CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimècres, 16 d'octòbre

Entrevistas

Dimenge, 24 de març de 2019, 03h00

“En musica l’occitan es clarament valorizat, e gaireben un argument comercial”

Florant Mercadier professor d’occitan, musician e contaire
Comentaris 4 comentaris    
Marrit Flac Bon Plan bon Fabulós (11 vòtes)
carregant En cargar


Nascut en Roergue, al sen d’una familha occitanista militanta, Florant Mercadièr popèt pas solament la lenga al brèç, mas tanben los contes e las danças del país. Es contaire, musician e professor, ras e cort “rabalaire professional”, çò ditz.
 
Mercadièr comencèt son mestièr de contaire quand aviá 20 ans. A l’ora d’ara vira quatre espectacles:
 
— ”Contes del país d’enlòc”, pels enfants;
— ”Contes del Placard”, per tot public, un espectacle que mescla contes e racontes sus sos grands parents e que n’a publicat un DVD;
— ”Contes entre doas aigas”, per tot public, es un viatge al travèrs d’Occitània en seguissent Garona;
—”L’Occitània pels Nuls”, per tot public, es son novèl espectacle que conta la granda e la pichona istòria d’Occitània.
 
Quant a la musica, Mercadièr es guitarrista e cabretaire del grop Stille Volk e es cantador del grop Eydolon. Aviá collaborat fòrça amb Guilhèm López dins un grop sonat Los d’enlòc, e encara escriu de paraulas e de melodias per sos projèctes.
 
Laurenç Revèst parlèt amb el per Jornalet.



Coma nasquèt l’interès per l’occitan?
 

« Puslèu que d’amagar l’occitan, de se fondre dins la massa, l’ai mes endavant, en bon cap d’ase que soi »

Soi nascut dins l’occitan. Es quitament ma lenga primièra. La causa se faguèt naturalament. Lo militantisme m’es vengut probable a l’adolescéncia; me trapèri dins un collègi ont se trufavan de ieu per aquò, per jogar de cabreta, etc... E puslèu que de l’amagar, de se fondre dins la massa, l’ai mes endavant, en bon cap d’ase que soi.
 
 
Qu’avètz començat de far?
 
Contavi un pauc a l’adolescéncia mas subretot, a 16 ans, m’impliquèri a Ràdio Occitània, a Tolosa. Faguèri una emission de ràdio pendent d’annadas. Me manca, mas ai pas brica lo temps, ara.
 
 
Viure pas que de l’occitan es possible?
 

« Soi professor en occitan, cantador en occitan, contaire en occitan e foguèri quitament guida de musèu en occitan »

Òc, personalament, o ai totjorn fach. Quitament mos pichons mestièrs quand èri estudiant, èran ligats a l’occitan. Soi professor en occitan, cantador en occitan, contaire en occitan e foguèri quitament guida de musèu en occitan. Doncas, òc, clarament, es possible.
 
 
Coma se passan la recepcion, los ressons?
 
Amb lo conte, clarament, lo primièr reflèxe del mond es de se malfisar de l’occitan, de se dire “Anam pas res comprene, serà un daquòs pels vièlhs”. Mas i arribam, e mai es una fiertat d’i arribar.
 
En musica per contra, dins los mitans ont evoluisson Stille Volk e Eydolon, es tot lo contrari: l’occitan es clarament valorizat, e gaireben un argument comercial.
 
 
A cambiat l’image qu’an lo mond —adultes, enfants— de vos, e de l’occitan tanben?
 

« En vila i a globalament un agach negatiu sus l’occitan. A la campanha, per contra, tròbi que las causas se melhoran, que la vergonha comença de partir »

Cresi que depend ont. En vila, non, i a globalament un agach negatiu sus l’occitan. A la campanha, per contra, tròbi que las causas se melhoran, que la vergonha comença de partir.
 
 
Avètz de projèctes autres en defòra?
 
Jògui dins un grop de folk/blues que s’apèla Sweet Surrender.
 
 
Cossí se passa la transmission, la visibilitat, la valorizacion e l’utilitat sociala de l’occitan dins vòstre caire?
 

« Parli l’occitan a mos enfants. Lor maire l’a doncas aprés tanben, a dicha, en immersion »

Parli l’occitan a mos enfants. Lor maire l’a doncas aprés tanben, a dicha, en immersion. Dins mon caire, l’occitan es puslèu valorizat (la seccion bilingua de Matabuòu a bona reputacion dins lo barri) e los melenchonistas jacobinasses deurián venir veire la mixitat sociala e etnica que i a dins aquelas classas. Çò qu’es clarament positiu.
 
