Bandièra01 1180x150: Comuna de Tolosa

Actualitats

La multa contra Monsanto tomba la quòta en borsa de Bayer

Bayer crompèt Monsanto en junh passat e ensaja uèi de metre fin al marrit imatge d’aquela marca

| Conan
La quòta en borsa de la societat farmaceutica Bayer es tombada gaireben del 15% après la condemna istorica contra Monsato pel glifosfat.
 
Un tribunal de Califòrnia a condemnat Monsanto a pagar 289 milions de dolars a Dewayne Johnson, un jardinièr que denoncièt la societat agroquimica en acusant l’erbicida glifosfat de son cancèr terminal.
 
Ara Bayer a anonciat que pausarà un recors contra la senténcia, car considèran qu’es pas demostrada una relacion dirècta entre lor produch e la malautiá de Dewayne Johnson.
 
La societat alemanda se tròba al nivèl pus bas de sa quòta en borsa dempuèi 2013.
 
Bayer crompèt en junh passat la societat agroquimica Monsanto, e dempuèi alara cèrca d’escafar lo marrit imatge d’aquela marca. D’efièch, a quitament anonciat que daissarà pauques produches amb lor nom original e que la marca corporativa Monsanto desapareisserà.
 
Quant als efièches del glifosfat, los diferents rapòrts scientifics arriban a de conclusions contradictòrias. Per ara, l’Union Europèa n’a autorizat l’emplec fins en 2022.

 




abonar los amics de Jornalet

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
5.

A veure si els tomben a tots, ens han enverinat el Planeta.
Visca la Terra...Lliure!
L'Ernest, "El Tàrrega".

  • 0
  • 0
Mèfi ! 31
4.

Bayer vòl trasfèrer la marca dins un clòsc vuèit/vuèch...

  • 0
  • 0
Jan l’Aisit
3.

TDF : TOUMBA v. n. et a. Tomber, choir […] Toumba au sou, tomber à terre; toumba de cap, detèsto, tomber la tête la première; toumba d'aboucoun, de mourre, tomber sur la face; toumba d'esquino, de coupet, de revès, tomber à la renverse…
‘To drop’ en anglés pòt estar intransitiu tanben, coma dins la frasa “Bayer shares drop after Monsanto loses Roundup cancer trial.”

  • 0
  • 0
Ròdrigo Bigòrra
2.

Adixatz , a nosta arris non va comprener aqueth mot ( multa) que disem mes d'àvit esmenda , penhera , verbau !

  • 5
  • 0
Mèfi ! 31
1.

TOMBAR, coma vèrbe transitiu. Parièr que "to drop" en anglés
- tombar = accion (volentària): tombar la vèsta, un arbre,...
- * tombar = consequència: la multa *tomba la quòta

=> la multa fai caire / càser la quòta
ò provòca la bàssia/causa...

  • 4
  • 0

Escriu un comentari sus aqueste article