CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 15 de setembre

Actualitats

Dijòus, 25 d'octòbre de 2018, 03h00 Escòla,Internacional,Lenga,Politica

Catalonha: l’arabi e lo chinés dins l’educacion segondària

Lo nòu modèl lingüistic del sistèma educatiu catalan vòl profechar de la multiculturalitat presenta dins los establiments d’ensenhament, e cercariá de refortir lo ròtle de coesion del catalan, e de l’occitan en Aran


Comentaris 7 comentaris    
Marrit Flac Bon Plan bon Fabulós (5 vòtes)
carregant En cargar


Lo govèrn de la Generalitat de Catalonha prepausa un nòu modèl lingüistic dins lo sistèma educatiu catalan. Amb la tòca de far lo catalan lenga de coësion sociala, se presentèt dimars un nòu model educatiu plurilingüe ont de lengas coma l’arabi e lo chinés seràn facultativas dins l’ensenhament segondari.
 
Segon los responsables de la Generalitat, après 40 ans d’educacion immersiva en catalan, ara l’enjòc es de porgir un modèl de plurilingüisme, en prepausant als centres d’educacion segondària de critèris e d’orientacions per ensenhar las lengas de biais integrat amb los contenguts. Se vòl atal plaçar la lenga al centre del procès d’aprendissatge. Las tòcas son tres: que lo catalan siá lenga de referéncia e agisca coma element de coësion sociala, que se garentisca lo domeni de l’espanhòl e que s’assegure l’aprendissatge d’una o doas lengas estrangièras.
 
Mas un dels cambiaments pus importants es que la proposicion se basa sus l’interculturalitat e vòl favorir la coneissença d’autras lengas per aprigondir la coneissença de maitas culturas. Lo projècte remarca que dins las escòlas catalanas i a dos cents lengas e de culturas desparièras e que los ensenhaires pòdon profiechar d’aquela riquesa en la rendent pus presenta dins las salas d’estudi. Per aquela rason un dels cambiaments anonciats pus importants serà que s’i comprendrà l’arabi e lo chinés coma segondas lengas estrangièras possiblas. Totun, cal remarcar l’abséncia de l’amazigh, qu’es ça que la lenga mairala de fòrça catalans originaris de l’Africa del Nòrd, mai berberofòns qu’arabofòns.
 
A respècte de la lenga nòstra, lo document precisa que totas las referéncias que lo document fa a la lenga catalana s’aplicaràn a l’occitan dins lo cas de la Val d’Aran.
 
 
De contradiccions dins lo projècte?
 
Pasmens, dins una twitterejada, l’èx-deputada aranesa e occitanista Mireia Boia a remarcat una contradiccion dins un paragraf: "En fòrça entorns, lo castelhan es la lenga majoritària dels escolans del centre educatiu e a una preséncia sociala fòrça nauta. Dins aquela situacion, lo castelhan se deu ensenhar coma lenga primièra dels escolans, puèi que la portaràn d’en cò sieu e de l’entorn". Aquò se poiriá d’efièch interpretar coma la volontat de refortir l’espanhòl, e doncas de riscar d’afeblir lo catalan en Catalonha e l’aranés en Aran. "S’aquò es verai, en Aran significa l’assassinat de l’occitan", çò comenta la politiciana occitana de la CUP.
 



 
 
Chepic sul caractèr veïcular del catalan

Enfin, l’organizacion de defensa e promocion del catalan, Plataforma per la Llengua, a exprimit, segon La República, son chepic sul caractèr veïcular de la lenga catalana, en demandant una reünion d’urgéncia amb lo ministre catalan de l’ensenhament, Josep Bargalló. Los centres educatius aurián d’efièch de definir solets de percentatges divèrses de catalan, d’espanhòl e de lengas estrangièras coma lengas veïcularas en foncion de lors realitats sociolingüisticas pròprias.
 
 


abonar los amics de Jornalet
 



publicitat
BANER1-2-3: DGPL AN LAFONT



Comentaris

29 d'octòbre 17.41h

A Aràbia i Xina aprendran el Català? No vull ésser racista, però perquè no s'aprend també el Occità, el Basc o el Gaèlic.
Es mes legítim i no es degut a les circunstàncies.
No se a que donen prioritat, però això arreglarà res?
Visca la Terra...lliure!
L'Ernest, "El Tàrrega".


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

28 d'octòbre 10.28h

Semblariá qu’es Marròc que paga (per l’arabi), de mercé d’acòrdis amb lo govèrn espanhòl.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

27 d'octòbre 22.38h

Coma que viretz las causas, podètz apréner tota lenga autra que lo francés (veïcule contemporan de comunicacion dinc l'Esagòne), es a dire l'anglés, lo chinés o l'occitan, se i a pas lo banh lenguistica e lo supòrt d'una societat locutritz d'una d'aquestas lengas, aquò vos servirà pas de res dinc la vida. Dètz a vint après, la maja part dals apreneires avèm per sovenença una frasa o doas en boca per faire lo fin a taula o ben despatolhar un torista.
Sèm mai d'un qu'o avèm agut e... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

25 d'octòbre 13.22h

E lo klingon, lo dothraki e lo na’vi? Grands doblidats


Valoriza aqueste comentari:   votar positiu 7   votar negatiu 7
Respondre comentari replica Comentari inadeqüat   Formulari d'abús de comentari

25 d'octòbre 12.34h

Totalament d'acordi amb na Mireia Boia. Que i cal apondre que e tanben la mort del catalan.


Valoriza aqueste comentari:   votar positiu 11   votar negatiu 0
Respondre comentari replica Comentari inadeqüat   Formulari d'abús de comentari

25 d'octòbre 09.34h

A de que aprener una lenga que jamai te servira? Perque pas aprener lo portugues, l'italian, lo còrs, lo russe, l'alemand mai tanben las lengas ancienas coma lo sumerian, l'egipcian e tant d'autras lengas que los archeologues an besonh?
Non, l'òm pòd pas tot aprener a l'escòla. Chau chausir. Pus leu que d'aprener una lenga a mon idéia voldria mielhs aprener la civilisacion de tots los pais e l'istòria de las lengas. Si lòm vòl aprener una lenga etrangiera fau de las escòlas a part. Q... Legir mai


Valoriza aqueste comentari:   votar positiu 5   votar negatiu 9
Respondre comentari replica Comentari inadeqüat   Formulari d'abús de comentari

25 d'octòbre 07.47h

Coma aquest' article o presenta, sembla qu' aqueste dispositiu siá una recuolada de cara al dispositiu actual.

Dins lo Principat ( e dins tots los paîses calalans) cal una prioritat efectiva al catalan (e a l'occitan)!

Fisança totala a la plataforma per la llengua.

NI UN PAS ENRERE

CATALUNYA LLIURE


Valoriza aqueste comentari:   votar positiu 12   votar negatiu 1
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL DICTADES

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 31
  • sol Aush 31
  • sol Bordèu 32
  • sol Briançon 24
  • sol Caors 32
  • sol Carcassona 27
  • sol Clarmont-Ferrand 32
  • sol Confolent 31
  • sol Gap 22
  • sol La Canau 32
  • sol La Gàrdia 29
  • sol Limòtges 31
  • sol Lo Borg Sant Dalmatz 25
  • sol Lo Puèi de Velai 30
  • sol Marselha 29
  • sol Montpelhièr 28
  • sol Naut Aran 27
  • sol Niça 26
  • sol Nimes 31
  • sol Pau 29
  • sol Peireguers 32
  • sol Rodés 31
  • sol Tolon 32
  • sol Tolosa 30
  • sol Valença 32

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Laurenç Revèst

    Magasin novèl de Macarèl a Sant Joan de Vedats (Montpelhierenc)

  • Sus la tèrra tan seca, nòstra fin

    Meissonencas en Camarga pichòta

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Julien Cazenave

    17.02.2019: manifestacion a Brussèlas en sosten als independentistas catalans

  • Val d'Aran, cap de Gasconha

  • Agaits occitans sus Barcelona. © Franc Bardòu

    Agaits occitans sus Barcelona

  • 32n rescontre occitanocatalan al pòrt de Salau

  • La Korrika, la corsa per la lenga basca es arribada a Tolosa

  • Valadas. © Xavi Gutiérrez Riu

    Valadas

  • © Josep Carpintero

    Presentacion dera ANC Val d'Aran en Vielha, 28/12/2013

  • © Laurenç Revèst

    Fòrt Maginòt de Sant Anhe

  • © Franc Bardòu

    País Bordalés

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Franc Bardòu

    Asuèlhs de Lauragués

  • © Laurenç Revèst

    La botiga de Macarèl a Sant Joan de Vedats (Montpelhierenc)

  • © Laurenç Revèst

    Castelar

  • © Xavi Gutiérrez Riu

    Coserans: Sent Líser, Casavèth, Sent Guironç, Saurat...

  • © Laurenç Revèst

    Castelar

  • Canejan. Era glèisa. © Xavi Gutiérrez Riu

    Val de Toran (Aran)

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)