 
Cossí vesètz vòstra evolucion dins lo mitan occitanista? E l’entorn occitan, cossí s’endeven per vos, en Occitània tot en general e dins vòstra region en particular?
 
Per èsser onèst, fau las causas de mon costat e soi pas implicat dins lo militantisme associatiu. Foguèri benevòl pendent 15 ans a l’Estivada de Rodés e sabi que soi pas fach pel trabalh de còla. Doncas, ajudi pontualament tala o tala accion, fau mos espectacles mas sabi qu’ai pas la disciplina e lo sens del compromés del militantisme associatiu.
 
 
 
 
 


abonar los amics de Jornalet
 



publicitat
BANER1-2-3: DGPL TRADUCTOR



Comentaris

25 de març 01.18h

#1 Ça'm par qu'eth "showbizÒc" se porta plan ! e que rapòrta tanben !
Se serià, auer en dia, eth Occitan ua lenga mès cantada que parlada ????
Sustot quan, malurosament, baishadis deth empont, tròp d'aguestis cantaires occitans se parlen sonque francés enter eris !!!
Sabi pro que non son totis atau, totun....
Que me demòri punts arrois aquiu baish, non hè tostemps plasèr de dider eras vertats !!!!!!


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

24 de març 23.34h

Cresi que sortiguet al programa en Occitan de FR3, un brave tipe actiu que mestreja la música, lo teatre, los dialegs explicatius en la lengo nostro. Amb una paraula un jove molt espabilat.


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

24 de març 10.36h

Arribar a trabalhar en utilisant la lenga d'òc es una chança ; malurosament los qu'ec hèsen trabàlhan dens lo mitan occitanista. Seré interessant qu'un jorn poscússin hèser n'impòrta quau mestèir en parlant occitan.


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

24 de març 09.02h

Dens lo demiei occitanista, qu'avem malurosament tendéncia a subervalorizar los grops/cantadors qui cantan dens la lenga. Sovent, ne son pas terribles, e sostienuts sonque per cantar en occitan. La lenga non deveré pas estar un critèri artistic. A còp, aqueths grops/cantadors que's pensan arribats quan aurén totun tribalh tà melhorà's! A la pagèra nacionau, la màger part que serén en tresau o quatau division! Mes que viran totun suus emponts deus nostes hestaus, presentats com vedeta... Legir mai


Valoriza aqueste comentari:   votar positiu 7   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 15
  • sol Aush 15
  • sol Bordèu 16
  • sol Briançon 10
  • sol Caors 12
  • sol Carcassona 14
  • sol Clarmont-Ferrand 14
  • sol Confolent 13
  • sol Gap 7
  • sol La Canau 16
  • sol La Gàrdia 18
  • sol Limòtges 14
  • sol Lo Borg Sant Dalmatz 14
  • sol Lo Puèi de Velai 14
  • sol Marselha 16
  • sol Montpelhièr 15
  • sol Naut Aran 12
  • sol Niça 15
  • sol Nimes 15
  • sol Pau 16
  • sol Peireguers 14
  • sol Rodés 16
  • sol Tolon 15
  • sol Tolosa 15
  • sol Valença 12

giny

giny

Vidèos

giny

giny

giny

publicitat

lateral 2 teveoc

Fotografias

  • © Zep Armentano

    Era Mongetada (Val d'Aran 28-29 d'octobre 2017)

  • Rocavion (Val Ges). © Cristòu Daurore

    Rocavion (Val Ges)

  • © Laurenç Revèst

    Menton, 'a vivaroalpenca maritima

  • © Laurenç Revèst

    Menton, 'a vivaroalpenca maritima

  • Valadas. © Xavi Gutiérrez Riu

    Valadas

  • Niça vièlha en occitan niçard. © LR

    Niça vièlha en occitan niçard

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • © Asalaís Moniguet

    Montpelhièr la lengadociana

  • © Aure Séguier

    Carnaval Biarnés 2017

  • Niça vièlha en occitan niçard. © LR

    Niça vièlha en occitan niçard

  • Julien Cazenave

    17.02.2019: manifestacion a Brussèlas en sosten als independentistas catalans

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Gavotina marítima: trofèu d'August e vila vielha d'A Torbia

  • © Franc Bardòu

    Coserans al còr

  • © Laurenç Revèst

    Las Cevènas, Barjac en Val de Cese

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Laurenç Revèst

    Val de la Tiniá

  • © Julien Cazenave

    12.02.2019: manifestacion a Brussèlas per la libertat presonièrs politics catalans jutjats a Madrid

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)