CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dissabte, 21 de setembre

Actualitats

Dijòus, 14 de febrièr de 2019, 03h00 Escòla,Lenga,Politica,Societat

Manifestacion contra la supression de l’ensenhament de l’occitan, los detalhs que cal saber

Jos lo lèma “Pas d’Occitània sens occitan”, los occitans de tot lo país son cridats a manifestar dimenge 17 de febrièr a Tolosa


Comentaris 3 comentaris    
Marrit Flac Bon Plan bon Fabulós (7 vòtes)
carregant En cargar


Jos lo lèma “Pas d’Occitània sens occitan”, los occitans de tot lo país son cridats dimenge 17 de febrièr a manifestar a Tolosa contra la supression de nòstra lenga de l’educacion publica francesa. La manifestacion l’organizan amb lo supòrt de la Federacion de las Calandretas e de la Federacion dels Ensenhaires de Lenga e Cultura d’Òc (FÈLCO).
 
Segon nòstras informacions, sostenon la manifestacion e cridan a manifestar las organizacions seguentas: CRÈO Tolosa, FÈLCO, IEO, ÒcBi, Felibritge Mantenéncia Lengadòc, Calandretas,  Assemblada Occitana, Convergéncia Occitana, Ostau Biarnés, Ostau Comengés, Carnaval Gascon, Escota e Minja, Païs de Catinou, Lo Congrès, CCOR, Cap a l’òc, ADÒC, CAÒC, Jornalet, Òc Malhòrca, Aquí l’òc, Felibritge mantenéncia Gasconha Naut Lengadòc, CELO, Institut d'Estudis Aranesi-Acadèmia Aranesa dera lengua occitana, Generalitat de Catalonha - Direccion Generala de la Politica Lingüistica.

 
Lo CRÈO Tolosa a tanben recebut fòrça letras de sosten de plusors senators, deputats e cònsols màgers, e mai que mai de parents d’escolans e d’ancians escolans.
 
 
Finançament participatiu
 
Per finançar l’organizacion de la manifestacion, e las divèrsas accions que mena a bon tèrme lo CRÈO Tolosa per reconquerir los mejans especifics per l’ensenhament de l’occitan, s’es aviat un finançament participatiu. Trantalhetz pas per far vòstre don sul sit OkPal.
 
Sus plaça i aurà de pegasolets a 1 èuro l’unitat per sosténer la manifestacion.
 
 
D’autobuses per i anar
 
Lo CRÈO Tolosa organiza d’autobuses per se gandir a la manifestacion dels uèch departaments que cabon dins l’acadèmia de Tolosa.
 
Se prepausa los autobuses seguents. Lo prètz del viatge serà liure e se pagarà çò que se considerarà just.
 

— Aush (11h30) - Samatan (12h15) - L’Isla de Baish (12h45). Reservacion en linha.
 
— Sant Gaudenç (11h00), sortirà del pargatge del Licèu Bagatela, al 114 de l’Avenguda de François Mitterrand. Contacte: contact@ostaucomenges...
 
— Sant Seren (10h00) - Gramat - Caors, contactatz esteve.clerc0847@orange... o +33(0)6 73 62 64 63
 
— Castras (12h15) sortida de la gara SNCF amb arrèst a La Vaur, contactatz dalfinoc2@gmail...
 
— Albi (12h15) de l’airal de coveituratge del Sequèstre/Albi, arrèst a Galhac e a Sant Somplèsi, contactatz dalfinoc2@gmail...
 
— Sant Africa (10h00) partença de la gara rotièra, contactatz bruno.duranton@wanadoo...
 
— Per l’autobús en provenença de Bigòrra contactatz Elodie.Pujol@ac-toulouse...
 
— Per l’autobús del Bas Carcin contactatz emmanuel.isopet@free...
 
— Per l’autobús del País de Fois contactatz ieo09@orange..., +33(0)5 81 06 03 88
 
— Per l’autobús de Montpelhièr contactatz Calandreta a contact@lengadoc.calandreta.org, +33(0)4 67 06 81 16
 
— Per l’autobús de Bearn contactatz lo CRÈO d’Aquitània creo.aquitania@gmail...
 
 Lo principi es la liura participacion dels viatjaires, lo CRÈO Tolosa farà lo complement. Cal totun reservar.
 
Lo pargatge dels buses a Tolosa es al monument als morts, alèas F.Verdièr.
 
En Catalonha se son organizats de coveituratges.

 
Los detalhs del cortègi
 
Lo cortègi partirà a 14h de la plaça del Capitòli e passarà per la Carrièra de la Poma, la Plaça de Sant Jòrdi, la Carrièra Bolbona e la Plaça de Sant Estève. Aquí se depausarà una crida a la prefectura. Puèi contunharà per la carrièra de Mètz, la Carrièra d’Alsàcia-Lorena, la Carrièra Lafaieta e finirà tornarmai al Capitòli.
 
 
L’ora es gravissima
 
“L’ora es gravissima”, çò explicava Jornalet lo president del CRÈO Tolosa, Nicolau Rei-Bèthvéder. “Pels provisors de licèu e principals dels collègis nos arriban los messatges del rectorat e del ministèri. Son clars: vòlon chaplar l’occitan en licèu e collègi dins los uèit departaments de l’acadèmia de Tolosa”, una de las onze subdivisions escolaras que cabon en Occitània dins l’estat francés.
 
L’acadèmia de Tolosa a mes fin a la dotacion especifica que finança l’occitan dins los collègis e licèus e daissa sens occitan gaireben 15 000 escolans. Tanben son pertocats una cinquantena d’ensenhaires d’occitan dins l’acadèmia mondina.
 
Dins la rèsta d’Occitània administrada per França, la situacion es pas melhora. Dins las acadèmias de Lemòtges, Clarmont e Grenòble, l’occitan dins los licèus e collègis es anecdotic. A Montpelhièr e Ais, l’occitan a fòrça reculat davant las atacas dels diferents rectors. D’anóncias de barraduras son estadas fachas en Provença ont lo rector se trufa “d’una lenga que se parla pas”. L’explicacion de la fin de l’occitan es lo pretèxt de la reforma Blanquer dels licèus. Lo 60% dels escolans del segondari es dins l’acadèmia de Tolosa.
 
L’occitan es tanben fòrt a Niça, mas patís fòrça la reforma mortifèra dels licèus. Lo quite cònsol màger, Christian Estrosi, a sasit lo ministre de l’educacion francés Jean-Michel Blanquer.
 
La vertat es que i a al Ministèri de l’Educacion de París una volontat evidenta de metre fin a l’ensenhament de la lenga nòstra.
 
 
 
 
 

Manifestacion contra la supression de l'ensenhament de l'occitan
Dimenge 17 de febrièr 2019 a 14h00 sus la plaça del Capitòli de Tolosa
 
 
 
 
 


abonar los amics de Jornalet
 



publicitat
BANER1-2-3: DGPL AN LAFONT



Comentaris

16 de febrièr 22.44h

Havem de salvar la nostra lenga trebalhant anant la manifestacion e demandant ajuda Diéu perquè lo fachisme francès no mos poda pas tuar la clau del nostre país, sa nostra cultura e lenga.


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

14 de febrièr 16.35h

Shens desbrombar l'inenarrabla assemblada occitana, qui, quan ne serà pas un partit politic, e permeterà tanben de melhorar la situacion mercés a la soa influéncia màger. òsca!


Valoriza aqueste comentari:   votar positiu 0   votar negatiu 10
Respondre comentari replica Comentari inadeqüat   Formulari d'abús de comentari

14 de febrièr 09.09h

De çò que ne sabi los partits o movement politics occitans coma
Bastir Occitanie, Pais Nòstre, lo Partit Occitan e lo Partit de la Nacion Occitana
cridan tanben a manifestar lo 17 de feurèr

http://lo.lugarn-pno.over-blog.org/2019/02/occitanie-toulouse-place-du-capitole-manifestation-pour-la-langue-occitane-le-17-fevrier.html


Valoriza aqueste comentari:   votar positiu 14   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER 3 teveoc

Editorial

Lo jornalisme fa son trabalh

Lo 15 de mai passat, vesitàvem lo licèu Pierre et Marie Curie de Menton. Voliam far un pichon reportatge amb los liceans de la classa d’occitan per nòstra emission #aranésòc ...
giny

Lo temps

Mapa
  • sol Agen 19
  • sol Aush 19
  • sol Bordèu 19
  • sol Briançon 12
  • sol Caors 20
  • sol Carcassona 20
  • sol Clarmont-Ferrand 16
  • sol Confolent 17
  • sol Gap 10
  • sol La Canau 19
  • sol La Gàrdia 19
  • sol Limòtges 19
  • sol Lo Borg Sant Dalmatz 14
  • sol Lo Puèi de Velai 17
  • sol Marselha 21
  • sol Montpelhièr 20
  • sol Naut Aran 17
  • sol Niça 18
  • sol Nimes 20
  • sol Pau 17
  • sol Peireguers 19
  • sol Rodés 20
  • sol Tolon 19
  • sol Tolosa 20
  • sol Valença 16

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • © Iñaki Delaurens

    Val d'Aran

  • © Julien Cazenave

    12.02.2019: manifestacion a Brussèlas per la libertat presonièrs politics catalans jutjats a Madrid

  • Los Arcs (Draguinhanenc): lei carrièras e la torre dau quartier dau Paratge d'ivèrn. © Catarin Seguran

    Los Arcs (Draguinhanenc)

  • Ciutat de Draoníer. © Cristòu Daurore

    Ciutat de Draoníer (Val Maira)

  • Estivada 2013. © Guillem Sevilla

    Estivada 2013

  • País de Rasés. © Franc Bardòu

    País de Rasés

  • © Franc Bardòu

    Coserans al còr

  • © Laurenç Revèst

    Menton, 'a vivaroalpenca maritima

  • Coarasa

    Dictada occitana 2014

  • Meravilhas aranesas. © Franc Bardòu

    Meravilhas aranesas

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • Manifestacion Anem Òc, Tolosa 31 de març 2012. © Cecília Hautefeuille

    Manifestacion Anem Òc, Tolosa 31 de març 2012

  • © Laurenç Revèst

    Galaria fòto: La Gavotina marítima: Esa vielha, totplen de botigas e de toristas, 16 estatjants, 2 vielhs esascs, una gleia e un castèl arroïnat

  • © Conselh Generau d'Aran

    Lo Torn de França 2016 en Aran

  • Occitan e economia: "occitanitat mai o mens visibla"

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • Niça vièlha en occitan niçard. © LR

    Niça vièlha en occitan niçard

  • ©  LR

    Mostier e òrts de Cimiés, antica ciutat de Cemenelum, actualament quartier de Niça

  • © Franc Bardòu

    Catalonha etèrna

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)