Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautTolosan

Tolosa: qui son los joves de Generacion Identitària

Un reportatge de 100% Radio analisa qui son los membres del grop xenofòb dins la Ciutat Mondina

| 100% Radio

Tèxte legit

Los activistas de l’ultradrecha son a créisser pertot en Occitània, mai que mai a Tolosa, ont trobam de mai en mai de pegasolets e d’afichas islamofòbas, xenofòbas e antimigrants. Lo grop faissista Generacion Identitària compren a Tolosa una trentena de militants, tots de joves, e son d’entraïnaires esportius, d’estudiants o d’èx-militars. Un reportatge de 100% Radio analisa qui son los membres del grop faissista dins la Ciutat Mondina.
 
Ultranacionalistas franceses e pròcultura europèa, son opausats al multiculturalisme e totes an en comun lor refús de la religion musulmana e dels estrangièrs. “Sèm pas racistas, volèm promòure l’identitat e la cultura europèas. Doncas defendèm los europèus”, çò ditz un militant a las ondas de 100% Radio. D’autres explican que se son engatjats en vesent “l’inseguretat e l’immigracion massissa” o en rescontrant d’autres militants.
 
La majoritat dels militants identitaris seguisson de formacions intellectualas e esportivas, mai que mai d’autodefensa, e veson la violéncia politica coma quicòm de normal. “I a pas cap de violéncia. Fasèm pas que nos defendre. Cercam pas la bagarra mas la crenhèm pas”, çò dison cadun son torn.
 
Un d’eles participèt en abril passat a l’ensag de blocar la rota del còl de l’Eschala (Briançonés) per contrarotlar la frontièra politica que travèrsa Occitània entre lo Daufinat e las Valadas. Aquí, Generacion Identitària revendiquèt “l’arrèst de l’immigracion massissa e lo blocatge definitiu del passatge de la frontièra” entre Briançonés e la Val d’Ors.
 
Al nivèl nacional son actius a Tolosa, Montpelhièr e Niça. Al nivèl estatal tanben se tròban fòrça actius a Lion e Lille.
 
Escotatz lo reportatge en francés de Brice Vidal per 100% Radio sus aqueste ligam o ben sus l’àudio çai jonch.
 
 


abonar los amics de Jornalet
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Lo raiòu Cevenas
31.

#30 Mossur o Madama. vos envite de legir tornar mos comentaris 25 e 29. Francament, se l'i avètz vist passar ce que disètz, vos chau consultar un ortoptista.
En mai d'aquò, se avètz comprés ce que me prestatz per pensada, vos chau repassar vòstres metòdes de lectura e d'analisi amai faire un esamen de conciença.
Que, afortir ce qu'afortissètz es lo contrari de ce que siái e de ce qu'ai dich.

Ara que vos sètz fach jutge diussenc dau diablatàs que siái ieu, vos sentètz mièlhs ?
Se vos sentètz mièlhs, aquò significa que l'estapa seguenta per vos es... lo sicològa. Encapat ?

I a francament de desvariats e de sectaris dinc l'occitanisma. Aquò m'esglàia. Emb de reaccions parièiras, ne'n faretz venir de monde vèrs vautres. Mès participaretz pas a una realizacion amaisada dau viure ensems.
Aquò's vòstra responsabilitat d'adulte concient. Non pas la miuna.

  • 4
  • 11
Occitània 70
30.

#29 Car Raioù, puslèu que de contunhar a faire lo candide per esperit de contradiccion en disent "un quart d'ora per Hitler, un quart d'ora pels josius , perqu'aprèp tot i-a de bon a préne de cada costat" (!!!), seria urgentissim de tornar als fondamentals de l'occitanituda tals qu' enonciats pel #28 : son pas los negres, los arabis o los josius qu'an tuat l'òc e envasit Occitània, es França. Alara defòra los identitàris franceses d'ont que siaguen, amb lor Marseillaise, lor Paris e lor Jeanne d'Arc de mèrda. Capito ?

  • 29
  • 4
Lo raiòu Cevenas
29.

#28
1) Parlatz de l'identitat d'òc (o occitana), identitat que finalament pauc de monde se l'i conéisson dedinc a l'ora d'ara. Sèm d'acòrdi ? Lo monde se sénton mai de lur vila o vilatge, de lur quartièr emb de la region que li es restacada (Cevenas, Provença, Camarga, Lengadòc, eca). Dinc un segond temps, se sénton francés o occitans. Es sovent coma aquò qu'aquò se passa dinc la societat "francesa".

