CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 22 de setembre

Actualitats

Dijòus, 28 de febrièr de 2019, 03h00 Escòla,Lenga,Politica,Societat

Tolosa: contunhan las mobilizacions contra la supression de l’occitan de l’educacion publica

Una cinquantena d'ensenhaires faguèron de rambalh ièr davant lo rectorat en revendicant de mejans especifics per l’occitan, e que l’ensenhament de la lenga del país foguèsse pas inferior a lo del latin e del grèc ancian


Comentaris 30 comentaris    
Marrit Flac Bon Plan bon Fabulós (11 vòtes)
carregant En cargar


Environ cinquanta personas protestèron ièr dimècres davant lo rectorat de Tolosa, dins l’encastre de las mobilizacions contra la supression de l’occitan de l’educacion publica. Los manifestants seguissián la crida del Centre Regional dels Ensenhaires d’Occitan de Tolosa (CRÈO Tolosa) e faguèron de rambalh amb de fiulets, de megafòns, de vovozelas...
 
Se revendicava totjorn de mejans especifics per l’occitan, e que l’ensenhament de la lenga del país foguèsse pas inferior a lo del latin e del grèc ancian.
 
La situacion es totjorn fòrça grèva e la mobilizacion es permanenta. Compta sul  vam de la reüssida de la manifestacion unitària del 17 de febrièr passat.
 
 
Lo 13 de març que ven a Tarba
 
Tanben a Tarba se crida a far de rambalh lo 13 de març a 14h davant la direccion departamentala de l’educacion francesa (DSDEN) amb la meteissa revendicacion. La tòca es tanben de far una manifestacion eissordanta e tanben se demanda als manifestants de portar tot çò que pòsca far de rambalh.
 
Trobatz sus Facebook los eveniments del CRÈO Tolosa.
 
 
L’ora es gravissima
 
“L’ora es gravissima”, çò explicava Jornalet lo president del CRÈO Tolosa, Nicolau Rei-Bèthvéder. “Pels provisors de licèu e principals dels collègis nos arriban los messatges del rectorat e del ministèri. Son clars: vòlon chaplar l’occitan en licèu e collègi dins los uèit departaments de l’acadèmia de Tolosa”, una de las onze subdivisions escolaras que cabon en Occitània dins l’estat francés.
 
L’acadèmia de Tolosa a mes fin a la dotacion especifica que finança l’occitan dins los collègis e licèus e daissa sens occitan gaireben 15 000 escolans. Tanben son pertocats una cinquantena d’ensenhaires d’occitan dins l’acadèmia mondina.
 
Dins la rèsta d’Occitània administrada per França, la situacion es pas melhora. Dins las acadèmias de Lemòtges, Clarmont e Grenòble, l’occitan dins los licèus e collègis es anecdotic. A Montpelhièr e Ais, l’occitan a fòrça reculat davant las atacas dels diferents rectors. D’anóncias de barraduras son estadas fachas en Provença ont lo rector se trufa “d’una lenga que se parla pas”. L’explicacion de la fin de l’occitan es lo pretèxt de la reforma Blanquer dels licèus. Lo 60% dels escolans del segondari es dins l’acadèmia de Tolosa.
 
L’occitan es tanben fòrt a Niça, mas patís fòrça la reforma mortifèra dels licèus. Lo quite cònsol màger, Christian Estrosi, a sasit lo ministre de l’educacion francés Jean-Michel Blanquer.
 
La vertat es que i a al Ministèri de l’Educacion de París una volontat evidenta de metre fin a l’ensenhament de la lenga nòstra.
 
 
Regions de França demanda al govèrn d’emendar la reforma del licèu
 
L’associacion de las regions francesas demanda al govèrn de París d’emendar la reforma del licèu e del bachelierat per qu’aquesta “constituisca pas una reculada de la diversitat lingüistica en França”. Dins un comunicat, Regions de França ditz qu’aquela reforma “desvaloriza l’ensenhament extensiu de las lengas dichas regionalas, especialament pel jòc dels coeficients e per una mesa en concurréncia sistematica amb las lengas estrangièras e las autras disciplinas”, e mai afirma que “pòt pas acceptar aquela mesa en perilh de l’ensenhament de las lengas regionalas e de las seccions bilinguas”.






abonar los amics de Jornalet



publicitat
BANER1-2-3: DGPL TRADUCTOR



Comentaris

4 de març 15.37h

No cedir ni un pas, la llengua de Occitània es l'Occità, per tant tot l'ensenyament s'ha de fer en la Llengua del Pais. el damès son anomalies.
Dit això cal lluitar perquè això sigui així posible i real.
I no defallir quan mes li fotin mes li fotrem naltros. Finsa aconsseguir-ho.
Visca la Terra...Lliure!
L'Ernest, "El Tàrrega".


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

3 de març 22.00h

#27 Soi pas l'estacat de premsa de Na Delga, e malgrat ton anonimat te balhi aqueste informacion (ja publica). Pel moment se cal contentar del comunicat de premsa çai-jos. Es pas grand causa me dirètz. Vos respondrai qu'esperam totjorn una tala comunicacion de las autras regions occitanas.
Per saber se valia lo còp de sonar nòstra region "Occitanie", ... sabi pas... valia lo còp de conservar "Provence (Alpes-Côte d'Azur)" o "(Rhône-Alpes)-Auvergne" o crear la "Nouvelle Aquitaine"? Auria ... Legir mai


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

3 de març 19.33h

#24 Ah! Mossur a fach mòstra de son saber. Efectivament, morirai mens bèstia. Cresi que lo còp que ven escriurai amb un pseudo per me balhar un aire intelligent... sabi pas "menneskerettighetsorganisasjonene" o mièlh "Vaðlaheiðarvegavinnuverkfærageymsluskúraútidyralyklakippuhringur" o "nordöstersjökustartilleriflygspaningssimulatoranläggningsmaterielunderhallsuppföljnings- systemdiskussionsinläggsförberedelsearbeten". Enfin, totjorn lo problèma de l'anonimat e del pseudo...


Valoriza aqueste comentari:   votar positiu 1   votar negatiu 1
Respondre comentari replica Comentari inadeqüat   Formulari d'abús de comentari

3 de març 15.22h

QUE FA DELGA ? QUE FA LA DICHA REGION OCCITANIE ? RES RES RES ! PUTA , AQUO VALIA PLAN LO COP DE LA SONAR "OCCITANIE" LA REGION NOSTRA !!!!


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

2 de març 12.57h

#24 Un brave mercé per ta lonja responsa que de verai aquelh sobrenom m'intrigava pro... ㋡


Valoriza aqueste comentari:   votar positiu 1   votar negatiu 0
Respondre comentari replica Comentari inadeqüat   Formulari d'abús de comentari

2 de març 10.46h

#24 Erdogan amb nosautres !


Valoriza aqueste comentari:   votar positiu 4   votar negatiu 4
Respondre comentari replica Comentari inadeqüat   Formulari d'abús de comentari

2 de març 09.51h

#23

Sias cortés Abram e te fai repòsta ambe plaser.

Es gaireben aquò, me cal apondre

S’es ambe Çekoslovakya un dels mots lo mai long de la lenga turca, coma per lo francés anticonstitutionnellement, es pas çò que ten lo mai d’importancia.

Lo turc es una lenga Altaïc (Turc, Mongòl, Tongoz), las lengas altaïcs son aglutinantas, s’apondon sufixes (jamai de prefixes) los uns al autres, dins la lenga de cada jorn 4 – 6 sufixes son causas corentas.

Dins « Oksitanlaştırama... Legir mai


Valoriza aqueste comentari:   votar positiu 1   votar negatiu 1
Respondre comentari replica Comentari inadeqüat   Formulari d'abús de comentari

2 de març 03.31h

#9 #10 Aquò es coma s'apelar per blagar «antioccitanictionellement» a la façon dau mot francés mai long «anticonstitutionnellement»...


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

2 de març 03.19h

#9 #10 Seguent la wikipèdia, un daus mots mai longs en linga turca seriá : «Çekoslovakyalılaştıramadıklarımızdanmısınız» que traduson en anglés per "Are you one of those people whom we could not make to be Czechoslovakian?" mai en espanhòu per "¿Eres una de esas personas a las que no pudimos convertir en checoslovacos?".

Aquò fai que «Oksitanlaştıramadıklarımızdanmısınız» se deuriá logicament tradurre en occitan per quauquarren coma : Sètz d'aquelas personas que n... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

1 de març 22.30h

Visca Tolosa ciutat gloriosa e poderosa !


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2
-
3 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER2: 468x60 Aran TV

Editorial

Jornalet en papièr: la seguida

Dijòus passat a Carcassona, la còla de Jornalet anoncièrem l'intencion de tornar publicar una revista en papièr per l'an 2020. Nòstra idèa es de publicar ...
giny

Lo temps

Mapa
  • sol Agen 14
  • sol Aush 15
  • sol Bordèu 16
  • sol Briançon 13
  • sol Caors 14
  • sol Carcassona 17
  • sol Clarmont-Ferrand 13
  • sol Confolent 16
  • sol Gap 12
  • sol La Canau 16
  • sol La Gàrdia 23
  • sol Limòtges 14
  • sol Lo Borg Sant Dalmatz 14
  • sol Lo Puèi de Velai 14
  • sol Marselha 20
  • sol Montpelhièr 17
  • sol Naut Aran 14
  • sol Niça 19
  • sol Nimes 18
  • sol Pau 15
  • sol Peireguers 13
  • sol Rodés 15
  • sol Tolon 15
  • sol Tolosa 15
  • sol Valença 14

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Franc Bardòu

    Catalonha etèrna

  • © Manel Armengol

    Presentacion deth roman Òc a Barcelona en ocasion dera Hèsta d'Aran

  • © CD

    Escòla Calandreta dau Mas. Drap (País Niçard)

  • © Asalaís Moniguet

    Montpelhièr la lengadociana

  • Niça vièlha en occitan niçard. © LR

    Niça vièlha en occitan niçard

  • 20u corsa Aran per sa Lengua. © Guillem Sevilla

    20u corsa Aran per sa Lengua

  • © Iñaki Delaurens

    Val d'Aran

  • © Catarin Seguran

    Pargue nacionau dels Escrinhs vist de Pratpic (vierar d'Orsiera) a la partença de la valaa dau Drau Nier en Aut Champsaur

  • Dus Occitans ath cap deth tuc deth Mauvèrme (2880 m), entram Coserans e Val d'Aran, eth 11 d'aost de 2012. © Joan Pau Ferré

    Concors d'estiu 2012: La fotografia de las vacanças

  • © Laurenç Revèst

    Menton, 'a vivaroalpenca maritima

  • © Lissandre Varenne

    Senhaletica en Marjarida

  • © Alzear Bofièr

    Estúdios de Ràdio Lenga d'Òc a Montpelhièr. © Alzear Bofièr

  • Valadas. © Xavi Gutiérrez Riu

    Valadas

  • Valadas. © Xavi Gutiérrez Riu

    Valadas

  • © Franc Bardòu

    Asuèlhs Bigordans

  • Val d'Aran, cap de Gasconha

  • Asuèlhs de Menerbés. © Franc Bardòu

    Asuèlhs de Menerbés

  • Fèsta occitana a Barcelona, a l'ocasion del cinquen anniversari de Jornalet

  • Dins la forèst

    Pantais (Poèmas de Lisa Gròs sus pinturas de Christine Nicolas)

publicitat

lateral 2 teveoc



publicitat

LATERAL1 300X250: sapiéncia

Las mai...

publicitat

LATERAL1 300X250: radio pais

giny

Sondatge

Tornariás sosténer una edicion de Jornalet en papièr en 2020?


60%



26%



14%




Vots 35 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)