CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Diluns, 14 d'octòbre

Actualitats

Diluns, 18 de febrièr de 2019, 03h00 Escòla,Politica,Societat

Lengadòc > Lengadòc Naut > Tolosan

Tolosa: cinc mila manifestants per l’ensenhament de l’occitan

Convocada d’urgéncia après l’alèrta de supression de l’occitan de l’educacion publica, la protèsta a recebut un sosten màger de l’occitanisme, d’elegits, d’artistas coneguts, d’escolans, de parents e tanben de la societat civila engatjada


Comentaris 18 comentaris    
Marrit Flac Bon Plan bon Fabulós (14 vòtes)
carregant En cargar


L’apèl del Centre Regional dels Ensenhaires d’Occitan de Tolosa (CRÈO Tolosa) a manifestar contra la supression de l’occitan de l’educacion publica a recebut una responsa positiva de qualques milièrs de personas vengudas de pertot en Occitània, qu’an pres aqueste dimenge passat, 17 de febrièr, lo còr de Tolosa dins una granda manifestacion festiva e revendicativa, que recordava las protèstas Anem Òc! per la lenga occitana.
 
Convocada d’urgéncia après l’alèrta de supression de l’occitan de l’ensenhament public, a recebut un sosten màger de l’occitanisme, de fòrça elegits, artistas coneguts, escolans, parents e tanben de la societat civila engatjada. L’apèl a amassat 5000 manifestants segon los organizaires (3000 segon la polícia e 2000 segon France 3).
 
 
“Pas d’Occitània sens occitan”
 
Jos lo lèma “Pas d’Occitània sens occitan”, la marcha comencèt a 14h sus la Plaça del Capitòli e se passegèt pel centre de Tolosa animat per la batucada de Les Souris Volantes, d’esquilaires de Comenge, de jogaires de clarin e d’autbòi, e de grailaires albigeses e tolosans. Los milièrs de drapèus occitans èran tanben acompanhats del camion sonorizat que portava la musica en dirècte del grop Coriandre, e del gigant de Joan Jaurés.
 
En passant per la Plaça de Sant Estève, los manifestants depausèron lor crida a la prefectura, e contunhèron lor camin tormarmai fins al Capitòli ont après los parladisses i aguèt d’animacions musicalas d’Alidé Sans e Paulin Cortial, de Coriandre, de Brancaleone.
 
 
De sostens importants
 
D’artistas plan coneguts an donat lor sosten a la manifestacion, dont lo cantador Francis Cabrel, Mouss e Hakim del grop Zebda, Eric Carrière e Francis Ginibre dels Chevaliers du Fiel, Matthis Lebel de l’Stade Toulousain, lo cantador Pierre Perret, lo president de la Liga de Rugbi d’Occitània Alain Doucet, Fred Testot d’Omar & Fred e l’escrivan e escultaire Pierre Bergounioux.
 
 
En mai d’aquò, la protèsta a recebut lo sosten e quitament la participacion de qualques elegits, dont l’eurodeputat ecologista roergàs José Bové. Tanben i èran presents los conselhièrs regionals Gérard Onesta, M. Aude Lumeau Perceptis e Patric Roux; e lo conselhièr departamental Bernard Bagnéris. De son caire, Jean-Michel Lattes de la comuna de Tolosa participèt acompanhat del cònsol màger, Jean-Luc Moudenc. Lo Conselh General d’Aran èra tanplan representat.
 
E mai, l’organizacion a recebut fòrça letras de sosten de senators, deputats, cònsols màgers e d’autres elegits occitans, e mai que mai de parents d’escolans e d’ancians escolans. De soslinhar que la presidenta regionala Carole Delga recebrà una delegacion dels ensenhaires lo 4 de març.
 
 
Gaireben tot l’occitanisme a cridat a manifestar
 
Organizada pel Centre Regional dels Ensenhaires d’Occitan de Tolosa (CRÈO Tolosa), la protèsta a recebut lo supòrt de la Federacion de las Calandretas e de la Federacion dels Ensenhaires de Lenga e Cultura d’Òc (FÈLCO). En mai d’aquò cridavan a manifestar un fum de collectius occitanistas dont l’Institut d’Estudis Occitans (IEO), lo PNO, Libertat, lo Partit Occitan, Bastir Occitània, Òc-Bi, Felibritge Mantenença Lengadòc, Assemblada Occitana, Baladòc Tula, Convergéncia Occitana, Ostau Biarnés, Ostau Comengés, Carnaval Gascon, Escota e Minja, Païs de Catinou, Lo Congrès Permanent de la Lenga Occitana, CCOR, Cap a l’Òc, ADÒC, CAÒC, Jornalet, Òc Malhòrca, Aquí l’òc, Felibritge Mantenença Gasconha Naut Lengadòc, CÈLO, SFAIEO, Caminòc, l’Institut d’Estudis Aranesi-Acadèmia Aranesa dera Lengua Occitana e la Direccion Generala de la Politica Lingüistica de la Generalitat de Catalonha.
 
 
Finançament participatiu
 
Per finançar l’organizacion de la manifestacion, e las divèrsas accions que mena a bon tèrme lo CRÈO Tolosa per reconquerir los mejans especifics per l’ensenhament de l’occitan, s’es aviat un finançament participatiu. Trantalhetz pas per far vòstre don sul sit OkPal.
 
 
L’ora es gravissima
 
“L’ora es gravissima”, çò explicava a Jornalet lo president del CRÈO Tolosa, Nicolau Rei-Bèthvéder. “Pels provisors de licèu e principals dels collègis nos arriban los messatges del rectorat e del ministèri. Son clars: vòlon chaplar l’occitan en licèu e collègi dins los uèit departaments de l’acadèmia de Tolosa”, una de las onze subdivisions escolaras que cabon en Occitània dins l’estat francés.
 
L’acadèmia de Tolosa a mes fin a la dotacion especifica que finança l’occitan dins los collègis e licèus e daissa sens occitan gaireben 15 000 escolans. Tanben son pertocats una cinquantena d’ensenhaires d’occitan dins l’acadèmia mondina.
 
Dins la rèsta d’Occitània administrada per França, la situacion es pas melhora. Dins las acadèmias de Lemòtges, Clarmont e Grenòble, l’occitan dins los licèus e collègis es anecdotic. A Montpelhièr e Ais, l’occitan a fòrça reculat davant las atacas dels diferents rectors. D’anóncias de barraduras son estadas fachas en Provença ont lo rector se trufa “d’una lenga que se parla pas”. L’explicacion de la fin de l’occitan es lo pretèxt de la reforma Blanquer dels licèus. Lo 60% dels escolans del segondari es dins l’acadèmia de Tolosa.
 
L’occitan es tanben fòrt a Niça, mas patís fòrça la reforma mortifèra dels licèus. Lo quite cònsol màger, Christian Estrosi, a sasit lo ministre de l’educacion francés Jean-Michel Blanquer.
 
La vertat es que i a al Ministèri de l’Educacion de París una volontat evidenta de metre fin a l’ensenhament de la lenga nòstra.




 
— Vejatz las impressionantas fòtos d'Alice Trsnl.





 
 



 

 

 



 
 




abonar los amics de Jornalet
 



publicitat
BANER1-2-3: DGPL DICTADES



Comentaris

22 de febrièr 18.50h

suber manifestacion! que balha lo VAM!


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

20 de febrièr 22.18h

#14 Pels Gilets Jaunes, la velha, èrem a pauc près lo doble — çò que non es pas pro tanpauc.


Valoriza aqueste comentari:   votar positiu 7   votar negatiu 0
Respondre comentari replica Comentari inadeqüat   Formulari d'abús de comentari

20 de febrièr 11.48h

#15
Los concernits que son pas venguts pòdon aver d'empachas atanben..... Puèi i a los que son luènc de luòc de manifestatcion, es pas totjorn aisit de venir.


Mas çò que m'interessa subretot son los pas concernits : perdequé son pas concernits ? Cossi avèm, endacòm, pas sabut trobar los mots per sensibilizar. Perdequé se son destacat de l'occitan ? ( parli pas aici del caminament classic).

Aquò fa una molonada de questions e segurament e clar, i cal portar responsas. Nos devèm... Legir mai


Valoriza aqueste comentari:   votar positiu 3   votar negatiu 0
Respondre comentari replica Comentari inadeqüat   Formulari d'abús de comentari

20 de febrièr 11.21h

#12
Se volem rasonar de faiçon purament matematica consideram, en tèrmi de manifestacion per l'occitan, la mei beròja escaduda: la de Tolosa en 2012 (tot lo monde qu'èra d'accòrd entà diser qu'èra un succès). 30 000 manifestants per 16 000 000 poblans d'Occitania (la vertadièra e non pas la mini-Occitanie adminitrativa), que hasè sonque un 0,2 % de la populacion.

L'escaduda d'ua mobilizacion que's mesura shens que d'ua faiçon comptabla. Com at èi dit, que cau tiéner compte de l'e... Legir mai


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

20 de febrièr 09.11h

#9 Aparentament, l'i avia aitant de manifestaires per l'oc que per los gilets jaunes la velha a Tolosa. Chau puèi tanben saber qu'una manif, demanda d'organizacion. E per una manif organizaa en 15 jorns, me sembla que la resulta es pas tant marria. Ramento que la manif anem oc de Tolosa en 2012 (30 000 perrsonas au mens), avia chalgut un an practicament per l'organizar. Lo problèma vertadier es lo dau resson mediatic. Supauso que los organizaires an contactat l'AFP, e los localiers dels grand... Legir mai


Valoriza aqueste comentari:   votar positiu 7   votar negatiu 1
Respondre comentari replica Comentari inadeqüat   Formulari d'abús de comentari

19 de febrièr 22.36h

Urrà!!!!!!
Polida manifestacion per la defensa de la lenga d'Oc dels trobadors, la poesia e la vida vivanta del poble de Diéu.


