Bandièra01 1180x150: País Invisible

Actualitats

Lo Lis: amassada publica contra lo comptador Linky

Los installators d’aquel polemic comptador d’electricitat obligatòri son ara sus la comuna aussalesa

| Linkyrik ez
Lo Lis (Aussau) aculhirà dijòus que ven una amassada publica sul polemic comptador d’electricitat Linky, que son installacion es venguda obligatòria dins tot l’estat francés, e que sos installators se tròban ara sus la comuna.
 
Participarà a la reünion un membre del collectiu Stop Linky de la Sola (Bascoat) ont un desenat de comunas se son posicionats contra lo novèl comptador.
 
La societat Enedis, qu’es encargada d’installar Linky, es una filiala de la societat francesa d’electricitat EDF, que vòl aver installat 34 milions d’aqueles novèls comptadors d’aicí a la fin de 2021. Los comptadors Linky mesuran e transmeton dirèctament las donadas al fornidor d’electricitat, en permetent de facturar mai precisament e de realizar d’intervencions a distància. Mas son de mai en mai nombroses los ciutadans que refusan aqueles comptadors car, d’un latz, parlan d’ataca contra la vida privada, e de l’autre s’inquietan dels risques sanitaris.
 
L’amassada se tendrà dijòus 6 de decembre a l’Ostal per Totes del Lis a 20h30.

 

 


abonar los amics de Jornalet
 

Etiquetas

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

lgmdmdlsr
2.

"[Lo linky], que son installacion es venguda obligatòria dins tot l’estat francés"

Es marcat ont dens la lei que l'usatgèr diu acceptar aqueste comptador ? Enlòc !

  • 2
  • 0
Pitaluga
1.

Linky: encara una denegacion de libertat de l'usatgièr e un degalh dels mai gròsses (de milions de comptadors a la pobèla) en esperant lo contròl tecnic dels veïculs que farà sacar de molonadas de veituras que marchan plan a las escobilhas. E apuèi nos parlan de transicion ecologica. Es que sabon pas qué inventar per favorizar la sacrosanta creissença que nos poirís la vida e la sola planèta qu’avèm.

  • 2
  • 0

Escriu un comentari sus aqueste article