Bandièra01 capçalera  1180x150: Novestivada

editorial

La complicitat de l’Union Europèa

Lo 18 de setembre passat, i aguèt una manifestacion nazi al centre de Madrid. Qualques centenats de manifestants, venguts de tot l’estat espanhòl se passegèron per las carrièras del quartièr de Chueca, epicentre del movement pels dreches del collectiu LGBT. Atal, amb lo braç alçat se cridava “Heil Hitler” e mai “gais, fòra de nòstres quartièrs” en emplegant lo mot pejoratiu espanhòl per sonar los gais, que de còps los nomenavan tanben “sidoses”. Tanben cridèron contra Greta Thunberg, que qualificavan de “mostre de la cara de mostre”, contra los migrants, los refugiats e qualques politicians d’esquèrra. La permissivitat de la polícia a provocat l’indignacion dins l’estat espanhòl, mai que mai après que la representanta del govèrn espanhòl a Madrid a justificat que la polícia dissolguèsse pas la manifestacion. “ La polícia servís per resòlver de problèmas, non pas per ne crear”, çò diguèt. E s’en luòc de nazis foguèsson de catalans que vòtan dins un referendum?
 
Fàcia a la polemica provocada, las autoritats espanhòlas ara vòlon adobar l’afar e lo ministèri public a dobèrt una enquista per delicte d’òdi. Per ara an decidit d’infligir una multa de 600 èuros als dos collectius qu’organizèron la manifestacion. De soslinhar que la lei espanhòla prevei d’emendas de fins a 30 000 èuros per aver ofensat Espanha, e qu’a 34 elegits e personalitats independentistas catalans lor an fach pagar una caucion de 5,42 milions d’èuros.
 
Los mèdias n’an pas gaire parlat, franc dels locals. Jornalet raportèt pas tanpauc l’afar, mas ne volèm parlar dins aqueste editorial pr’amor que cresèm qu’una manifestacion d’aquela mena es un problèma grèu non solament per l’estat espanhòl mas per tota l’Union Europèa. Nos esglàsia que las autoritats espanhòlas ajan autorizat e permés una manifestacion en favor d’una ideologia que presica l’extermini de las personas pel simple fach d’èsser josievas, esquerristas, ròms, migrants o omosexuals. Mas sustot nos esglàsia la permissivitat infinida de l’Union Europèa envèrs la barbariá de l’estat espanhòl.

 

 
fffff fffff
 P.S.: l’afar Puigdemont
 
Mentretant, dijòus, d’agents de la polícia italiana arrestavan Carles Puigdemont. En junh passat, lo Burèu de l’Avocat general de l’estat espanhòl diguèt a la Cort Generala de l’Union Europèa (CGUE) que lo mandat europèu d’arrèst contra el èra suspendut. Ara se ven de demostrar qu’èra faus. La CGUE ne demandèt la suspension mentre qu’estudiava cossí respondre a las questions del jutge espanhòl que perseguís Puigdemont. Dins los jorns avenidors aurem mai d’informacion sus aqueste afar, mas per ara sembla qu’es pas solament la justícia espanhòla qu’a perdut son prestigi e son crèdit, mas tanben l’executiu espanhòl. De veire se l’Union Europèa cluca totjorn los uèlhs.
 
   



abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Consoomer
5.

Per ieu, combatre lo faissisme e lo nazisme deu èsser la prioritat dels occitans e dels occitanistas, sabi que mon idèa va desrengar e destorbar mai d'unes, mas o cal dire e cal pas daissar los faissistas nos prene nòstres drechs e nòstra dignitat ! Mercé Jornalet de rendre aquel afar public e de nos informar sus lo peril brun

  • 1
  • 0
Cédric
4.

Aprèp manhacs (ou mes jolis si vous voulez (mais bon le/lo/eth nazisme es pas polit (e "pèca de pica es pas pecat pecaire... aprèp je tiens à vous rassurer una vagina es pas sempre polit tanpauc (enfin aquo depend subre qui tombèm (pr'amor cal fa la diferencia entre las vaginas provençalas (perdon "lei vaginei provençalei" (potons lo Colectiu provença) apuèi las vaginas gasconas (perdon "eras vagias gascoas" (potons cosin) aprèp ieu aimi mai las vaginas cedricianas (es a dire que quora as quicòm de dire, e ben zo podes dire cossi vòls (l'important es poder se fa comprene... aprèp es vertat que amb los amators de Lahita Areta e Lartiga (e totun es pas pèca de los aver prepausar de los entrevistat (e totun ai un nivèl bon en lenga nostra...aprèp i a nivèl bon e nivèl bon eh (es coma lo caçador bon e lo caçaire mal... "o lo contrari per bèl còp sabi pas tròp" per amor "qu'èi la vita e qu'èi atau" (non cousin pas lo vièch per contra)... "nos comprenèm pas tròp (enfin aquo depend si parli de blosetat raciala (per rire) aqui me van comprene...mas ieu serai pas segur de los comprene enfin coma o veni de dire "es la vita e qu'es atau/ansin/aital/entau/mascolhas (coma dison del caire de Biscarnolha la Pimba o de Viecholhac lo Lach

  • 5
  • 1
Mèfi! 31
3.

L'Union Europèa es una Union d'estats e non pas de pòbles, e non fai pas d'ingerència geopolitica, que cada estat tèn un problèma de sobeiranetat intèrna.
Amb aquò, Puigdemont en Espanha seria un empach pel govèrn en negociacion.
L'indulgència del govèrn decap al néo-nazisme es una forma d'indiferència inacceptabla.

  • 10
  • 0
Franc Bardòu
2.

Espanhòla, englesa, francesa, sarda, italiana, germanica, europèa o qué que siá mai, sempre a la borgesiá nauta li agradarà mai de s'aligar amb de rascladuras nazis, fascistas e franquistas, lèstas a bombardar Durango o Guernica, que non pas a riscqr de deure compartir un pauc de sas riquesas de mai en mai illegitimament amolonadas amb lo pòble… o, pièger encara, amb los pòbles ! O avèm ja plan vist un còp. Perqué se serián melhorar ? E cossí ?

  • 11
  • 0
pierre lachaud
1.

Lo vertadier fascisme es pas dins quauques manifestants que credan Heil Hitler. Es nonmas un amuse-colhon per quauques militants que se disan d'esquerra. Lo vertadier fascisme es dins la vaccinacion e las mesuras antidemocraticas per forçar tot lo monde a esser vaccinats. Au bot de la seringua i a un produch que l'òm sap pas tròp que conten coma au temps daus camps de concentracion. Emben la vaccinacion l'òm interdit tots los autres medicaments, tecnicas alternativas que porrian guarir.
A quauques oras de l'independença de la Novela Cladomnia l'òm vaccine de fòrça tot lo monde e l'òm interdit tot autre sistem de guarison!

  • 1
  • 26

Escriu un comentari sus aqueste article