Bandièra01 1180x150: Comuna de Tolosa

Actualitats

crotz-tolosaCreated with Sketch.GasconhaVal d'Aran

Unitat d’Aran critica que la Generalitat de Catalonha “mesprèse” la lenga del país

La seccion aranesa del PSÒE revendica que l’administracion nomene pas la lenga “occitan” mas sonque “aranés”, e demanda la demission dels responsables de la politica lingüistica de Catalonha

Maria Vergés, conselhièra generala d'Unitat d'Aran
Maria Vergés, conselhièra generala d'Unitat d'Aran
Unitat d’Aran (UA) a denonciat publicament “eth mautractament que patís er aranés” per la Generalitat de Catalonha, e mai acusa lo Conselh General d’Aran “d’impassibilitat”. La seccion aranesa del Partit Socialista espanhòl acusa la Generalitat de Catalonha de “mespresar” e d’“abandonar” la lenga e planh, mai que mai, que la lenga siá apelada “occitan”. Revendica que li digan “aranés”.
 
“Es darrèri ans auem vist coma era Generalitat retalhaue es recorsi tar aranés e substituïe de manèra intencionau eth nòm d’aranés peth d’occitan sense avalorar er impacte qu’aquerò supause en ua lengua fragila e en perilh coma era nòsta atau coma er enòrme risc de desafeccion des parlants, que reconeishen era sua lengua a trauès deth nòm damb que l’an coneishut tostemp”, çò a assolidat la conselhièra generala d’UA, Maria Vergés. Per ela, “ei evidenta, era identitat occitana der aranés, mès aquerò non ei rason entà qu’era nòsta varietat, aquera que, autant Generalitat coma Conselh Generau, an de protegir e favorizar, sigue negligida e mespresada d’aguesta manèra” .
 
Dins aquel sens, lo comunicat d’UA planh que la Generalitat de Catalonha meta en òbra de publicacions, de sits web o de ressorsas lingüisticas en d’autras variantas de l’occitan e exigisson que tot çò que faga en lenga nòstra o siá exclusivament en la varianta d’Aran. E mai acusan lo sindic d’Aran d’o empachar pas.
 
«UA planh que la Generalitat de Catalonha aja reduch lo budget per l'aranés de 100 000 èuros a 60 000 èuros per an. Segon la Generalitat, totun, lo budget destinat a l’occitan es de 260 194,63 èuros per an, amb un aument d’un 131% a respècte de l'an 2013»

Lo comunicat d’UA planh tanben que la Generalitat de Catalonha aja reduch d’un 40% lo budget per la lenga d’Aran. Dins aquel sens, critica que se siá passat de 100 000 èuros a 60 000 èuros per an. Pasmens, segon de donadas fornidas per la Generalitat de Catalonha, lo budget destinat a l’occitan es de 260 194,63 èuros per an, çò es un aument d’un 131% se prenèm en compte lo budget de 2013 que foguèt de 112 667,91 èuros.

Enfin, Unitat d’Aran considèra que los responsables de la politica lingüistica de Catalonha deurián demissionar “ pr’amor qu’utilizen er aranés coma un esturment politic ath servici des sòns interèssi partidaris e non empleguen es recorsi e estrategies de besonh entà preserva-lo e impulsar-lo”.

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Hilh
47.

#46 Mon Diu perqué n'ètz mas mei capables de diferénciar criticas politicas sus un punt particular: la defensa de l'aranés e nhacs contra los catalans??? Tot aquò n'ei pas la culpabilitat deus catalans mes d'uns occitanistas e deus poders espanhòu e de la Generalitat.

  • 3
  • 7
RICARD TARRAGONA
46.

#45 els que mes respecten sens dubte els catalans,on si no ,la llengua occitana es oficial,aguatem com podem injurias de to un pais i encara aixi tirem endavan,i la unica sortida es estar unit,ara tu pense com vulguis pero siusplau pensa be.

  • 8
  • 1
Hilh
45.

#44 e be qu'ac serém se respectèssin tots los membres deu lor declarat pòble

  • 3
  • 7
RICARD TARRAGONA
44.

Així és com es debilita un poble, sembran discòrdia, ara cal més que mai estar units

  • 7
  • 3
Ròdrigo Bigòrra
43.

#40
Gerhard Rohlfs

Le Gascon
Si l’on s’est habitué à considérer le catalan comme une langue à part, il faudra, certes rendre le même honneur au Gascon .

  • 3
  • 9

Escriu un comentari sus aqueste article