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

19 de febrièr 15.22h

#11 E justament aquò auria degut te menar a te pausar la question :

A partir de quantes manifestants, podes esperar cambiar l'istòria ?
Crèsi pas que siaguessa ambe 5000 !

D'un autre costat vertat es que lo percentatge vòl pas dire res, es sonque per fin d'aver una idèia, tot en sapient qu'aquela idèia, li cal pas far dire çò que dis pas! m'enfin es benlèu melhor que lo det banhat, o a vista de nas.

Ma decebuda es granda.

Ara saria polit de saber cossi dins una vila granda ... Legir mai


Valoriza aqueste comentari:   votar positiu 2   votar negatiu 3
Respondre comentari replica Comentari inadeqüat   Formulari d'abús de comentari

19 de febrièr 12.13h

#9
Mercés peus explics, mes per aver hèit matematicas dinc a la licéncia, que sèi calcular un percentatge...
Hicar en rapòrt los 5 000 de la manif dab la populacion de Tolosa n'a pas nat sens. Quant i a de monde a Tolosa pertocat per l'ensenhament de l'occitan? Segurament pas 500 000...
Puish, qu'ei ua lei generau, las manifestacions, quitament las mei importantas n'amassan pas sonque ua minoritat de la populacion. Per exemple, lo milion de manifestants deu 13 de mai de 1968 a Paris n'è... Legir mai


Valoriza aqueste comentari:   votar positiu 5   votar negatiu 2
Respondre comentari replica Comentari inadeqüat   Formulari d'abús de comentari

19 de febrièr 09.14h

#9 Que caleré har estudis tà n'estar segurs mes que'm sembla en efèit que las zònas on l'occitan ei plan vitèc son meilèu las zònas ruralas que las vilas granas com Tolosa.
Après qu'ei aisit de romegar davant lo son ecran. Si'vs voletz mobilisar mei, qu'ei possible.


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

19 de febrièr 08.37h

#8
Poudampa o pas : Segur qu’es pas pron, es una granda decebuda, amai se l’organizacion s’es facha en pauc de temps a la lesta.

Toloza 500 000 estatjants luòc mitic…… vila mitica sia disent... a 5000 manifestaires nos fa 1,00 percent... dels tolozans ? pas que ! Toloza es pus occitana ?

manifestaires / estatjant vila / percentatge
3000 500000 0,60%
4000 500000 0,80%
5000 500000 1,00%
6000 500000 1,20%
7000 500000 1,40%
8000 500000 1,60%
9000 500000 1,80%
10000 500000 2,00%
1500... Legir mai


Valoriza aqueste comentari:   votar positiu 0   votar negatiu 5
Respondre comentari replica Comentari inadeqüat   Formulari d'abús de comentari

5 -10 -20 -totes
1
-
2 >




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 18
  • sol Aush 18
  • sol Bordèu 18
  • sol Briançon 11
  • sol Caors 18
  • sol Carcassona 19
  • sol Clarmont-Ferrand 16
  • sol Confolent 15
  • sol Gap 9
  • sol La Canau 18
  • sol La Gàrdia 12
  • sol Limòtges 17
  • sol Lo Borg Sant Dalmatz 14
  • sol Lo Puèi de Velai 17
  • sol Marselha 18
  • sol Montpelhièr 18
  • sol Naut Aran 12
  • sol Niça 17
  • sol Nimes 16
  • sol Pau 18
  • sol Peireguers 18
  • sol Rodés 18
  • sol Tolon 18
  • sol Tolosa 18
  • sol Valença 14

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • Estacion de trens de Limós (Rasés) - Senhalizacion en occitan. © Terric Lausa

    Estacion de trens de Limós (Rasés) - Senhalizacion en occitan

  • Fèsta dal Dalfin al Borg. © Cristòu Daurore

    Fèsta dal Dalfin al Borg Sant Dalmatz

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Era còlha dera ADÒC ath trabalh

  • © Aure Séguier

    Carnaval Biarnés 2017

  • Valadas. © Xavi Gutiérrez Riu

    Valadas

  • © Franc Bardòu

    Catalonha etèrna

  • Uvernada Lou Dalfin 2012. ©  Cristòl Daurore

    Uvernada Lou Dalfin 2012

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Occitan e economia: "occitanitat mai o mens visibla"

  • Los Arcs (Draguinhanenc): lei carrièras e la torre dau quartier dau Paratge d'ivèrn. © Catarin Seguran

    Los Arcs (Draguinhanenc)

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Zep Armentano

    Era Mongetada (Val d'Aran 28-29 d'octobre 2017)

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • Valadas. © Xavi Gutiérrez Riu

    Valadas

  • Gavotina marítima: trofèu d'August e vila vielha d'A Torbia

  • © Franc Bardòu

    Asuèlhs de Lauragués

  • © AR

    Vila d'Usès e lo pont de Gardon

  • Dus Occitans ath cap deth tuc deth Mauvèrme (2880 m), entram Coserans e Val d'Aran, eth 11 d'aost de 2012. © Joan Pau Ferré

    Concors d'estiu 2012: La fotografia de las vacanças

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)