CAPÇALERA: Conselh Generau d'Aran 728x90
CAPÇALERA2: FAI-TE SOCI

Jornalet, gaseta occitana d'informacions

Diluns, 22 d'abril

Actualitats

Dijòus, 17 de genièr de 2019, 03h00 Economia,Internacional,Politica

Lo parlament britanic a amplament votat contra l'acòrdi de Brexit

Aquela revirada crèa una crisi politica que sas dimensions son encara desconegudas


Comentaris 9 comentaris    
Marrit Flac Bon Plan bon Fabulós (6 vòtes)
carregant En cargar






Etiquetas
brexit

La Cambra dels Comuns refusèt dimars passat amplament l’acòrdi entre lo Reialme Unit e l’Union Europèa sul Brexit. 202 deputats votèron en favor del pache mentre que 432 rebutavan lo Brexit pachat amb l’UE que Theresa May aviá presentat als deputats. Aquò a creat una crisi que sas dimensions son encara desconegudas.
 
E mai lo Brexit foguèsse previst pel 29 de març, ara sabèm pas quora se passarà car la majoritat dels parlamentaris an votat contra. Plusors son partisans d’un Brexit mai dur.
 
Aquela revirada poiriá quitament provocar la demission de la primièra ministra, Theresa May, e la convocacion d’eleccions.
 
Ara lo govèrn britanic poiriá prepausar sul pic al Parlament una fuèlha de rota pel Brexit. Mentretant, l’UE pòt ajornar la data del Brexit per donar d’aire a May e poder tornar negociar los tèrmes del pache. Mas tanben i poiriá aver un Brexit sens acòrdi, çò qu’auriá de consequéncias economicas negativas pel Reialme Unit e per l’UE.
 
 
Reaccions
 
De son caire, la primièra ministra d’Escòcia, Nicola Sturgeon, a demandat un segond referendum sul Brexit en tot remembrar que los escoceses avián votat majoritàriament contra. Quant al president de la Comission Europèa, Jean-Claude Juncker, a sollicitat del Reialme Unit “qu’esclarzisca sas intencions” al pus lèu possible.
 
 
Mocion de censura
 
La cambra britanica presentèt ièr una mocion de censura qu'aguèt pas pro de vòtes per fòrabandir May del govèrn. De fach, una mocion de censura pòt aver tres consequéncias possiblas:
 

— que lo govèrn de May ganhe la mocion e demòre, coma es lo cas
— que la pèrda e lo nòu primièr ministre siá un autre trabalhista o ben un conservator,
— que ni lo govèrn ni l’oposicion sián pas capables de convenir d’un nòu primièr ministre e que se convòque d’eleccions automaticament.
 
Per ara, ièr se'n presentèt una sens pro de vòtes per fòrabandir May.
 
 
 
E ara que pòt arribar?
 
Ara sabèm pas çò que se pòt passar. L’opcion pus marrida seriá que los deputats acceptèsson de quitar l’UE sens acòrdi.
 
D'un caire, lo Reialme Unit poiriá demandar una autra negociacion sul Brexit, mas aquò dependriá de l’UE qu’a l’ora d’ara a dich qu’o acceptariá pas. E mai s’o acceptèsse se caldriá metre lèu al trabalh per sarrar un pache abans las eleccions europèas del mes de mai, puèi qu’al nòu Parlament Europèu i aurà pas pus de deputats del Reialme Unit.
 
D’autre caire, es fòrça probable que lo govèrn britanic demande d’eleccions parlamentàrias amb la tòca que i aja un mandat popular pus clar. Mas per o far, la primièra ministra auriá de besonh del vòte favorable de doas de las tres parts del Parlament.
 
La darrièra possibilitat es de convocar un segond referendum sul mantenement del Reialme Unit dins l’Union Europèa. Legalament, se pòt pas far abans lo 29 de març, e per tant, aquela opcion auriá de sens sonque se l’Union Europèa acceptèsse d’endarrierar la data definitiva per la separacion del Reialme Unit e de l’UE.
 
 
 
 


abonar los amics de Jornalet
 



publicitat



Comentaris

18 de genièr 20.57h

#8
Los defauts de l'UE que'us conseishem tots. Mes aqueth ahar n'ei pas ua istòria de maishants euròcrats qu'empachan los anglés de sortir d'Euròpa. 
Au lendoman deu vòte de 2016, qu'èri convençut qu'Angleterra ne sortira pas de l'UE per'mor, au demiei deus responsables politics de purmèr plan, n'i avè pas DIGUN qu'at volè. Lo David Cameron qu'avè per mira de's servir deu referendòm entà negociar un estatut especiau peu son país en dehens de l'Union (mes la bomba que l'i a peta... Legir mai


Valoriza aqueste comentari:   votar positiu 2   votar negatiu 2
Respondre comentari replica Comentari inadeqüat   Formulari d'abús de comentari

18 de genièr 14.04h

#6 Veirètz que "coma per azard" los engleses seran convidats a votar tornamai. Qu'aquèste cop, "coma per azard" votaràn enfin "plan". Coma aquo se faguèt dins totes los païses europencs ont la resulta dels referendums agradava pas a l'UE. Del cop Englaterra demorarà dins Europa, al grand solaçament de Brussèlas e Paris que saludaran aquel "retorn a la rason" portat per las urnas. E plan segur, promès, jurat, las institucions europencas seran per pas res dins aquel miracle. Quand al ja... Legir mai