2) Quò fai que los traïdors que ponchejatz dau det son puslèu de monde de la conciença aflapida o ben de monde enconcients de lur identitat vernaculària. Per la simpla rason que, au mai es absent lo liam afectiu emb de la lenga e la cultura dau País a flor e mesura qu'avançem dinc lo temps, au mai lo monde van automaticament vèrs l'identitat pus presenta dinc lur vida de chasca jorn, l'identitat dominanta, remplaçanta : aquò's un fenomèna mecanica.

3) De segur qu'aquò d'aquí es la consequença de l'arrèst de la trasmission lenguistica d'Òc e de la trasformacion, tot lo lòng de l'epòca endustriala e contemporana, de nòstras identitats comunautàrias ruralas en alienacion collectiva ciutadina ; elas-mèmas consequenças de la politica menada après la famosa... "Revolucion Francesa" seguida de l'endustrializacion de França, de la creacion de las bancas vèrs 1820 ; pièi de l'Empèri, pièi de l'escòla de la 3ena Republica, pièi de l'esòdi rurau, pièi de 14-18 e de la mecanizacion de l'agricultura après 45. Una politica contunha d'avaliment de las comunautats e de lur identitat au profièch de l'argent-rei, de l'esplechament de l'òme de per l'òme, de la sobreproduccion, de la massificacion-endividualizacion de la societat per mai de consomacion.

4) Es per totas aquelas rasons que, d'après ieu, bien d'electors votent a drecha o venguts a l'estrèma-drecha (parle pas dals nazis nimai dals nacionalistas enfuocats o dals racistas, atencion !) son pas de traïdors mès son :
- de monde que revendícon l'identitat qu'an mai costejat dinc lur vida ;
- de monde que revendícon l'identitat (relaiada e recuperada per los politicians manipulaires, o save ben) que mai ressòna emb de la vision dau monde que se son fachs eles ;
- de monde luènts de desirar un retorn au nazisma o au faissisma ;
- de monde que vòlon servar lurs marcaires identitaris e lur biais de viure, a l'ora que d'autres se fan de mai en mai revendicatius d'una identitat culturala e cutuala pas totjorn lumenosa.

5) Tot aquò es un constat, non pas una faula. Amai siágon manipulaires los politicians, empacharetz pas lo monde de constatar un chanjament societau, culturau que los esglàia. Se los politicians recupèron la sensibilitat ciutadana per enfachinar la societat, aquela d'aquí es pas tant nècia qu'aquò : i a pro de monde bien plaçats per temoniar de lur viugut e de certanas evolucions ecessivas non desirablas.

6) Concluse : coma que viretz las causas, Occitania es un concèpte que parla pas a la majoritat de la populacion (marrida metodologia emplegada despièi de decenias, entre autras rasons).
Per quant au mespretz de la paraula de l'Autre, vau refortiment automatica de la dissidença. Adonc i aurà besonh d'esfòrç d'escota e de pedagogia en cò de las doas sensibilitats politicas de França, per endevenir las esigenças dals dos costats. Autrament, un jorn, risquem de bien plorar, amai s'espère de me trompar.

  • 4
  • 0
Patriota Occitan e sustot pas francès !
28.

#22 Soi pas odios, m'engani pas d'ennemic. Ésser de Tolosa en Occitània e s'identificar a
I'ideologia identitària francèsa es ésser un afrancesat, un traïdor, un kollabo. Vaqui pel caire nacionalism francès dels identitàris. Pel caire racism qu'es la segonda compausanta de l'ideologia identitària afortissi tornamai aquela evidencia : son pas los negres, los arabis o los josius qu'an tuat l'oc e envasit Occitània, es França. E la glorificar a Tolosa es lo colonizat occitan que glorifica son colonizator frances. Ieu m'engani pas d'ennemic.

  • 23
  • 2
Ròsa Luxemborg
27.

La majoritat dels militants identitaris seguisson de formacions intellectualas ? Ieu, ai mailèu l'impression que seguisson un formatage, encloscatge ideologic… En qué serián d'intellectuals, aqueles mariòls ?

  • 20
  • 4

Escriu un comentari sus aqueste article