CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 15 de setembre

Actualitats

Dijòus, 7 de febrièr de 2019, 03h00 Cultura,Escòla,Lenga,Politica

La manifestacion contra la supression de l’occitan dins l’ensenhament public calfa los motors

Davant la volontat evidenta de París de metre fin a l’ensenhament de la lenga nòstra, se crida a manifestar lo 17 de febrièr a 14h a partir de la Plaça del Capitòli de Tolosa


Comentaris 7 comentaris    
Marrit Flac Bon Plan bon Fabulós (8 vòtes)
carregant En cargar


A l’Isla de Baish i aguèt una nombrosa manifestacion de liceans davant l’entrada del licèu Josèp Savèrna. E mai lo cònsol màger de la vila savesa recebèt dimècres passat una delegacion dels ensenhaires occitanofòns.





Nòvas restacadas
Etiquetas
crèo, escòla, lei blanquer, manifestacion, tolosa

La manifestacion contra la supression de l’occitan dins l’educacion publica, que se tendrà lo 17 de febrièr venent, calfa los motors. Organizada pel Centre Regional dels Ensenhaires d’Occitan de Tolosa (CRÈO Tolosa) amb lo sosten de la FÈLCO e de Calandreta, la protèsta ten mai d’un sosten dont l’IEO, Convergéncia Occitana, d’autras associacions occitanistas e plusors elegits. En mai d’aquò, divèrses acamps de protèsta se son ja tenguts e la cauma generala de dimars passat comprenguèt tanben una bona preséncia d’ensenhaires d’occitan a Tolosa, Rodés, Tarba, l’Isla de Baish...
 
 
Los detalhs del cortègi
 
Lo CRÈO Tolosa anoncièt ièr los detalhs de la manifestacion dins una conferéncia de premsa a l’Ostal d’Occitània de Tolosa. Lo cortègi partirà lo 17 de febrièr a 14h de la plaça del Capitòli e passarà per la Carrièra de la Poma, la Plaça de Sant Jòrdi, la Carrièra Bolbona e la Plaça de Sant Estève. Aquí se depausarà una crida a la prefectura. Puèi contunharà per la carrièra de Mètz, la Carrièra d’Alsàcia-Lorena, la Carrièra Lafaieta e finirà tornarmai al Capitòli.
 
 
Manifestacion d’escolans a l’Isla de Baish
 
A l’Isla de Baish i aguèt una nombrosa manifestacion de liceans davant l’entrada del licèu Josèp Savèrna. E mai lo cònsol màger de la vila savesa recebèt dimècres passat una delegacion dels ensenhaires occitanofòns.
 
La FÈLCO al ministèri
 
Mentretant, lo Ministèri francés de l’Educacion dicha Nnacionala recep uèi una delegacion de la FÈLCO, a l’interior de la Federacion per las Lengas Regionalas dins l’Ensenhament Public (FLARÈP). Los ensenhaires occitans pòrtal la paraula del CRÈO Tolosa al ministre.
 
L’ora es gravissima
 
“L’ora es gravissima”, çò explicava Jornalet lo president del CRÈO Tolosa, Nicolau Rei-Bèthvéder. “Pels provisors de licèu e principals dels collègis nos arriban los messatges del rectorat e del ministèri. Son clars: vòlon chaplar l’occitan en licèu e collègi dins los uèit departaments de l’acadèmia de Tolosa”, una de las onze subdivisions escolaras que cabon en Occitània dins l’estat francés.

L’acadèmia de Tolosa a mes fin a la dotacion especifica que finança l’occitan dins los collègis e licèus e daissa sens occitan gaireben 15 000 escolans. Tanben son pertocats una cinquantena d’ensenhaires d’occitan dins l’acadèmia mondina.
 
Dins la rèsta d’Occitània administrada per França, la situacion es pas melhora. Dins las acadèmias de Lemòtges, Clarmont e Grenòble, l’occitan dins los licèus e collègis es anecdotic. A Montpelhièr e Ais, l’occitan a fòrça reculat davant las atacas dels diferents rectors. D’anóncias de barraduras son estadas fachas en Provença ont lo rector se trufa “d’una lenga que se parla pas”. L’explicacion de la fin de l’occitan es lo pretèxt de la reforma Blanquer dels licèus. Lo 60% dels escolans del segondari es dins l’acadèmia de Tolosa.
 
L’occitan es tanben fòrt a Niça, mas patís fòrça la reforma mortifèra dels licèus. Lo quite cònsol màger, Christian Estrosi, a sasit lo ministre de l’educacion francés Jean-Michel Blanquer.
 
La vertat es que i a al Ministèri de l’Educacion de París una volontat evidenta de metre fin a l’ensenhament de la lenga nòstra.
            
            


Amb lo títol “Pas d’Occitània sens l’occitan” los organizaires de la manifestacion son a difondre la crida a la protèsta que vòlon nombrosa. La podètz legir a la seguida e la difusar. 
 
fffff   fffff
  Pas d’Occitània sens l’occitan

“Una lenga val ben una catedrala” - Joan Bodon


 
Lo ministre de l’educacion nacionala, J.-M. Blanquer,  e lo rectorat de Tolosa an decidit de copar l’ensenhament de l’occitan :
 
 — al nivèl nacional, suprimisson tot interès per l’occitan al bac e empachan l’occitan d’accedir al meteis estatut avantatjós que l’opcion latin - grèc
 
 — al nivèl academic, suprimisson los mejans donats abans als establiments per l’occitan. Fauta de mejans sufisents, plan pauc de corses se mantendràn.
 