Valoriza aqueste comentari:   votar positiu 16   votar negatiu 1
Respondre comentari replica Comentari inadeqüat   Formulari d'abús de comentari

17 de genièr 17.28h

#3 Interdit de sortir d'Euròpa, e a l'interior d'Euròpa, interdit de sortir d'una evolucion sempre mai liberala e financiarista : plan venguts dins lo mond real ! E òc, paure Neo, auriás degut causir la pastilha blava…


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

17 de genièr 15.07h

#3
Lo problèma aquiu n'ei pas l'UE qu'interdiré de sortir mes los anglés que ne son pas d'accòrd enter eths.
Un accòrd qu'èra trobat enter lo govern anglés e l'UE mes que vien d'estar rejetat per ua partida deus deputats qui ne volèn pas d'un accòrd de sortida per'mor que vòlen demorar dens l'UE, e ua auta partida, los hard brexiters, que ne vòlen pas nat ligam dab Euròpa..

Taus qui voleren escapar au "jacobinisme" de l'UE, a l'endòst hens las frontèras exagonaus, que rapèri qu... Legir mai


Valoriza aqueste comentari:   votar positiu 6   votar negatiu 5
Respondre comentari replica Comentari inadeqüat   Formulari d'abús de comentari

17 de genièr 14.55h

#4 La sortida d'Occitània de França aquò seriá plan


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

17 de genièr 13.15h

Òcxit
Les Conselhs d'Occitània se carpinhar su'la sortida de França, e d'UE ?
Sciència ficcion ?


Valoriza aqueste comentari:   votar positiu 2   votar negatiu 1
Respondre comentari replica Comentari inadeqüat   Formulari d'abús de comentari

17 de genièr 10.31h

La morala d'aquesta istoria es qu'es interdich de sortir d'Europa e que las institucions foguèron fachas per qu'aquo siague impossible. Aquo vos rementa pas quicom ? Centralismus Jacobinus Vox Dei ? Es aquo. L'Europa brusseliana qu'es estada a bona escola jacobina respècta pas jamai los referendums que lor resulta marca mal per ela. S'engimbra a los invalidar per entorlopas legalas. Lo brexit fai pas excepcion, veirètz.


Valoriza aqueste comentari:   votar positiu 19   votar negatiu 6
Respondre comentari replica Comentari inadeqüat   Formulari d'abús de comentari

17 de genièr 08.34h

La question es pas que vai se passar?
Mas perqué lo parlement a votar contreJ
Tot se passa en secret e l'òm a dau mau a se far una opinion.
Totjorn l'iceberg que governa e nòstres qu'en vesam nonmas la partida visibla.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

17 de genièr 08.06h

Secret !
L'accòrdi que se disputa es secret...
Jornalet aggrèga d'informacion cryptada...
Comedia politiciana...


Valoriza aqueste comentari:   votar positiu 0   votar negatiu 5
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: IEO Label ÒC

Editorial

“Òc pertot”, enfin la dignitat

Un recampament sus la Plaça Clemenceau de Pau marcava ièr dissabte lo començament de la campanha sonada “Òc pertot“ per l’oficializacion e la dignificacion ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

giny

giny

publicitat

lateral 2 teveoc

Entrevista

publicitat

LATERAL1 300X250: radio pais



publicitat

LATERAL2 330x60: Casteth Paums

Fotografias

  • Valadas. © Xavi Gutiérrez Riu

    Valadas

  • Gavotina maritima - Pelha. © Laurenç Revest

    Gavotina Maritima: Pelha (Comtat de Niça) © Laurenç Revèst

  • © Laurenç Revèst

    A Gavotina marítima: O Castelar vielh, e faishe sota A Pena e vista de Sant Bernat de Castelar

  • Per camins sus a comuna de Pelha, marcai d'occitan en toponimia e vista sus a Baia dals àngels (Aquer d'Ongran)

  • © Laurenç Revèst

    Menton, 'a vivaroalpenca maritima

  • © Julien Cazenave

    12.02.2019: manifestacion a Brussèlas per la libertat presonièrs politics catalans jutjats a Madrid

  • Costiera de Gavotina marítima : Tròces de vial d'a marina de Mónego a Caboalh. © RL

    Costiera de Gavotina marítima: Tròces de vial d'a marina de Mónego a Caboalh

  • © Franc Bardòu

    Asuèlhs de Lauragués

  • De bandièras occitanas a la manifestacions dels Gilets Jaunes, Tolosa 8 de decembre 2018

  • Castelar

  • Rocavion (Val Ges). © Cristòu Daurore

    Rocavion (Val Ges)

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • © Magalí Barceló

    Santa Gabèla: quatrena fèsta del fogal rural La Gabèla

  • Fèsta dal Dalfin al Borg. © Cristòu Daurore

    Fèsta dal Dalfin al Borg Sant Dalmatz

  • Era còlha dera ADÒC ath trabalh

  • Julien Cazenave

    17.02.2019: manifestacion a Brussèlas en sosten als independentistas catalans

  • © Laurenç Revèst

    Menton, 'a vivaroalpenca maritima

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • Zep Armentano

    25au Corsa Aran per sa Lengua

  • Petugon de La Boal

    Conferéncia e dedicaça de l'artista Richard Cairaschi au Musèu municipau deis Arts e Tradicions populàrias de Grimaud (Mauras)

giny

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)