar totas las nòtas aqueste divendres, malgrat qu’aguèsse pas los resultats d'environ 30 000 examens, qu'avián retenguts almens set cents ensenhaires en cauma. En plaça del resultat de las espròvas, Blanquer a fach publicar las nòtas de l'annada escolara dels estudiants que ne teniá pas los resultats. O raportàvem dissabte, espaventats.
 
Es atal que Blanquer ven de demostrar, definitivament, que sa reforma autoritària s'impausarà, se cal, d'un biais autoritari. E per o far es capable de mespresar l'esfòrç e l'estudi de 30 000 escolans. Lo ministre se trufa dels estudiants, que sa reforma es pas pensada per eles mas per los elèits economics. A mai, los ensenhaires, desenant, riscan de poder pas pus exprimir lor vejaire public sus l’institucion, participar a una manifestacion o signar una peticion.
 
Al fons, la reforma de l'educacion cèrca de metre fin a l'estatut de foncionari e e de suprimir los dreches dels emplegats publics. Es un compliment de las privatizacions de granda escala del temps que los joves de la republica seràn, mai qu’educats, adomegits per servir las entrepresas e lo cabal. D’efièch, lo govèrn de Philippe, bailejat per Macron, a ja privatizat Pôle Emploi, qualques aeropòrts, la lotariá...
 
Es evident qu'una reforma aitala mena implicitament a la desaparicion completa de l'ensenhament de l'occitan, qu'a l'ora d'ara es dins una situacion de precarietat pietadosa.
 
E mentre qu'en tota Euròpa sèm las victimas d’un sistèma dins lo qual los ciutadans sèm pas que de consumeires, los eleits de l'economia contraròtlan la politica e la societat. Sembla que tot çò que poscam far, a l'ora d'ara, siá portar un gilet jaune e pregar per que las fòrças de l'ordre nos crèben pas un uèlh. E mentretant, fins al jorn que tombem lo sistèma educatiu de Jules Ferry, los parents que poiràn menar lors enfants a las calandretas, o a las escòlas d'Aran, auràn l'astre.

 
 
 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Black Blòc Joe
2.

Es evident qu'una refòrma aital mena implicitament a far disparéisser completament l'ensenhament de l'occitan, qu'a l'ora d'ara es dins una situacion de precarietat de las pietadosas. E mentre qu'en tota Euròpa sèm las victimas del sistèma capitalista ordo-liberal, dins lo qual los ciutadans sèm pas que de consumeires e de produsieres, o de vagamonds culpabilizats e mespresats, los eleits oligarquics efectius de l'economia contraròtlan la politica e la societat — sense jamai èsser pas estats elegits de ges de biais ; donc, la democracia es mòrta.

Sembla que tot çò que poscam far, a l'ora d'ara, siá portar un gilet jaune e pregar per que las fòrças de l'ordre nos crèben pas un uèlh, o portar la tengada negra illegala e crebar los uèlhs de la polagalha per la mercejar de sas atencions delicatas, çò que non permet pas gaire tanpauc de cambiar grand causa al problèma — o auretz probablament remarcat, sense qu'o vos diga…. Cap exutòri non càmbia pas lo mond.

E donc, plan vengut dins lo mond real de la dictatura ordo-liberala e sa societat de l'espectacle electoralista de façada, lo país meravelhós ont los paures non son jamai pro paures, ni pro sotmeses ni pro expleitats per de rics sempre tròp nombroses e pas jamai pro rics.

  • 4
  • 0
Papioli
1.

Es pas d'uei que l'escòla es au servici de las elitas economicas. Quand ai passat lo bac en 1968, s'ensenhava pas lo còde dau trabalh ni que chalia botar daus garde-fòus per empeschar l'economia de far çò que volia.
Z'auriatz cregut que los ensenhaires, que se crejan per una granda partida coma l'elita de la Nacion , siajan obligeats de davalar dins las charieras come de vulgaris gilets jaunes?
Mas, avem rason, lo temps de cambiament es vengut. Macron es de mens en mens popular. perd lo sosten daus policiers, daus militaris e perd lo sosten de l'oligarchia financiera que coneis de dificultats.

Fau veire lo temps que ven coma una bula de tots los possibles, la bona causa coma la meschanta. 700 ans de dominacion francesa au serviça d'una oligarchia es pron. Ausam credar nòstra occitanitat. Lo titi occitan sera feminin e credara tot simplament :" enfluuuurrraaaa...a" en far redolar los R e cantar los U, simbòl de nostra identitat.

  • 4
  • 2

Escriu un comentari sus aqueste article