CAPÇALERA: Conselh Generau d'Aran 728x90
CAPÇALERA2: FAI-TE SOCI

Jornalet, gaseta occitana d'informacions

Dimars, 21 de mai

Actualitats

Diluns, 11 de març de 2019, 03h00 Environament,Politica,Societat

Gasconha > Lanas e Labrit > Maremna

La justícia a autorizat la represa deu curatge deu lac d’Òssagòr

Ua des·hèita per la causa environamentau, segon la SEPANSO


Comentaris Cap de comentari    
Marrit Flac Bon Plan bon Fabulós
carregant En cargar


Lo 4 de març passat, lo tribunau de Pau qu’a tirat la suspension de las òbras e autorizat la represa deu curatge deu lac d’Òssagòr. Ua des·hèita per la causa environamentau, segon la SEPANSO 40.
 
Los militants qu’ac afirman: aqueth lac qu’ei la natura, e lo son ecosistèma rar que deu estar arrespectat e preservat. Qu’arcastan a la justícia lo son flaquèr de cap a la pression politica e a las autoritats d’aver hèit créder a la populacion que lo lac d’Òssagòr èra un lac artificau, entà justificar cavadas, espandidas e auts adobaments.
 
L’ahar qu’ei complèxe: que mèscla a l’encòp la politica, l’environament e l’economia.
 
Los resultats de las darrèras analisis quimicas qu’èran totun positius, mes com sovent dens aqueras situacions, los opausants que s’avisan que vienen d’ua enquèsta comandada per la quite MACS (comunautats de las comunas Maremne Ador Còsta Sud) qui sostien lo projècte. Eths que s’ahidan mei que tot aus resultats publicats per l’IFREMER (Institut Francés de Recèrca per l’Espleitacion de la Mar), mei independenta e legitima, e qui solide hica endavant lo risc sanitari d’un tau chantièr.
 
La SEPANSO e Los Amics de la Tèrra qu’avèn aviat un prumèr procediment de justícia en noveme passat, e qu’obtienón deu jutge administratiu l’estanc de las òbras, a la fin deu mes de deceme: lo tribunau de Pau qu’avè renviat las òbras pr’amor deu risc de pollucion.  Mes l’intervencion deu prefècte de las Lanas que n’a permetut la represa.
 
Las associacions environamentaus SEPANSO e Los Amics de la tèrra qu’an decidit de portar lo jutjament davant lo Conselh d’Estat.
 
Segon la SEPANSO, tres questions màgers que s’estàn:
 

— Que valen las analisis de l’IFREMER, qui totas e muishan un risc de pollucion?
 
— On son passats los contaminants toxics mentavuts dens lo darrèr recors de suspension?
 
— Lo principi de precaucion non deberé pas prevàler?
 
L’associacion que bremba tanben que pertot en França, los dragatges e regetan los lors sediments dens “zònas embarradas e protegidas au nom de la precaucion e de santat publica, e sustot pas au contacte dirècte dab la pèth deus banhadors”.
 
Dens lo lor comunicat pareishut aquestes dias, que demandan ua mei grana concertacion, e ua presa en compta seriosa deus riscs sanitaris e environamentaus. Qu’invitan la populacion a huéger la plaja de Santocha, probablament polluida.
 
Deu lor costat, los de la comunautat de las comunas MACS que’s regaudeishen deu tornar de las òbras. Que vòlen adara reparar lo temps perdut. Qu’an demandat ua autorizacion especiau entà tribalhar de contunh, de dia com de nueit, e tanben lo dimenge.
 
Los militants, eths,  qu’apèran au manteniment de la mobilizacion, en signant lo manifèste “Las Lanas que son la mea natura”.
 
 
 
 
Ràdio País
 
 
 
 
Aqueste article es possible gràcias a un acòrdi de cooperacion entre Jornalet e Ràdio País.
 
 
 




abonar los amics de Jornalet
 



publicitat
BANER1-2-3: DGPL TRADUCTOR



Comentaris


I a pas cap de comentari




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Per un jornal participatiu, viu e civilizat

Quand discutissèm amb qualqu’un, emplegam quicòm mai que de paraulas. Las expressions de la cara e los gèstes son fòrça importants per comunicar. Quand parlam al ...
giny

Lo temps

Mapa
  • sol Agen 13 6
  • sol Aush 15 4
  • nuvols Bordèu 10 -1
  • sol Briançon 6 -6
  • sol Caors 14 0
  • sol Carcassona 14 2
  • pluja Clarmont-Ferrand 11 5
  • pluja Confolent 9 5
  • sol Gap 14 0
  • nuvols La Canau 13 6
  • sol La Gàrdia 22 9
  • nuvols La Torre de Pèlitz 16 4
  • pluja Limòtges 9 5
  • sol Lo Borg Sant Dalmatz 18 6
  • sol Lo Puèi de Velai 16 4
  • nuvols Marselha 18 6
  • nuvols Montpelhièr 17 8
  • nuvols Naut Aran 12 2
  • sol Niça 14 0
  • nuvols Nimes 19 5
  • nuvols Pau 15 5
  • pluja Peireguers 19 5
  • pluja Rodés 17 3
  • nuvols Tolon 17 3
  • sol Tolosa 19 5
  • pluja Valença 10 -1

giny

giny

giny

Vidèos

giny

giny

publicitat

lateral 2 teveoc

Entrevista

“Avèm un molon de sorires que revenon a cada eveniment”

Rafèu Radreau Carnsaladièr e organizaire d'eveniments culturals a Peirafuec (Nauta Val de Var)

“Avèm un molon de sorires que revenon a cada eveniment”
publicitat

LATERAL1 300X250: radio pais



publicitat

lateral 2 teveoc

Fotografias

  • © Laurenç Revèst

    Mónegue

  • © Lissandre Varenne

    Senhaletica en Marjarida

  • © Franc Bardòu

    Catalonha etèrna

  • © Laurenç Revèst

    Fòrt Maginòt de Sant Anhe

  • © Franc Bardòu

    País Bordalés

  • Cristòl Daurore

    Ceremonia pel 83n anniversari de Francés Fontan a Fraisse (Val Varacha)

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • País de Rasés. © Franc Bardòu

    País de Rasés

  • Era còlha dera ADÒC ath trabalh

  • © Laurenç Revèst

    Menton, 'a vivaroalpenca maritima

  • ©  LR

    Mostier e òrts de Cimiés, antica ciutat de Cemenelum, actualament quartier de Niça

  • La Korrika, la corsa per la lenga basca es arribada a Tolosa

  • País de Rasés. © Franc Bardòu

    País de Rasés

  • © Laurenç Revèst

    Sauve (Cevènas), ciutat màger vidorlenca a las carrièiras bèlas e en mudason

  • © Franc Bardòu

    País Bordalés

  • 80a annaia d’a fèsta dau limon a Menton, en lu Òrts Biovès (16 de febraro au 6 de mars). ©  Artusa Garavan

    80a annaia d’a fèsta dau limon a Menton, en lu Òrts Biovès (16 de febraro au 6 de mars)

  • © Franc Bardòu

    Tèrra albigesa

  • Ferriòl Macip

    Manifestacion Anem Òc! per la lenga occitana. Montpelhièr 24 d'octòbre de 2015

  • Val d'Aran, cap de Gasconha

giny

Las mai...

publicitat

LATERAL1 300X250: radio pais

giny

Sondatge

Escrives normalament de comentaris dels articles que publica Jornalet?


9%



28%



10%



22%



32%




Vots 101 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)