Bandièra01 1180x150: Comuna de Tolosa

Actualitats

Barcelona: una enòrma manifestacion contra lo jutjament dels presonièrs politics

S’anóncia desenant mai d’una jornada de mobilizacions dont una cauma generala lo 21 de febrièr e una manifestacion a Madrid lo 16 de març

Jos lo lèma “L’autodeterminacion es pas un delicte”,  qualques centenats de milièrs de personas manifestèron ièr a Barcelona per denonciar lo jutjament que se debana a Madrid contra los presonièrs politics catalans. La mobilizacion seguissiá la crida de las principalas associacions sobeiranistas e de totes los partits independentistas e mai de Catalonha en Comun. Tanben los sindicats majoritaris avián cridat a manifestar.
 
Las primièras jornadas del jutjament, retransmesas a la television, an mostrat per ara que se tracta d’un jutjament politic, ara que se son exprimits los arguments de la defensa e los de l’acusacion portats per lo ministèri public, lo procuraire de l’estat e lo partit ultradrechista Vox, e ara qu’an testimoniat Oriol Junqueras e Quim Forn.
 
Dins los primièrs jorns dels jutjaments i aguèt ja de protèstas e de caumas. E après la reüssida de la manifestacion de ièr s’anóncia plusors jornadas de mobilizacions. Seguirà ara una cauma generala lo 21 de febrièr e una manifestacion a Madrid lo 16 de març.
   

 






Resumit vidèo de la manifestacion:


 

De bandièras occitanas

Artur Quintana

Joan Grases


Per cridar a la manifestacion se difonguèt un vidèo que mòstra de detalhs dels primièrs moments del jutjament, ont los acusats acusan l’estat.
  

 

 


abonar los amics de Jornalet
 

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
2.

Tot aquel mond deu anar en preson! Coma ieu tanben!

  • 0
  • 2
francesc palma
1.

Una bona manifestacion per la libertat dels presos politics, la negociacion e la resolucion pacifica del conflicte. Los fachas a Madrid solament eran 40.000, e los nostres 200.000 molts mais. Se Peiret Sanchez hagués esperat a veire lo resultat de las duas manifestacions, hauria comprés que non havia perquè far novas eleccions abans d'hora.

  • 4
  • 0

Escriu un comentari sus aqueste article