Actualitats
La promocion 2018-2019 d’ensenhaires de Calandreta se son “batejats” al CIRDÒC amb lo grop Uèi
Faguèron collectivament la demanda, e lo grop respondèt amb un poèma, e una cançon a cappella
L’establiment Aprene, que forma los ensenhaires de las escòlas Calandreta, organizèt lo 8 de genièr passat la “batejada” de la promocion d’aprenents de 2018-2019 al CIRDÒC de Besièrs. Ongan es jos l’agach de Rodín e de tota la còla de cantadors del grop Uèi, que los futurs regents an causit coma pairins. “Uèi, lo pòrta plan son nom: cantan l’uman, uèi, las luchas anonimas, las corregudas tragicas, las astradas pietadosas de paures guses en quista de bonaür. Sona tanben coma uèlh: lo qu’espincha los escandals socials, las desbarutas umanitàrias, la corsa calamitosa d’un Mond destimborlat”.
Lo principi de la Batejada
Lo principi de la Batejada es, pels futurs ensenhaires de las calandretas, de demandar a una personalitat del domeni de las lenga o cultura occitanas de li manlevar son nom. Se lo pairin o accèpta, es atal que se nomenarà la nòva promocion de futurs regents. Al moment de l’eveniment, los estudiants presentan lor demanda dins una mesa en scèna.
Ongan, los joves faguèron collectivament la demanda, e la còla del grop Uèi respondèt amb un poèma, e una cançon a cappella. Puèi, la vesprada se perseguiguèt per d’escambis e de cants a l’entorn del manjadrech requist preparat per totes los del pòl de formacion occitan de Besièrs.
Cada annada, la Batejada fa partejar un moment fòrt de la lucha actuala de l’occitan per se bastir un avenidor.
Lo CIRDÒC benastruga los joves que s’endraian dins lo camin de la transmission de la lenga
Aquel moment oficial de l’annada a l’establiment d’ensenhament superior Aprene es l’ocasion pel director Patrici Baccou de far un ponch sul debanament de la formacion iniciala e contunha dels regents de Calandreta. Lo president Joan-Loís Blenet completèt aqueste discors a prepaus de la situacion de las escòlas, dels collègis e del licèu.
De son costat, la còla del CIRDÒC aculhiguèt los futurs ensenhaires. Lo president, Patric Roux, felicitèt los joves que “s’endraian dins lo camin de la transmission de la lenga”. Per quant a el, lo director, Benjamin Assié, saludèt lo retorn de la Batejada al centre.
Lo principi de la Batejada
Lo principi de la Batejada es, pels futurs ensenhaires de las calandretas, de demandar a una personalitat del domeni de las lenga o cultura occitanas de li manlevar son nom. Se lo pairin o accèpta, es atal que se nomenarà la nòva promocion de futurs regents. Al moment de l’eveniment, los estudiants presentan lor demanda dins una mesa en scèna.
Ongan, los joves faguèron collectivament la demanda, e la còla del grop Uèi respondèt amb un poèma, e una cançon a cappella. Puèi, la vesprada se perseguiguèt per d’escambis e de cants a l’entorn del manjadrech requist preparat per totes los del pòl de formacion occitan de Besièrs.
Cada annada, la Batejada fa partejar un moment fòrt de la lucha actuala de l’occitan per se bastir un avenidor.
Lo CIRDÒC benastruga los joves que s’endraian dins lo camin de la transmission de la lenga
Aquel moment oficial de l’annada a l’establiment d’ensenhament superior Aprene es l’ocasion pel director Patrici Baccou de far un ponch sul debanament de la formacion iniciala e contunha dels regents de Calandreta. Lo president Joan-Loís Blenet completèt aqueste discors a prepaus de la situacion de las escòlas, dels collègis e del licèu.
De son costat, la còla del CIRDÒC aculhiguèt los futurs ensenhaires. Lo president, Patric Roux, felicitèt los joves que “s’endraian dins lo camin de la transmission de la lenga”. Per quant a el, lo director, Benjamin Assié, saludèt lo retorn de la Batejada al centre.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari