editorial
Amazon e l’ipocrisia de las autoritats
Cada còp que, coma de bons ciutadans, desseparam las escobilhas e metèm una botelha dins son contenedor correspondent, sèm a tornar quicòm que nos vendràn tornarmai puèi. En mai d’aquò, amb aquel gèst sèm a acceptar que la pollucion de la planeta es nòstra responsabilitat. Los legeires pus vièlhs se recordaràn de l’epòca que las botelhas èran consignadas e que deviam portar las vuèjas a la botiga per ne prene de plenas. I aviá pas cap de consciéncia ecologica mas generàvem fòrça mens d’escobilhas. Pasmens, lo temps es passat e los successius govèrns de pertot se son renduts al capitalisme salvatge ont las societats d’embalatge an mai de poder que quin ministèri que siá. Lo resultat de tot aquò es qu’es totjorn que mai complicat de crompar quicòm que siá pas acompanhat de carton, de polistirèn e de plastic. E puèi, es nòstra responsabilitat de reciclar tot aquò, per qu’o nos tornen vendre.
En mai d’aquò, las successivas administracions que nos an immergits dins un sistèma de produccion e consum insostenibles an tanben desertificadas nòstras vilas fins al ponch que la majoritat d’occitans nos devèm desplaçar, mai que mai en veitura, als centres comercials de l’exterior per i far las crompas. Als centres de las vilas i a de mens en mens de fornariás, de pastissariás e de carnsaladariás. Totes aqueles locals son ara venguts de lotjaments de gents pauras, de botigas de tatoatges o de crompa d’aur. En agost de 2019, assabentàvem dins Jornalet de la desertificacion de nòstras vilas en nos focalizant sus l’exemple de Vilanuèva d’Òlt. Tanben raportèrem aquel problèma a prepaus d’un libre del jornalista Olivier Razemon publicat a la fin de 2016. Ara, las mesuras presas contra la crisi sanitària del coronavirus son a tuar definitivament lo petit comèrci local.
Davant tota aquesta situacion, nos sembla cinic que siá l’administracion responsabla de tota aquela situacion qu’entamene de campanhas contra Amazon. Quand quitaràn de li preparar un terren propici e que los petits comercis tornaràn als centres de las vilas, cromparem tornarmai al país, perque lo país vòl viure.
En mai d’aquò, las successivas administracions que nos an immergits dins un sistèma de produccion e consum insostenibles an tanben desertificadas nòstras vilas fins al ponch que la majoritat d’occitans nos devèm desplaçar, mai que mai en veitura, als centres comercials de l’exterior per i far las crompas. Als centres de las vilas i a de mens en mens de fornariás, de pastissariás e de carnsaladariás. Totes aqueles locals son ara venguts de lotjaments de gents pauras, de botigas de tatoatges o de crompa d’aur. En agost de 2019, assabentàvem dins Jornalet de la desertificacion de nòstras vilas en nos focalizant sus l’exemple de Vilanuèva d’Òlt. Tanben raportèrem aquel problèma a prepaus d’un libre del jornalista Olivier Razemon publicat a la fin de 2016. Ara, las mesuras presas contra la crisi sanitària del coronavirus son a tuar definitivament lo petit comèrci local.
Davant tota aquesta situacion, nos sembla cinic que siá l’administracion responsabla de tota aquela situacion qu’entamene de campanhas contra Amazon. Quand quitaràn de li preparar un terren propici e que los petits comercis tornaràn als centres de las vilas, cromparem tornarmai al país, perque lo país vòl viure.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Amazòne es lo patron (emb d'autras garandas entreprisas) daus estats e daus partis politics. Perque lo pòple a preferar trabalhar dins una granda entreprisa e laissatz de biais los petits?
Ieu prefere los discors de la Revolucion que monta. Un oficier de poliça dissident a dich : "Sem en dictatura" e a adreçat un messatge aus policiers en dire : "en tant que gendarme vòstre ròtle es de defendre la França e los frances pas d'obeir a una dictatura."
#2 Far de crompas al Carrefour, GiFi, Intermarché e Auchan es pièger que sus Amazon. Ieu ensagi de crompar totjorn als mercats e als productors locals. Cal que las vilas tornen aver totplen de botigas.
Un còp èra i aguèt una noblesa d'espasa, guerrejaira, que la remplacèt pauc a pauc una noblesa de rauba, amb de títols crompables de mai en mai bufècs. D'ara enlà sèm a assistir a la montada finala d'una noblesa d'afars. Non pas mai la d'una borgesiá sense chuc ni muc, d'escala locala, non. S'agís d'ara enlà d'una borgesiá fòra sòl. Una revolucion non basta mai per se'n desentravar, ja que per i capitar, lo caldriá èsser mondiala. Çò qu'enduram passivament o combatèm desesperadament es d'ara enlà una novèla aristocracia, que non a mai desir de se justificar. Son poder es salvatjament unilateral, e degun non i a pas res a ganhar. Mas cossí combatre quicòm qu'es pertot e enlòc a l'encòp ? L'arma soleta que vesi per lutar contra me sembla èsser la consciéncia activa dels faits socio-economics : jamai non comandi res subre Amazon. Qué far mai ?
De la part dels poders publics, se tracha de culpabilizar las gents e d'exonerar las grandas entrepresas de tota responsabilitat. Mentretant, d'autres se son ajustats al festin : las entrepresas que son sensadas eliminar los degalhs, que son a créisser de faiçon exponenciala, e que sabèm pas exactament çò qu'eliminan vertadièrament (veire l'enquèsta de "Que Choisir" d'aqueste mes).
Complicitat entre poders publics e grandas fortunas : es çò que se sona plotocracia.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari