Actualitats
Turquia: an mes en libertat la deputada Leyla Güven, en cauma de la fam dempuèi l’8 de novembre
D’autres 293 membres del partit HDP, embarrats preventivament, an jonch la cauma de la fam per metre fin a l’isolament d’Öcalan
Un tribunal del sud-èst de Turquia a autorizat la mesa en libertat de la deputada Leyla Güven, que sa santat es dins una situacion critica a causa de la cauma de la fam que comencèt l’8 de novembre passat.
Güven es deputada del Partit Democratic dels Pòbles, favorable a las revendicacions dels curds. L’arrestèron en genièr de 2018 per aver criticada una ofensiva militara turca contra de milícias curdas dins la region siriana d’Efrîn. Lo ministèri public demanda cent ans de preson per la deputada en l’acusar de “far partida d’una organizacion armada”, en allusion a la guerrilha curda del Partit dels Trabalhadors de Curdistan (PKK), per “propaganda terrorista” e per aver “incitat a l’òdi”.
La parlamentària entamenèt una cauma de la fam per protestar contra las condicions d’encarcerament del cap del Partit dels Trabalhadors del Curdistan (PKK), Abdullah Öcalan, e sa protèsta inspirèt d’autres seguidors de l’HDP. Ara d’autres 293 membres del partit HDP, empresonats preventivament, an jonch la cauma de la fam per metre fin a l’isolament d’Öcalan, çò diguèt aqueste divendres lo partit dins una letra dobèrta al ministre de la justícia, Abdulhamit Gül.
Güven es deputada del Partit Democratic dels Pòbles, favorable a las revendicacions dels curds. L’arrestèron en genièr de 2018 per aver criticada una ofensiva militara turca contra de milícias curdas dins la region siriana d’Efrîn. Lo ministèri public demanda cent ans de preson per la deputada en l’acusar de “far partida d’una organizacion armada”, en allusion a la guerrilha curda del Partit dels Trabalhadors de Curdistan (PKK), per “propaganda terrorista” e per aver “incitat a l’òdi”.
La parlamentària entamenèt una cauma de la fam per protestar contra las condicions d’encarcerament del cap del Partit dels Trabalhadors del Curdistan (PKK), Abdullah Öcalan, e sa protèsta inspirèt d’autres seguidors de l’HDP. Ara d’autres 293 membres del partit HDP, empresonats preventivament, an jonch la cauma de la fam per metre fin a l’isolament d’Öcalan, çò diguèt aqueste divendres lo partit dins una letra dobèrta al ministre de la justícia, Abdulhamit Gül.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari