CAPÇALERA2: Entèsta drecha, convergéncia occitana-fixa

Jornalet, gaseta occitana d'informacions

Dijòus, 18 de genièr

editorial

Dimenge, 7 de genièr de 2018, 03h00

L'Inquisicion espanhòla del sègle XXI


Comentaris 9 comentaris    
Marrit Flac Bon Plan bon Fabulós (10 vòtes)
carregant En cargar


L'Inquisicion se creèt en 1184 en Occitània per combatre los catars e justificar la colonizacion francesa d'una bona partida del país nòstre. Qualques sègles pus tard, en 1478, la reina Isabèl de Castelha creèt lo dich Tribunal del Sant Ofici de l’Inquisicion, sus suggestion de son confessor, lo prior de l'òrdre dels Domenicans Tomás de Torquemada. La tòca èra de combatre los mal nomenats "marranos", çò es los josieus e los musulmans convertits al catolicisme per obligacion estatala, mas qu'en secret contunhavan de practicar lors religions. Aquel tribunal de l’Inquisicion espanhòla menaçava e punissiá los ciutadans qu'obesissián pas a la doctrina del poder religiós e civil, e o fasiá amb de jutges nomenats dirèctament per l'estat. Los jutjaments se debanavan generalament amb de torturas fisicas e se forçava los acusats de confessar e reconéisser lors èrrors. Puèi, qualques unes podián tornar al "camin corrècte", del temps que d'autres èran dirèctament encarcerats o cremats sul lenhièr.
 
L'afar dels presonièrs politics catalans ramenta fòrça aquelas practicas inquisitorialas. D'un caire, lo govèrn espanhòl menaça totes los independentistas catalans, e s'es quitament dich que totes los qu'an participat a qualque manifestacion independentista pòdon èsser jutjats per rebellion. E de l'autre, vesèm de jutges nomenats pel poder politic prene de decisions ordenadas pel govèrn de l'estat.
 
De fach, en plen sègle XXI, avèm vist renàisser totas las practicas inquisitorialas. Dins los jutjaments se demanda als acusats s'accèptan la Constitucion espanhòla e s’accèptan l'aplicacion de l'article 155. E lor o fan reconéisser jos tota mena de pressions. De mèdias e de partits politics espanholistas promòvon constantament l'òdi devèrs Catalonha, de grops violents ultradrechistas agarrison lo pòble amb totala impunitat dins totes los Païses Catalans, e los politicians independentistas catalans son meses en preson preventivament, en tot esperar d'èsser jutjats. Tant los que son en preson coma los que son en libertat jos caucion son acusats de sedicion e rebellion e riscan una pena de fins a 30 ans de preson. Segon la lei espanhòla son tractats coma de terroristas e pòdon demorar en preson preventiva fins a 10 ans abans d'èsser jutjats, e tot aquò solament per aver defendut pacificament d'idèas politicas que contravenon a la Constitucion espanhòla, una Constitucion que lo partit qu'ara es al govèrn de l'estat refusèt al moment de son aprovacion.
 
Un dels quatre independentistas catalans que rèstan en preson es lo vicepresident de la Generalitat de Catalonha, Oriol Junqueras. El, après èsser reelegit a las eleccions regionalas del 21 de decembre passat, convocadas excepcionalament pel poder de l'estat, demandèt, una revision de sa preson preventiva, per poder exercir son cargue public. Dijòus passat, foguèt entendut pels jutges de la Cort suprèma espanhòla e se declarèt un òme de patz que respectava la lei. Mas los tres jutges decidiguèron a l'unanimitat de lo manténer en preson. L'acusan de defendre publicament l'independéncia e lo drech de vòte. Dins lor rasonament, los tres jutges an acusat Junqueras d’èsser responsable de la violéncia de l'estat contra los catalans en tot justificar las violéncias policièras del 1r d'octòbre passat contra lo mond que volián votar.
 
Aquò passa totas las òscas possiblas. D'un latz, l'estat espanhòl respond amb violéncia a la question independentista catalana, e de l'autre la justícia espanhòla atribuís aquela violéncia al vicepresident de la Generalitat de Catalonha. Es delirant, es escandalós.



abonar los amics de Jornalet



publicitat



Comentaris

9 de genièr 10.21h

#4 E ben aquela, empèga, tè ! Los Josièus son responsables dels camps de la mòrt ? Los Palestinians son responsables del secutiment qu'exercís l'estat integrista israelian ? Los catars son responsables dels brutladors qu'abrandèt la santa puta inquisicion ? Donc, se vòli préner tot çò tieu per ne jausir a ta plaça, me basta de te maselar a còps de destral, per o te préner tot, e tu, ma victima, ne seràs responsabla ? Caucanha ! Ont ai fotut lo flingue ? M'en vau far las crompas... Legir mai


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

8 de genièr 21.36h

Es evidentament escandalòs, mès es possible perque l'opinion generala espanhòla o accepta o sosten.
Consi s'explica aquò? S'agís d'indignacion o d'escandalizacion selectiva, se non que d'òdi simple, e cal luitar contra l'incoerencia de las consciéncias e le racisme.
En defòra d'Espanha, cal menar una campanha d'escandalizacion tanben.


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

8 de genièr 20.35h

lo que passa als vehins afecta directa o indirectament a tothom.


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

8 de genièr 10.31h

interessant.

pasmens perdon si me tòrni díder, mès lo problèma de passar lo temps a parlar deus vesins, es qu'end'evocar Occitània los mediàs occitans deishan la plaça a aquera mena d'analisis :
https://www.youtube.com/watch?v=TP7wQeJmM7M

a quand un Jornalet ende bastir Occitània, e pas ende satis·héser sons redactors dens sas passions particularas ?


Valoriza aqueste comentari:   votar positiu 5   votar negatiu 14
Respondre comentari replica Comentari inadeqüat   Formulari d'abús de comentari

7 de genièr 22.42h

Son els los jutges, los responsables de la violéncia que finirà per arribar... Mas es pas la tòca de Madrid? Se trobar l'occasion de dintrar d'a fons dins l' Inquisicion... Los vièlhs imperialismes tenon un molon d'enganas per mestrejar los pòbles que volontan la libertat.


Valoriza aqueste comentari:   votar positiu 11   votar negatiu 0
Respondre comentari replica Comentari inadeqüat   Formulari d'abús de comentari

7 de genièr 20.00h

les victimes son les responsables de la violéncia.


Valoriza aqueste comentari:   votar positiu 0   votar negatiu 6
Respondre comentari replica Comentari inadeqüat   Formulari d'abús de comentari

7 de genièr 12.02h

Lo franquisme, adara l'inquisicion, banlèu la colonizacion de las Americas? Qu'èm au sècle XXI b'ei temps de deishar los anachronismes e d'analizar l'arrepression espanhòla dab lo son contexte vertadèr non ? Aqueths esbariments istorics b'an aflaquit lo sostien estrangèr a Catalonha, arrés ne creit qu'Espanha e sii ua dictatura o la man d'ua inquisicion navèra. E'vs esmaginatz lo quite Puigdemont tractar Espanha d'inquisicion? E l'atz déjà entenut a dìser que Rajoy ei Franco? Nani p... Legir mai


Valoriza aqueste comentari:   votar positiu 10   votar negatiu 6
Respondre comentari replica Comentari inadeqüat   Formulari d'abús de comentari

7 de genièr 10.37h

"avèm vist renàisser totas las practicas inquisitorialas", non, pas encara totas! Junqueras es pas encara estat estirat, tustat, flagelat, bastonat ni cremat en plaça publica. Lo PP a encara de ressorças!


Valoriza aqueste comentari:   votar positiu 15   votar negatiu 0
Respondre comentari replica Comentari inadeqüat   Formulari d'abús de comentari

7 de genièr 08.43h

Dau moment que l'inquisicion siaja una pratica espanhòla e pas francesa, l'òm pòd durmir tranquile.

Segur en Franca i a pas enguera de tribunaus inquisitòris mas renha la democracia e lo respect dau pòple, daus regionalisme e de la reconaisença de las lengas non oficialas.


Valoriza aqueste comentari:   votar positiu 4   votar negatiu 3
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

giny

Lo temps

Mapa
  • nuvols Agen
  • nuvols_parcials Aush 13 8
  • nuvols Bordèu 12 7
  • sol Briançon 2 -3
  • nuvols Caors 9 3
  • nuvols Carcassona 12 6
  • nuvols Clarmont-Ferrand 9 4
  • sol Confolent 9 4
  • sol Gap 9 3
  • nuvols La Canau 13 11
  • sol La Gàrdia 9 4
  • sol La Torre de Pèlitz 9 5
  • sol Limòtges 9 4
  • sol Lo Borg Sant Dalmatz 10 3
  • nuvols Lo Puèi de Velai 7 3
  • sol Marselha 14 6
  • sol Montpelhièr 13 11
  • sol Naut Aran 11 3
  • sol Niça 3 -2
  • sol Nimes 13 9
  • nuvols_parcials Pau 12 8
  • sol Peireguers 13 9
  • nuvols Rodés 8 6
  • sol Tolon 11 7
  • nuvols_parcials Tolosa 13 9
  • nuvols Valença 9 5

giny

giny

publicitat

lateral 2 teveoc

Entrevista

publicitat




publicitat

LATERAL2 330x60: Casteth Paums

Fotografias

  • © Laurenç Revèst

    Ua comua de la valaia dai Palhons: L'Escarea, gents de cadea

  • © Laurenç Revèst

    Menton, 'a vivaroalpenca maritima

  • Exposicion temporària sus Robèrt Lafont al CIRDOC (D.R.)

  • Gavotina marítima: trofèu d'August e vila vielha d'A Torbia

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Aure Séguier

    Carnaval Biarnés 2017

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Celèsta Toion

    La plaja espaci de libertat? D'expression?

  • © Iñaki Delaurens

    Val d'Aran

  • © Aure Séguier

    Carnaval Biarnés 2017

  • © Laurenç Revèst

    En Cevènas sus lo camin entre La Mialosa e Sant Esteve Valfrancesca

  • Estanh de Vacivèr. © Xavi Gutiérrez Riu

    Val d'Aran

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

  • Linhas puras pegadas sus rovilha cremanta

    Meissonencas en Camarga pichòta

  • © Aure Séguier

    Carnaval Biarnés 2017

  • © Franc Bardòu

    Asuèlhs de Lauragués

  • Niça vièlha en occitan niçard. © LR

    Niça vièlha en occitan niçard

  • Coserans: Sent Líser, Casavèth, Sent Guironç, Saurat...

  • © Laurenç Revèst

    Dau castèu de Grimaud

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

giny

Vidèos

Las mai...

publicitat

LATERAL2 300x250: Cultura Conselh Aran

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny

giny


Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)