Las decisions de l’Estat son en contradiccion amb de nombroses engatjaments qu’a preses amb las collectivitats localas. La França se plaça dins l’illegalitat en escarnissent lo còdi de l’educacion e tanben la Constitucion de la republica.
 
L’occitan es un dels elements fondadors de l’identitat de nòstra region. Per plan conéisser e comprene nòstres territòris, podèm ignorar la lenga e la cultura millenàrias que pòrtan. Doblidar l’occitan es pas un signe de modernitat, mas una pèrda de substància.  
 
Dempuèi mai de 40 ans, las pòrtas dels establiments escolars de l’acadèmia de Tolosa se son pauc a pauc dubèrtas a l’ensenhament de l’occitan dins l’encastre d’una continuitat de remarcar.
 
Fàcia a la regression plan violenta en camin, lo Centre Regional dels Ensenhaires d’Occitan de Tolosa (CRÈO), la FÈLCO, l’IEO, las Calandretas, Convergéncia Occitana e d’autras associacions occitanas apèlan massissament  totas las e totes los que son estacats coma eles al respècte de la diversitat culturala e lingüistica de nòstres territòris, a una politica volontarista e ambiciosa per l’occitan e a son plen desvolopament dintre l’escòla, a manifestar:
 
 
 
Dimenge 17 de febrièr de 2019, 14 h,  a Tolosa, Plaça del Capitòli.
 




abonar los amics de Jornalet
 



publicitat
BANER1-2-3: DGPL DICTADES



Comentaris

9 de febrièr 22.36h

Doblidètz pas lo gilet jaune !


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

8 de febrièr 12.14h

Lo licèu de Pins-Justaret (31) que suprima l'occitan.


Valoriza aqueste comentari:   votar positiu 0   votar negatiu 1
Respondre comentari replica Comentari inadeqüat   Formulari d'abús de comentari

7 de febrièr 23.38h

Anem a manifestar per la cultura e la lenga nostra. Havem la rason e la veritat e la justicia al nostre costat, Diéu nos ajudarà. Endavant occitans !!!!!!!!


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

7 de febrièr 23.30h

I cal anar amb los amics, la familha... Los amics gilets jaunes de la CGT, ecologistas, caçaires, esportius..
Òsca als organizators


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

7 de febrièr 08.57h

Tot aquò peta pas que d'un cuol ! L'educacion tota perilha...


Valoriza aqueste comentari:   votar positiu 4   votar negatiu 2
Respondre comentari replica Comentari inadeqüat   Formulari d'abús de comentari

7 de febrièr 07.52h

Coume per sauvar Vistedit et lo cfpoc mp, touts amasses en dawan!
mercés a la moublizaciou de calendretta, dou pno, de bastir e de libertat, soulide que s'y bam escàder!
òsca!


Valoriza aqueste comentari:   votar positiu 12   votar negatiu 4
Respondre comentari replica Comentari inadeqüat   Formulari d'abús de comentari

7 de febrièr 07.52h

Pas d'Ocitania sens l'occitan.
Mas pas d'Occitania emben un occitan copat de las realitats economicas, socialas, istoricas.


Valoriza aqueste comentari:   votar positiu 15   votar negatiu 12
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 31
  • sol Aush 31
  • sol Bordèu 32
  • sol Briançon 24
  • sol Caors 32
  • sol Carcassona 27
  • sol Clarmont-Ferrand 32
  • sol Confolent 31
  • sol Gap 22
  • sol La Canau 32
  • sol La Gàrdia 29
  • sol Limòtges 31
  • sol Lo Borg Sant Dalmatz 25
  • sol Lo Puèi de Velai 30
  • sol Marselha 29
  • sol Montpelhièr 28
  • sol Naut Aran 27
  • sol Niça 26
  • sol Nimes 31
  • sol Pau 29
  • sol Peireguers 32
  • sol Rodés 31
  • sol Tolon 32
  • sol Tolosa 30
  • sol Valença 32

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Laurenç Revèst

    Fòrt Maginòt de Sant Anhe

  • © Laurenç Revèst

    Castelar

  • Zep Armentano

    25au Corsa Aran per sa Lengua

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Vista dal País Niçard e Alpenc. © Centre Cultural Occitan País Nissart e Alpenc

    Vista dal País Niçard e Alpenc

  • © Asalaís Moniguet

    Montpelhièr la lengadociana

  • © Laurenç Revèst

    Menton, 'a vivaroalpenca maritima

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Omenatge a Aragon. © Franc Bardòu

    Omenatge a Aragon

  • © Franc Bardòu

    País Bordalés

  • © Franc Bardòu

    Asuèlhs de Lauragués

  • © Laurenç Revèst

    Via de Buelh a Pèunas a Valberg fins a Sant Laugier

  • © Catarin Seguran

    Las ribas del riu Tiniá d'estiu

  • ©  LR

    Mostier e òrts de Cimiés, antica ciutat de Cemenelum, actualament quartier de Niça

  • Coserans: Sent Líser, Casavèth, Sent Guironç, Saurat...

  • Barcelona

    Dictada occitana 2014

  • © Zep Armentano

    XI prèmis Gaudí de l'Acadèmia Catalana del Cinèma

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • Clarençac, 40en anniversari dau club taurin Paul Ricard "L'Escapaire" (07/06/2015): rossetalha, abrivada e bandida en cèucle dins lei dogas

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)